بلادي لها بين الدول قيمه وقدر
 

ابيات متواضعه بمناسبة اليوم الوطني

عسى ان تعجبكم


سلمتي بلادي من هل الشر والغدر = تعيشين طول الوقت مرفوعة الهامــــــــــــــه
تمكّن غلاك وكبر في داخل الصدر= نشا بالحشا مع دورة الوقت وايامــــــــــــــــــه
بلادي لها بين الدول قيمه و قـــدر = وكلٍ يشيد ابها بصحفه وباعـلامـــــــــــــــــــه
منار الهدى اللي شع نوره كما البدر= وغطى الورى في الشرق والغرب باسهامه
انا ديرتي بين الدول شكلها نــــــــدر= بلادٍ تطبّق منهج الشرع واحكامــــــــــــــــــه
لها صيت دايم فوق ماقد نزل حدر = حباها الله الرازق بخيره وبانعامــــــــــــــــــه
احب ارضها والشيح والطلح والسدر= واحب الغدير ونصبت البيت وخيامـــــــــــه
ومن جا يبيها طمْع دمه غدا هـــــدر= تضيق الوسيعه فيه خلفه وقدامــــــــــــــــــــه
الى من شرب عقب الصفايه من الكدر= يخلي وساويسه ويرجع عن احلامــــــــــه
الى شاف من دون الحمى جو كما الجدر= رجالٍ عليهم عهد يوفون باتمامـــــــــــه
رجال المواقف بالوغى فعلهم صدر = لهم عاده يعض العدو منهم ابهامــــــــــــــــه
فحولٍ تنومس لااحتمى الهوش وتهدر= يبيعون غال الروح لاجاه سوّامــــــــــــــــه

هـادي ع . آل جـلبــان

رد : بلادي لها بين الدول قيمه وقدر
 

تسلم والله يمينك على نقل القصيده الجزله وصح لسان شاعرهااا...

والله لايهينك على المشاركه الوطنيه ........

تحيااااااتي ........

رد : بلادي لها بين الدول قيمه وقدر
 

الأخ واصل

السلام عليكم ورحمة الله وبركاته
صححححححححححححححححححححححححححححححح لسانك وتسلم يمينك

ويستاهل الوطن منا كل شي

رد : بلادي لها بين الدول قيمه وقدر
 

قصيدة قليل شكلها .

صح لسانك وبيض الله وجهك

رد : بلادي لها بين الدول قيمه وقدر
 

صح الله لسااانك مليوون ولاتكفي هذي الووطنيه الرااائعه

بيض الله وجهك اخي الشااعر ( واااصل على هذا التووااصل الجميل )

دمت وداام ابدااعك اخي هـادي آل جلبـان


تحيااتي