ابيات مهداه الى راشد السبيعي ... لاتحرموني تقييمكم
 

[CENTER][B][FONT="Century Gothic"][SIZE="5"][COLOR="Blue"][COLOR="Red"][SIZE="6"]السلام عليكم ... مصافحتي الاولى لكم ... اهداء لرجل سبيعي لن انسى مواقفه النبيلة معي مهما حييت ...

راشد بن عبدالله الخثلان السبيعي ... تستاهل المدح وأزود .. ويستاهلون لابتك السبعان ...

.

باب النقد مفتوح ... ويشهد الله انه بيسرني النقد البناء ولاني ابد متضايق منه ....

.

أقول




.
.[/SIZE][/COLOR]

سـلام الله سـلام(ن) خـاص ياصـل راشـد الخثـلان
سـلام(ن) ينثنـي لـه قـاف عايـض مهـدي اليامـي


سـلام الله ياراشـد يقولونـه عـرب نجـران
سلمـت وسلمـت أفعالـك وفعلك دايـم(ن) سامـي


ألا ياهـل الحريـق الله يهـل بداركـم الامـزان
ولدكـم ذا فخـر يانـاس وترفـع لاجلـه اعلامـي



يابـو فيصـل ونعـم الـراس دام انـك مـن السبـعان
قبيلـة عـز تفـزع لـك لـو ان وضعـك غـدا دامـي


هـل الغلبـا ليـا حمـي الوطيـس بداخـل الميـدان
يجونـك مـن طناختهـم بوقفـة صامـل وحامـي


مدلهـة الغريـب سبيـع بـأول واخـر الازمـان
مـوردة الشـريب وضيفـهم يبشـر بالاكرامـي


ابن حثليـن قـد قالـه فـي مـدح اللابـه الشجعـان
يقـول ان فيهـم الفـارس شبيـه الليـث ضرغامـي


وقفـت بوقفـة(ن) ماهـي غريبـة يااخطـل الذرعـان
تجمّلـت وجميلـك صـار مـن فوقـي وقدامـي


يسمونـك ابو فيصـل وانـا سميتـك كحيـلان
ابشهـد لـك شـهادة حـق وهـذي بصمـة ابهامـي


تفهمـت الظـروف اللـي قساهـا شتّـت الاذهـان
ظـروف(ن) قاهـرة ياليـن حـارت منّـها اقدامـي


موافقتـك علـى ندبـي غـدت سيـرة هلـي والشـان
بيـاض الوجـه يبقالـك علـى صفحـات الاعوامـي


مـادام انـك يابـو فيصـل تجـي للمرجلـة عنـوان
بزيـد المـدح لان المـدح واجـب فيـك والزامـي


اشـوف القـاف فـي طاريـك جانـي بأعـذب الالحـان
واذا كانـه عصانـي القـاف ابنـوي فيـه الاعدامـي


يكفّينـي مـع راشـد بأنّـا حسبـة الاخـوان
ورب البيـت فـي قربـه أحـس بجبـرة اعظامـي


سلامـي والسـلام اختـام لأهـل العـز والاحـسان
سـلام(ن) يوصـل لـ راشـد يقـوله عايـض اليامـي


[SIZE="6"][COLOR="Red"].
.


وســــلامتكم ...

.
.[/COLOR][/SIZE][/COLOR][/SIZE][/FONT][/B][/CENTER]

رد: ابيات مهداه الى راشد السبيعي ... لاتحرموني تقييمكم
 

[SIZE=5]وعليكم السلام ورحمة الله وبركاته..
يا هلا وسهلا اخي عايض اليامي حياك الله وبياك في محلك وبين ربعك ونشكر لك مصافحتك الراقية وقصيدتك الرائقة وهي تدل على ان الوفا والجمالة والفعول الطيبة ما زالت موجودة ومتبادلة بين العرب وقصيدتك هذي تدل على كريم خلقك وحسن أدبك وطيب ساسك يا صبي يام.. وبيض الله وجه راشد بن خثلان على فعله ولا هيب مستغربه على ربعي السبعان وانت مثلك يستاهل وأكثر ان شاءالله

قصيدة جزلة ووافية وسلسة في قراءتها تحس معها بشيء من النغم عند قراءتها وانا وان كنت لست ناقدا للشعر ولكني اتذوقه وهذه حقيقة من القصائد الطيبة

مع انك تستطيع دمج المفاعلة الاخيرة في عجز البيت الاول بحيث تكون ألين قليلا (مفاعلة مفاعلة مفاعلة فعول)

بارك الله فيك واصل ابداعاتك ولا تحرمنا جديدك

وياهلابك ومسهلا
[B][FONT=Century Gothic][COLOR=Blue][/COLOR][/FONT][/B][/SIZE]

رد: ابيات مهداه الى راشد السبيعي ... لاتحرموني تقييمكم
 

[SIZE=5][COLOR=red]بيض الله وجهك ولا يهون أبو فيصل [/COLOR][/SIZE]
[SIZE=5][COLOR=red][/COLOR][/SIZE]
[SIZE=5][COLOR=red]أجدت في قصيدتك ياليامي ولا عليك زود يالغالي[/COLOR][/SIZE]

رد: ابيات مهداه الى راشد السبيعي ... لاتحرموني تقييمكم
 

[QUOTE=الهداد;291399][SIZE=5]وعليكم السلام ورحمة الله وبركاته..
يا هلا وسهلا اخي عايض اليامي حياك الله وبياك في محلك وبين ربعك ونشكر لك مصافحتك الراقية وقصيدتك الرائقة وهي تدل على ان الوفا والجمالة والفعول الطيبة ما زالت موجودة ومتبادلة بين العرب وقصيدتك هذي تدل على كريم خلقك وحسن أدبك وطيب ساسك يا صبي يام.. وبيض الله وجه راشد بن خثلان على فعله ولا هيب مستغربه على ربعي السبعان وانت مثلك يستاهل وأكثر ان شاءالله

قصيدة جزلة ووافية وسلسة في قراءتها تحس معها بشيء من النغم عند قراءتها وانا وان كنت لست ناقدا للشعر ولكني اتذوقه وهذه حقيقة من القصائد الطيبة

مع انك تستطيع دمج المفاعلة الاخيرة في عجز البيت الاول بحيث تكون ألين قليلا (مفاعلة مفاعلة مفاعلة فعول)

بارك الله فيك واصل ابداعاتك ولا تحرمنا جديدك

وياهلابك ومسهلا
[B][FONT=Century Gothic][COLOR=Blue][/COLOR][/FONT][/B][/SIZE][/QUOTE]

[CENTER][FONT="Century Gothic"][SIZE="5"][COLOR="Red"]الله يبقيك ويخليك ويطول بعمرك ... لاهنت على اطرائك الجميل اللي يهمني كثيرا ...

ماعليك زوووووووود طال عمرك ... يستاهل راشد

الجزالة والوفاء كله في مرورك الغالي

بيض الله وجهك وعساك قوي

لاخلا ولاعدم

.
.[/COLOR][/SIZE][/FONT][/CENTER]

رد: ابيات مهداه الى راشد السبيعي ... لاتحرموني تقييمكم
 

[QUOTE=رشودي فخر;291433][SIZE=5][COLOR=red]بيض الله وجهك ولا يهون أبو فيصل [/COLOR][/SIZE]
[SIZE=5][COLOR=red][/COLOR][/SIZE]
[SIZE=5][COLOR=red]أجدت في قصيدتك ياليامي ولا عليك زود يالغالي[/COLOR][/SIZE][/QUOTE]
[CENTER][FONT="Comic Sans MS"][SIZE="6"][COLOR="Red"]

مرحبا ومسهلا

ووجهك ابيض ومثل ماقلت ابو فيصل يستاهل

شكرا شكرا ولاهنت

تحياتي[/COLOR][/SIZE][/FONT][/CENTER]

رد: ابيات مهداه الى راشد السبيعي ... لاتحرموني تقييمكم
 

[COLOR="Blue"] يامرحبا ويامسهلا حياك الله بين اخوانك وربعك .. القصيده جزله وافيه وشاعرها وافي ومن قبيله كفو وعزيزه .... مرحباء تراحيب المطر [/COLOR]





[COLOR="Red"][SIZE="6"] عاشق الجود[/SIZE][/COLOR]

رد: ابيات مهداه الى راشد السبيعي ... لاتحرموني تقييمكم
 

القصيده جزله ووافيه وشاعرها وافي ومن قبيله كفو وعزيزه وللشاعر مستقبل كبير /// وراشد الخثلان السبيعي يستاهل الطيب --ابو فيصل من يوصله يلقى علوم غانمة دوم// اتمنى التوفيق للشاعر / وان الله يجزى السبيعي بالخير انشاء الله

رد: ابيات مهداه الى راشد السبيعي ... لاتحرموني تقييمكم
 

يستاهل اليامي والسبيعي

رد: ابيات مهداه الى راشد السبيعي ... لاتحرموني تقييمكم
 

والنعم بك يا راشد الخثلان وتستاهل يبو فيصل::::

بعض ابيات من قصائد قيلت في ابو فيصل والتي تحضرني حالياً وان اعجبتكم اوردتها كلها مع قصائد اخرى (9قصائد اخرى ) ومن بعض القصايد

يقول الشاعر / ربح السبيعي

مني لبن خثلان راشـد تحيـات@@@ احلى من السكر وصافي عسلها
الطيب اللي له مع الطيب وقــفات@@@ وقفات عـز وعـز منهو عملها
نسل الكــرام مجــددين الكــرامــات@@@ العلـم غانــم والمعالــي نهلــها
الطــيب في الأجــواد دايــم وعــادات @@@ماضي وحاضر كل راوي نقالها
... .........الى اخر القصيده


ويقول الشاعر/ مسفر القحطاني :::

سلام ياشيخ دعاني له الطيب@@@ كالصقر لاعدى الرجوم الطويله
شهم كــريم وافــي في المواجيب@@@ يامطيبة لاجــى نهار الدبيــله
انتم بني خثلان صقور المراقيب@@@ واصبحت في خثلان عقيد القبيله
..............الى اخر القصيدة

ويقول الشاعر / محمد السبيعي

كانك نصيت من الرجاجيل رجال@@@ فانص الرجال اللي تذري وتعني
انص الرجــال اللي لها صيتاً وشــان@@@ وتقدر العــاني ولرضاه تعطــي
راشد ولد خثلان من روس شجــعان@@@ من رأس خثلان السبيعي ونعمي
..............الى اخر القصيده

ويقول الشاعر الشيخ /ظافر القحطاني..

ياراشد ابزهمك وانخاك حيثك تنخي@@@ من رجال ترفع الراس الى طريتها
ياراشـد ياعــزوة ربعــه وياسعد الخــوي@@@ شوقتني داركــم بعد ما مــريتها
من اهل الحـريق اللي قـولهم قول وفـي@@@ بالكــرم والطــيب يبوفيصل عزيتها
والمـراجـل عنــدكم حبـلها مايرتـخي@@@ والمـراجل ياراشــد بالــعزم جــريتــها
...........الى اخر القصيده
:::وسلامتكم ::::

رد: ابيات مهداه الى راشد السبيعي ... لاتحرموني تقييمكم
 

والنعم بك يا عايض اليامي === والنعم بلابتك يام ===== وقصيدتك جزله ووافيه وموزونه والمستقبل قدامك====وابو فيصل يستاهل القصيدة والمدح واتمنى للجميع التوفيق وسلامي على يام كلها
*