قصيدة في تحديرة قبيلة سبيع الغلباء إلى العارض
 

من القصائد القديمه قصة حدور سبيع
والابيات التاليه قالها ابن رجبان من المداريه بهذه المناسبه يذكر فيها
عدود سبيع مثل الرخام بالحره شرق الغريف ودغيم ابن شرفي ال علي
,,,,,,, يقول
ياعد ياللي كل مارد زادي,,,, ،،،،،،لاترتهب يامارد الفطـــــــــــر الشيب
تسعين نقال التفق والزنادي،،،،،،،، ذالا على جالك وذالا مــــــــــراقيب
لوحدّر دغيم بجمع الشدادي ،،، ،،،،جمع يهابونه جميع الاجــــــــــانيب
عليك من يدقم شبات المعادي،،،،،، دون القليب ودون حرش العراقيب
انا ذيابة مقرعات التوادي،،،، ،،،،،لاحذفن بيدينهن للمغـــــــــــــــاريب
بني عمر اللي كما سيل وادي،،، ،،،يصفق اليا صكت عليــــه المحانيب
كم عيطموس لبسوها الحدادي،،، عقب الطرب شقت على شوقها الجيب
وتقبلوا تحياتي


,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
المصدر سوالف الطيبين للحضبي ورواة سبيع ومخطوطه قديمه لدى كاتب الابيات

صح لسان شاعرها وبيض الله وجه ناقلها .



كفوووو بني عمر الله يخليهم لنا .

عابر لاهنت على الموضوع الرائع معلومات جديده بالنسبه لي
ياليت تزودنا باسباب حدرت بني عمر للعارض ومتى كان ذلك واذا كان فيه قصيد يدلل
على ذلك ليتك تورده لنا

ولاهنت يالقررررررررررررم :)

لاهنت ياعابر على ذكر القصيده

اخوي عابر عرق سبيع الله يعطيك العافية على هذه القصيدة

وبيض الله وجهك

وفي انتظار المزيد

تحياااااتي الخالصة لك

كفو بني عمر

وتحياتي لك عابر العرق

وبيض الله وجه الشاعر


اخوك

ابن شطيط

شكرا لـ ابو عمر
والشامل
وابن سمره
وعبدالله
وابن شطيط
بيض الله وجيهكم يالغالين
ابشروا سوف اسعى الى ابراز مواقف الأجداد وتراثهم بمساعدتكم
وفقكم الله وتقبلوا تحياتي

كفو ياعابر العرق

وانت كريم

والمنتدى واعضاءه

يستاهلون

الاخ الكريم/ عابر العرق
السلام عليكم ورحمة الله وبركاته
مشكور وبارك الله فيك على نقل هالقصيده, واضم طلبي بجانب طلب الاخ الشامل ,
فبودي ان تكتب لنا متى كان محدار سبيع الحداريه , واين كان سكنهم قبل محدارهم في الخرمه ورنيه؟
واسباب المحدار كذلك؟
مشكور اخوي والله يعينك تحمل طلباتنا
ودمت على خير
اخو شما

شكرا يالغالي ابن شطيط
وشكرا لاخو شما وابشر انت والشامل بما طلبتما في موضوع مستقل
مع تحياتي