فزعة هل الوديان من جيل لاجيال = يدري به المولود من شايب له
 

السلام عليكم ورحمة الله وبركاته

هناك قصيدة للشاعر على السبيعي بيض الله وجهه وهي على خلفية فزعة سبيع اهل الوديان
للحدارية في حرب السبية وهو الموضوع الذي كتبه الاخ ابن شطيط جزاه الله خير في منتدانا واحب
ان انقلها بالنص في منتدانا الاخر :

الى من اخذ يقلل من شأن فزعة اهل الوديان لاخوانهم في معركة السبيه
وجعل همه الاكبر الاساءة الى رموز لسبيع وفرسانها

[poet font="Simplified Arabic,4,blue,normal,normal" bkcolor="transparent" bkimage="backgrounds/1.gif" border="solid,4,burlywood" type=0 line=200% align=center use=ex length=0 char="" num="0,black" filter=""]

حنا واهل الوديان روحين في حال =ماهي تفرقنا علوم المغلة
ضجت جبال طويق من هاك الافعال =وارتج منها وادي في محله
فزعة هل الوديان من جيل لاجيال =يدريبه المولود من شايب له
مستجنبين الهجن مع شهب الاذيال=ومعهم مظاهير عليها الاظلة
اللي وصله الصوت للحمل شيال =واللي قعد يحمي الغروس المظله
عقب المعادي صار لسبيع منزال=من الخرج لينك في حراوي مشلة
لايابعد من كان للحكي نقال =مستدخلن حقد على لابة له
.تمت بذكر الله على كل الاحوال=وعلى نبي زين الله دله


[/poet]
واحب ان اشكر اخي ابن شطيط الذي كتب عن فزعة اهل الوديان والاخ عبدالعزيز
الحمد الذي عقب عليها والاخ براق والاخ خيال عرفاء والى كل من كتب ومن لايحضرني
اسمه
والسلام.انتهى كلام الاخ علي السبيعي

والموضوع على هذا الرابط

[url]http://www.subae3.com/vb/showthread.php?s=&threadid=3065[/url]

شكرا لك أخي خيال العرفا على نقل القصيده الطيبه

ونطلب من أخينا بن شطيط كتابة القصيدة في هذا المنتدى لتأخذ حقها هنا من البحث .

لك تحياتي .

بيض الله وجهك يا خيال العرفا على النقل الرائع

وصح لسان علي السبيعي عليها

وسبيع كلهم واحد اللي فالوديان واللي خارجها شي نخبره ولا يخفى على احد

تسلم يمينك خيال العرفا

وتقبل خالص تحيات اخوك بن جراح

[SIZE=3][B][ALIGN=CENTER]مشكور ياخيال العرفاء
والشكر موصول الى الأخ على السبيعي[/ALIGN][/B][/SIZE]

[poet font="Times New Roman,5,black,bold,normal" bkcolor="transparent" bkimage="backgrounds/17.gif" border="double,4,gray" type=1 line=200% align=center use=ex length=0 char="" num="0,black" filter=""]
مشكور ثم مشكور يازين الأقوال=ياللي تنومس يوم شاف الأدله
انتم بني عم وإنا بني خال = والجد واحد والردي فدوتله
لعل يفدونك مجاميع الأنذال = اللي سوالفهم على غير مله
وإنا هل الشرفا قديمين الأفعال= وعاداتنا نزور العدو في محله
وإنا يمانينا شطيرات وطوال = وتحط في كبد العدو كل عله
هل سربةٍ يضرب بها امثال وامثال = مثل البرد من مزنةٍ مستهله
وأهل الحمايا حق والحق ينقال = وإنا ذرا عساف وانا هلله
خيالة الشرفا حَماقا وعيّال = وعدونا لو هو بعيد ندله
وإنا ترى أحفاد ذولاك الأبطال = وإعرف ترى ولد الفتى تابعله
وإلك التحيه وافيه من سعة بال = من واحدٍ رد الوفا عادتله
ومشكور ثم مشكور يازين الأقوال = يا للي تنومس يوم شاف الأدله

[/poet]

[SIZE=5][B][ALIGN=CENTER]ابن شطيط[/ALIGN][/B][/SIZE]

بن شطيط

بيض الله وجهك وصح لسانك على القصيده الجزله

والشكر موصول للاخ خيال العرفا

تحياتي للجميع

ابن جراح

اشكر ابوعمر لمروره

ابن شطيط اشكر لك طيبك وصح لسانك ووفقك الله دنيا واخرة وماقلت الا الصحيح

انتم احفاد ذولاك الابطال بيض الله وجهك

اخي ابن جراح اشكر لك مرورك ووقتك الذي بذلته لنا وهذا من طيب اصلك

وعلى فكرة انا كتبت القصيدة اول مرة ولاادري اين ذهبت فظن البعض اني اكتفيت بالرابط

وهذه ثاني مشاركة تحذف ولكنها فدوة للشباب.

خيال العرفاء


كل الشكر لك اخي على النقل الطيب

وصح لسان الشاعر علي السبيعي


وكما تفضل الاخوان كلنا من عظام الرقبه


وللمبدع ابن شطيط كل الشكر على الرد الجميل والوافي

خيال عرفا لم يحذف من كتاباتك شيء البته ..........ولعلك تستعمل الفرمته فهي مفيده جداا لبعض الناس وخصوصا الأجهزه القديمة :) فلك ثلاثة عشر مشاركة وهي موجودة الآن راجع هذا الرابط .. ولا تنسى قضية الفرمته:)

[url]http://www.sobe3.com/search.php?s=&action=showresults&searchid=294[/url]

بن شطيط بيض الله وجهك على الرد الجزل الطيب وعلى يستاهل الرد .

وفيت وكفيت

يشرفني مرورك اخي الكوكب السيار وبارك الله فيك

وحياك الله يبوعمر والقضية بسيطة حبيت الفت نظرك فقط ونحن حريصين على المنتدى

وبالتوفيق

رد : فزعة هل الوديان من جيل لاجيال ،يدريبه المولود من شايب له
 

مشكورين والله يعطيكم العافية