منتديات سبيع الغلباء - الشاعر الحنان ::لولا عيال سبيع راحت نهابه

[poem=font="Simplified Arabic,6,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يالله عساك مجار من كل الاشرار= ياشاعرن لا غاب نفقد غيابه
ياشاعر الغلباء بعيدين الانظار= ياسيف هندٍ باللقاء ينبدابه
يهديلك ابن هليمه كل مقدار= ياصلب جد ورمز عزوه ولابه
عساك سالم يانسل وافي الاشبار= هذا المراد وغايته واحتسابه
[/poem]
[CENTER][SIZE=5][COLOR=darkred]خالد بن محمد بن الحميدي بن هليمه[/COLOR][/SIZE][/CENTER]
[poem=font="Simplified Arabic,6,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يامرحبا واعداد همال الامطار= واعداد ماهل المطر من سحابه
برسالةٍ جتني عبر بث الاقمار=في شاشة الجوال جتني كتابه
من شيخ قوم للمهمات مغوار= شيخٍ ولد شيخٍ حميدن جنابه
حفيد شيخانٍ قديمين الادوار=أهل السياده والبرا والمهابه
اخوان ساره يوم عج الملح ثار=حماية البيرق نهار الحرابه
امارة معروفة علم وجهار=تشهد لها خندف وتشهد شبابه
في بيرق ابن هليمه تامن ديار=وتمشي تحت ظله جحافل ولابه
من ضلع قوس إلى البراعيم ويسار=الى عوالي نجد واقصى هضابه
وسند بها لقطان وفروع جبار= وحدر بها وادٍ غروسه تشابه
جنات عدنٍ لا جرت تحتها أنهار= من شحت الدنيا عليه التجابه
كلٍ يبيها من بعيدات الاقطار= لولا عيال سبيع راحت نهابه
عيا بها الثوري على قحص الامهار=جروب جدٍ سعده اليا التجابه
له عزوة يشعى بها شعف الابكار= كم ذود مصلاح مفرح غدابه
مطوي السقيان نبراس الاحرار=في قمة الغلباء وكلٍ درابه
وشارع يعرفونه مودين الاخبار=أسد عرين ومقدم آسود غابه
خيال سبلا قبل الافلاك تندار=على صواريم العداء يندعابه
مذخور سلطان الهليمي هل الكار=شيوخ مافي طيبتهم غرابه
افعالهم تفحم رواةٍ وشعار=تاريخهم معروف كلٍ حكابه
خشمان ضد الخصم ريفٍ على الجار= في قسوة الايام طاب الرجاء به
ياربي تجير الحميدي من النار=عسى جنان الخلد عندك ثوابه
لو السنين تبور ماني ببوار=الفضل لاهل الفضل ساس انتسابه
ولا ني بدور في مواجيبي أعذار=لكن علي اظروف ماتنتجابه
مني تحيه ياطويلين الاعمار=أهل القلوب البيض وأهل الرحابه
[/poem]
[CENTER][SIZE=5][COLOR=darkred]فلاح الحنان الثوري السبيعي 1/2012م[/COLOR][/SIZE][/CENTER]