((( إبليس وسوس له وصار ايتجرّا )))
 

بسم الله الرحمن الرحيم

الاخــوة الاعزاء في هذا المنتدى الشامخ بإذن الله تعــالى
أطــرح بين أيديكم هذه القصيدة الاجتماعيه وهي نصيحــه
أســأل الله أن ينفع بها من ضل عن طريق الحق وأن تكون
من أسبــاب هدايته ... آمل أن تحوز على رضاكم,,,,,,,,


[poem=font="Simplified Arabic,5,blue,bold,normal" bkcolor="transparent" bkimage="backgrounds/1.gif" border="inset,5,gray" type=2 line=0 align=center use=ex num="0,black"]
أبدأ بذكر الله قبل بِدع الأبيات=الواحد المعبود رب السماوات

رب البشر عالم جميع الخفيات=اللي خلق لأنفس ويعلم خفاها

ومن بعد ذكره عندي أغلا نصيحة=للمستمع فيها فوائد مليحه

من هاجسي وأغلا بيوت القريحة=أغلا بيوتٍ صغتها وش حلاها

نصيحةٍ لهل القلوب الفطينة=للي يبي عقله وماله ودينه

لا يتبع أهل الشر ضاعت سنينه=ومن يتبع الأشرار يصبح عشاها

من يتبع الغاوين ضاعت حياته=وراء السموم اليوم ودّه وهاته

وعزّيل رجال ٍ يسوّي سواته=أنا أشهد أن عينه بكفه عماها

عميت عيونه لين طاح وتبهذل=وأخطاء طريق الخير عقب القدم زل

وأهل الردى حطوه لشّر منهل=كل ٍ يورد سلعته مبتغى ها

أشوف لي ناس ٍ سوات البهائم=وراء البلاوي دائم الدوم هائم

واليا نصحته قال ما هيب دائم=حسب المزاج أليا تكدر شراها

إبليس وسوس له وصار ايتجرّا=حتى وقع وأدمن وقام إتحرّا

متى يجي من يسعفه كان مرّا=لين ٍ نفسه في المهالك رماها

حتى انتهى مخه وجافيه تشويش=وخلا الوظيفة واخطته لقمة العيش

وأصبح يحوم تقول طير ٍ بلا ريش=بعد أنفصل ضاقت عليه بفضاها

وصل الخبر لبوه وجا له على طول=وحضّر على القائد معه جمع وأزفول

وقالوا سمعنا إنّ أبننا قيل مفصول=وجينا ك والدنيا كثير ٍ بلاها

نطلبك تسمح له وتعيد فصله=وترجعه بالله ذا اليوم شف له

والله ما غيره حدٍ يصرف أهله=وأمه حزينه لا تخيّب رجاها

أمه ورآنا عقب ما وصلها العلم=قامت تصيح وصابها الضغط والهم

وخذ ت لها يومين تبكي وتزهم=وجينا وهي مسترسلة في بكاها

وقال القائد له دام تبغا الوكادي=فنّا لنا شهرين وفلان غادي

غادي ما بين أهل الشقق والمنادي=والمرجله ضاعت وضيّع عصاها

وفصله توزّع ما تفيد الرجاوي=ولا عاد هي بيدي ولو كنت ناوي

ورقمه تعيّن فيه جندي قصاوي=توّه جديد والوظيفة خذاها

ولا فيه رقم ٍ لو بغينا نعيده=من شان خطوتكم علينا بعيده

لكن نأمل له حياةٍ سعيده=في مقبِل الأيام واللي وراها

عوّد يقوم أبوه ويهز رأسه=ويدعي على أصحاب الردى والنجاسه

اللي تروّج كل سم وخسا سه=لجل الطمع تبتاع حتى أقرباها

ورجع أبوه وقال يا لله مشينا=بّروح صوب أمك عسى الله يعينا

يمكن تضّمك مع خواتك لجينا=وعوّد على أمه يرتجي من عطا ها

تعطيه كنّه وحدةٍ من خواته=وراحت حياته كلبوها شما ته

ولا عاد له حيله يا كود أزفراته=يزفر وكبده تحترق من لضاها

والناس تنظر له بعين المهونه=وعلى الكرامة صار ما يعزمونه

لو كان فيهم شاخصاتٍ أعيونه=كل ٍ تجاهل دعوته ما نساها

منبوذ ماله عندهم قابليه=كل ٍ تبرّى منه حتى وليه

إلا أنْ يغيّر سيرته لوليه=السيرة اللي ضيّعت من مشاها

وأمه شرت له موتر ٍ عقب مده=بالدين قالت يمكن أنّه يكده

ويعوّض الفائت ودينه يسده=ويعيش نفسه كان ربي هداها

هذا الذي شفته أنا قدم عيني=وأنتم بعد شفتوه يالغا نميني

بعض الشباب أنشوفهم ضا يعيني=بأسباب لأعداء اللي تروّج خزاها

عدواننا يبغون تدمير الإسلام=وأن صير تحت أفكارهم دوم خدام

وعقولنا تصبح خرافات وأوهام=هذا تراه اليوم هو مبتغى ها

حربٍ تدمرنا بليّا سلاحي=ترسل علينا كل ليل وصباحي

من الغرب جتنا من جميع النواحي=وقضت على بعض العقول برداها

والحل واضح قدمنا يا ميامين=ترك المعاصي والتثبُت على الدين

ومحاربة لأعداء بكل القوانين=اللي علينا مستمر ٍ غثا ها

وتمت وصلى الله على سيّد الخلق=محمدٍ وإعداد ما يبرق البرق

اللي بعثه الله لنا وضّح الحق=وضّح أدروب الخير للي بغى ها[/poem]


أخوكم الشاعر الحميدي بن سعد بن بلعوس السبيعي

رد : ((( إبليس وسوس له وصار ايتجرّا )))
 

اخوي الشاعر القدير/الحميدي السبيعي

أسال الله ان يتقبل منك وان ينفع شبابنا بهذه الدرر الجميله التي تقدمها لهم
بيض الله وجهك وصح لسانك يابوسعد

دمت ودام قلمك الشامخ والى الامام

رد : ((( إبليس وسوس له وصار ايتجرّا )))
 

[size=4]
كما تعودنا من هذا الشاعر عذب الكلام الجميل الله يحفظك

اخونا الحميدي ويبض الله وجهك على هذه الابيات

الرائعه التي تعبر عن ظاهرة خطيرة اليوم في مجتمعنا

اسال الله ان يحفظ شباب المسلمين من المخدرات والمنكرات

وتقبل تحيات اخوك .وافي [/size]

رد : ((( إبليس وسوس له وصار ايتجرّا )))
 

صح لسانك على الرائعه ياالحميدي سجل اعجابي بما خطه قلمك

رد : ((( إبليس وسوس له وصار ايتجرّا )))
 

[font=Simplified Arabic][size=5][align=center]اخـوي الحميـــــدي
"
"
صح السانك يابوســــــــعـد
"
:"
ودمـت ودام ابــــــداعـك
"
"
تحيــــــاتــــي[/align][/size][/font]

رد : ((( إبليس وسوس له وصار ايتجرّا )))
 

[QUOTE=أبو يزيد;66455]اخوي الشاعر القدير/الحميدي السبيعي

أسال الله ان يتقبل منك وان ينفع شبابنا بهذه الدرر الجميله التي تقدمها لهم
بيض الله وجهك وصح لسانك يابوسعد

دمت ودام قلمك الشامخ والى الامام[/QUOTE]

أبو يزيد الله يقبل دعـــاك ويغفـــر
ذنبك وكل مسلم لاهنت على مرورك
العطر وصح بدنك يالقرم أشكــــرك
وتقبل تحياتي وتقديري,,,,,,,,,

رد : ((( إبليس وسوس له وصار ايتجرّا )))
 

[size=3]الهم صلي وسلم على نبينا محمد


&
&

ابن بلعووووووووس ابيض وجه النداوي

علي الحرام انها درر ونصايح ثمينه

اسآل الله ان يهدي بها ظال المسلمين

صح لسآنك واعتلأ شآنك ولاهنت

عودتنا على الجزل طال عمرك دمت لمغليكـ[/size]

رد : ((( إبليس وسوس له وصار ايتجرّا )))
 

[QUOTE=وافي السبيعي;66457][size=4]
كما تعودنا من هذا الشاعر عذب الكلام الجميل الله يحفظك

اخونا الحميدي ويبض الله وجهك على هذه الابيات

الرائعه التي تعبر عن ظاهرة خطيرة اليوم في مجتمعنا

اسال الله ان يحفظ شباب المسلمين من المخدرات والمنكرات

وتقبل تحيات اخوك .وافي [/size][/QUOTE]

الاخ الغـــالي وافي السبيعي صح بدنك ووجهك ابيض
يالقرم ومرورك شرف لي طال عمرك الله لا يهينك على
مرورك العطر وتقبل صادق تحياتي وتقديري,,,,,,,

رد : ((( إبليس وسوس له وصار ايتجرّا )))
 

أخوي الشاعر / الحميدي السبيعي

جزاك الله خير الجزاء وجعلها في موازين حسناتك يوم الحساب

صح لسانك وماقصرت وننتظر منك المزيد

ويعطيك العافيه ،،،،،،،،،

رد : ((( إبليس وسوس له وصار ايتجرّا )))
 

[blink][glow=FFFFFF][color=#0000FF][align=center]كما تعودنا من هذا الشاعر عذب الكلام الجميل الله يحفظك

اخونا الحميدي ويبض الله وجهك على هذه الابيات
تقبل تحياتي يالشاعر[/align][/color][/glow][/blink]