سببة تسمية ابن مرداس بالامسح
 

نرجع مره ثانيه للسوالف الحلوه اقصد سوالف الاولين يرحمهم الله,, ومادام اننا بدأنا بالكلام عن شايع الامسح بن رمال رحمه الله ,, فأن بعض الناس لا يعرف سبب تسميته بالامسح,, وسببها هو انه احد عينيه ممسوحه فلم يكن له الا عين واحده فقط,, ولكن الله سبحانه اعطاه قوة نظر بهذه العين الواحده اكبر من الي يشوفون بعيونهم الثنتين,, ويروى انه كان رقيبه يستطلع هو رفيق له لكي لا يأتيهم قوم او غزو ,, فلما نطوا على احد الطعوس الطويله وارقبوا قال لخويه: شفت شي؟ قال خويه لا ما شفت شي يا شايع .. قال شايع شف فيه ازوال بعيد تشوفهن ولما رجع الرجل ودقق النظر قال : ايه والله ان كلامك صحيح فيه زول رجل..قال : شايع به نعول والا لا,, قال خويه ما ادري,, قال شايع:
ثلاث عيان من رجلين توايقن... وشافن على روس الحزوم ازوال
والله لولاي خايفن تشمت الملا.. لا اقول في رجل الرديف نعال
... قال خوي شايع وش قصدك .. قال شايع هذولا اثنين مترادفين والرديف هو الي لابس نعول بس.. ويوم راحوا يمهم وجدوهم مثل ما قال شايع,, فسبحان الله ياخذ ويعطي..
والى اللقاء في قصه اخرى.