|
رد: 000000سري للغايه
تعرفون في سن المراهقه الواحد يدور ايش يجذب الناس عشان يطالعون
المهم الشباب قاصين قصات عجيه واذا طليت بقفا الواحد منهم به عشرون كيه ونصف 0 حلوه ونص المهم رحت ربيت شعري عشان ابغى اسوي قصه سنتين وانا مغير اسقيه ليل ونهار عشان يكبر تقول نجيله المهم كبر شعري رحت الحلاق قصلي قصه صار راسي زي شجرة العوشزه وتعرفونها كلكم والي ما يعرفها يسال عنها شوك في شوك وما فيها غصن طول الثاني المهم مشطلي راسي الحلاق ونزل الغره على عيوني ما شوف الا اطراف رجولي رحت البيت ضيعت بيتنا مرتي المهم دقيت الباب فكت امي الباب دخلت اشهقت وصرخت وبلمت الين رفعت الشعر عن وجهي وعرفتني قالت وش ذا ياوليدي قلت لها حلوه قصة الاسد قالت احمار ماهوباسد وش ذا رح والله ما تدخل البيت الين تحلق راسك ما صدقتها رحت اشوف المرايه اغمى علي طبعا من جمالي ولا تنشرونها تراها تاليفي واخراجي وشوفولي منتج |
رد: 000000سري للغايه
مره اكلم وحده بالتلفون المهم اشوفك ما اشوفك ما هي راضيه
كان فيه زواج قريب من بيتهم رحت لبست لبس حرمة ودخلت الزواج قسم النساء داخل التيزار ( خيمة الزواجات بالاحياء قبل انتشار القصور ) المهم معي واحد ومتغشين البنات شوفو البدويات ياي ويضحكو علينا وانا متحمل وطاقه روحي عليهن ودي اخنقهن شفت البنت وشبعت منها شوف قلت لخويي خرجنا قال بس ابروح اجيب لنا اي شئ مافيه الا حلاوه شقليطه عند الحضر ومضير عند البدو ساعتها المهم وخويي يمشي تكعبل بالفرشه وطاح وبانت سيقانه والنساء يصرخون رجال فركنا ولحسن حضنا ان التيزار رابط بين بيوت ولا يمكن الرجال يلفون البيوت الا حنا شاردين بعد كم يوم كلمتها انتى اوصافك كذا وكذا وكذا طيب قولي مين اللي تقربلك وعلمتك بأوصافي قلت لها الطير الاخضر صارت تستدرجني اثريها علمت وحده من خوياتها وقالت له اعرفيه وانا اتولى الابلاغ عنه وثاني يوم ولا لقيت عشرين رجال عند الباب اش سويت تابعونا 1 1 1 1 1 1 1 1 1 1 1 1 1 1 1 1 1 1 1 1 1 1 1 1 1 1 1 1 1 1 1 1 1 كلمتهم من ورا الباب بصوت حرمة وقلت لهم ان فلان 00000الي هو انا مسافر له كم يوم راحو قالو اكيد فيه غلط ما دام انه مسافر اكيد واحد يبا يورطه بالمشكله ومنها انفكيت وراحت زي غيرها( بس لو كان فيه كاشف رحت فيها ) |
رد: 000000سري للغايه
تعرفون انا شاطر بالدراسه هي بجهه وانا بجهه المهم يوم رحت الاختبار ولا الاسئله ماده غير الماده الي انا من امس اذا كرها عرفت اني مضيع خميسي وذاكرت اليوم الي بعده طيب كيف اخرج من هذا المأزق اش اسوي ولا سؤال له حل عندي تبون تعرفون اش سويت تابعونا 1
1 1 1 1 1 1 1 1 1 1 1 1 1 1 1 1 1 1 1 1 1 وقفت وعلى طولي دب واشوت الكرس والماصه ولا فيه ولا طالب جالس على كرسيه كلهم برا الصاله من الخوف وانا ياحرام مغمى علي وغير ارتعش 0 الدنيا قامت و شيلوني وجيبولي سيارة الاسعاف وعلى المستشفى وبعد ما انتها الاختبار فقت وطبت وذاكرت المادة وعادولي الاختبار ونجحت هاه بس لا تسووها ترى ما هو كل مره تسلم الجره |
رد: 000000سري للغايه
مره طلعت براسي اني اسوي شئ غريب
ما احد سواه قبلي جبت اثنين مخافيف ما هو زيي لا اخف مني المهم ياشباب انا ابغاكم تتمشون معاي 0 فين 0 بعدين اقولكم رحت شريت لكل واحد قارورة ببسي بس ايه اكبر مقاس 4لتر ونصف كل واحد عطيته قارورة ورحت فيهم بشارع كله نساء في نساء والرجال قله كل واحد يشرب من قارورته الي يسألنا نقوله اول ما فيه رضاعات وكنا محرومين نبغى نعوض الي انحرمناه المهم جاء واحد تسفه علينا مسوي نفسه عاقل ومؤدب قدام النسوان رحت عند صندوق زباله فتحته يمكن 60سم في 60سم وطليت بالصندوق قلت يا الله اقول ايش هذى الريحه طفل ميت صاحبنا جا يجري حاط عمامته على خشمه ما شا الله عليه شم الريحه على طول يوم جا صفته( دخلته ) بصندوق الزباله على راسه وصبيت عليه قوارير الببسي كلها ومشيت وهو ما بعد طلع وراحت ريحة العطور الي كان حاطها وعطرناه حنا وعطر ايه ومشينا ويستاهل الملقوف هذا ملقوف قالوه نعطيك نصف الكرة الارضيه بس تترك اللقافه 0 فكر شوي قال طيب والنص الثاني لمين الملقوف يبى يعرف مين جاره |
رد: 000000سري للغايه
[size=6]الله يسعدك يالمثري
ياعليك سوالف ومقالب مضحكه محرجه في نفس الوقت خصوصا دخولك مع النساء من ورى التيزار هههههههههههههههههههههههه[/size] |
رد: 000000سري للغايه
الله يمسيك بالخير يا ماجد
حبيبي والله الله يسعدك دايما وابدا وفيه منها ترى غير صالح للنشر والا الامور كانت غير |
رد: 000000سري للغايه
مره استاذ لغه عربيه جاني في محل جمله المواد الغذائية
قال ابغى بيض قلت له بصفار ولا بصفارين قال وشهو للدرجه ذي صرتو تستغفلون الناس صفار ولا صفارين وش يعرفكم انتم انه صفار ولا صفارين قلت له ليه حنا مدرسين ما نعرف ايش بالكتاب قال شوف اذا طلع كلامك صح انا ادفع لك قيمة الكرتون واذا كان كلامك ما هو صح امشي وما احاسبك ولا تطالبني بشئ امام الله قلت موافق بس خذ الطبق معك واذا ما هو صفارين لا ترجع تحاسب واذا صفارين ارجع حاسب والطبق يكون بمية ريال رفض الا يكسر الكرتون كله واذا كله صفارين يدفع قيمته وامام اصراره وافقت على ان الطبق بثلاثين ريال ووافق جبنا صندوق زباله اكرمكم الله عند هالمدرس وحبه حبه الين خلص الطبق الاول والثاني والعشر والثاني عشر وكله صفارين وقف عن التكسير قالي قولي كيف عرفتم انه صفارين قلت له حنا الي ولدنا الدجاجه ودفع الحساب ومشى وهو يهز راسه مستغربا ودفع 360 ريال نظير جهله وانا كنت متفق مع موزع مزرعة الدواجن اذا ما هو صفارين اخصم من القيمه وقالي طيب وعشان كذا كان قلبي مليان وهو يكسر وانا احسب وفرحان ابيعه 12 طبق بدبل قيمتها وبعدها اذا جاء يقولي الحبحب حلو واحمر قلت له الله واعلم قال كنت ابا افتشه واشوف واذا ما هو احمر اغرمك قلت له انا قلت لك ما هو صفارين اقصد ما هو احمر قلت لك الله اعلم 0 لأن حقين الحبحب مايعطونا ضمانات 0 ضحك وراح صار اذا جا حتى لو يشتري معلبات يقول هاه كيف من جوا 0 وارد عليه صفارين اقصد مدري 0 |
رد: 000000سري للغايه
عبقري بالحيل انا مره اطلبت مني المدام اجيب خدامه للبيت تساعدها اش سويت
قلت لها انا موافق اجيب خدامه بس بشرط استخرج اذن زواج من الخارج واتزوجها واجيبها ومن شروطي عليها تقوم بخدمة البيت حتى تكون من هل البيت وما اكسب اثم من مشاهداتها وهي تلف ظهرها قدامي رايحه جايه جايه رايحه ويمكن تكون عندها مميزات تجذب والشيطان خبيث 0 طلبت مهله تفكر وترد علي0 فكرت جات قالت لي يقولون الخدم مشاكل ما نباهم فكنا منها وبكذا انفكيت من طلب خادمه ولا سواق 0 لكن لو رفضت بصوره مباشره تخليها علكه بفمها انا طلبت خدامه مارضيت انا 00 وهات يا قرق وكلكم تعرفون هذا الموضوع رجال سواء او نساء صح كيف فكرتي نجحت ولا لا مين يجاوبني 0 |
رد: 000000سري للغايه
حنا شله واذا جاء ضيف لواحد منا قمنا كلنا بالواجب منها نتسلى ومنها نخفف على المعزب المهم جاء ضيف لواحد من ربوعنا سوينا العشاء جبناه من عند الطباخ وقلطناه والرجال جالس قام يوم قلنا له اقلط وراح كنا نحسبه راح دورة المياه يغسل جلسنا ربع ساعه الرجال ما جاء دورنا عليه بالشقه ما لقينا قلقنا عليه 0
شوي وهو يفتح باب الشقه وينك يا رجل انقلطك وتروح قال رحت اذيب ثطه اقول بعقلي انطق لا تخلينا سالفه اشو الي ما فيه غريب وكلهم يعرفون انك ضيف ومن خارج حدود القبيله ولا رحنا فيها |
رد: 000000سري للغايه
مره جانا ضيف وعلى نفس المنوال نتكفل كلنا بالشعاء او الغداء حق الضيف يوم قلطنا العشا ولا الضيف يوخر اقلط يا رجال حنا مسوين العشا لك
قال لاوالله مليانه عالاخر دوبي اكل سندوتش وشارب ببسي قلت مير عساه دوم وقلطنا وتعشينا انا وربعي والحمد لله |
| الساعة الآن 03:29. |
Powered by vBulletin® Version 3.8.11, Copyright ©2000 - 2024, Jelsoft Enterprises Ltd. www.sobe3.com
جميع المشاركات تعبر عن وجهة كاتبها ،، ولا تتحمل ادارة شبكة سبيع الغلباء أدنى مسئولية تجاهها