ابويزيد والشعار الباقين ابي رايكم
 

اخواني في منتدى الغلباء يسعدني اشارك معكم

وانا فالبدايه اكتب صارلي فتره والحين واصل عمري 20 وودي اعرف انا شاعر او لا

والقصيده تقول

[poem=font="Simplified Arabic,4,white,normal,normal" bkcolor="transparent" bkimage="backgrounds/32.gif" border="none,4,white" type=0 line=0 align=center use=ex num="0,black"]
عزي لمن مثلي يجـاذب ونينـه=لامن غشاه الليل من ضيقتـه ون
على حبيب(ن) ماوجد مثل زينـه=سافر غصب من كثر ماواجه الزن
يابو فهـد قلبـي تزايـد حنينـه=ودموع عيني فوق خـدي يهلَـن
والبال من همـه الاهـي يعينـه=من العنا كن فيه مثـل النجـر دن
كني غريب(ن)ضاع وسط المدينه=في ديرة الأغراب من ضيعته جن
ياصاحبي حجـم العنـا خابرينـه=ماهوب مقياسه بكيلـو أو الطـن
أحـزان هالعالـم بقلبـي رهينـه=أكن جرحي ميـر أتعبنـي الكـن
وين الهنا ياخوك والقلـب وينـه=عزي لحالـي كـل ماهاتفـي رن
اقطع عذاب القلب ضيـع سنينـه=واقطع زمان الجور والشك والظن
ياعيـن ادري حيـل انـج تبينـه=وانج تعيفين العوض لو طلع مـن
لكن ظروف الوقت دايـم لعينـه=مافيـه الا نـدعـو الله يـعـدن
كاتم جروحي والمشاعـر دفينـه=هن الذي ماحب ياصاحبـي هـن
لـ ظلم علي الليل وامسـت سكينـه=ابكي وقول ارجوك ياهاجسي غن
عادة قصيدي بنج روحي الحزينه=واليا انتهى وقته يعاودنـي الحـن
يابو فهد وشلون ترسـى السفينـه=وربانها سنّـن غيابـه لنـا سـن [/poem]

وسلامتكم .... واتمنى النقد البناء

رد : ابويزيد والشعار الباقين ابي رايكم
 

صح لسانك يا سبيعي عاقل



قصيدة بها معاني جميلة



أما الملاحظات فستجدها برد اخي ابو يزيد



اتوقع لك مستقبل ممتاز بالشعر خصوصا القوافي الصعبه


والله يزوجك بكر ما تعرف الجوالات :)

رد : ابويزيد والشعار الباقين ابي رايكم
 

[color=#660000][size=3]ياهلا وغلا ياسبيعي(.....)
سعدأ بتواجد هذه الموهبه القادمه بيننا في منتديات الغلبا

واشكرك اخو يالغالي على ثقتك بي وصدقني اخي بأنني لازلت تلميذااا اتعلم من كوكبة الشعراء الموجودين بالمنتدى.

القصيده جميله وبدايه اكثر من رائعه وقافيه جميله وفيها تجديد وايقاع موسيقي جميل.
واتوقع لك مستقبل باهر بأذن الله متى ماطورت موهبتك بالقراءه والاطلاع على الشعراء القدامى والشعراء البارزين .
انت في هذه القصيده كتبت تحت تأثير عاطفه قويه جدااا (لاتخاف كلنا كنا ضحايا بشكل اوبآخر لهذه العاطفه في يوم من الايام).
شاعرنا القادم: يقال اعذب الشعر اكذبه والشعر الغزلي هو غرض من اغراض الشعر ومن اجملها لانه يكتب بعاطفه غالباااا ماتكون صادقه حتى لوكانت من الخيال ويجوز للشاعر مالايجوز لغيره وهنا اقصد الشعر. مثل المبالغه فى الوصف وصف الشخوص او وصف الاحاسيس والمشاعر واجمل مالدى الشاعر هو انه ينثر همومه ويبثها عبر القصيده.

اذكان لاخيك ابويزيد من توجيه وهو توجيه محب بلاشك فهو :

السهل الممتنع دائمااا عندما تأتي القصيده سهلت الالفاظ فيها ايقاع موسيقي فيها مفرده جميله ودارجه فيها حركه وإثاره كلما كانت قريبه من الاذن وتطرب لها وهذا هو السهل الممتنع سهل على المستمع وصعب على من اراد ان يأتي بمثلها( د. غسان). هذا النوع من القصيد يلقى القبول لدى جميع شرائح المستمعين (البدوي. الحضري . المتعلم. الصغير. الكبير.) لانه قريب منهم المفرده المفرده ركز عليها وعلى توضيفها بالشكل المطلوب.
ايضااا الرمزيه فى القصيده واستخدام القفشات والامثال والابتعاد عن الشعر القصصي إن جازت التسميه.

لاحظ انني لم اتكلم عن الوزن والقافيه لانها اشياء بديهيه يفترض ان يلم بها الشاعر والوزن تستطيع التغلب عليه بتلحين الابيات فإذا جاءت على نسق واحد وسهلة الترديد فهي موزونه.
والقافيه ركن اساسي فى القصيده ولكن لا تحاول ان تجبرك القافيه على عسف الكلمات وتوضيفها في غير اماكنها من اجل القافيه.
---------------------------------------

[color=#0066FF]وين الهنا ياخوك والقلـب وينـه=عزي لحالي كـل ماهاتفـي رن[/color]

جميله الرمزيه هنا : تتوقع اتصال من شخص ما.
ماعليه انت عارف شركة الاتصالات ( حط اكثر من عذر)

عموماااا القصيده جميله وبدايه جميله واتوقع لك مستقبل بإذن الله وفالك المليون والتوفيق وتفضل فى الميلس.

همسه صغيره: اتمنى تغيير الاسم ياشاعرنا القادم .[/size][/color]

رد : ابويزيد والشعار الباقين ابي رايكم
 

[color=#000000][size=4][align=center]صح لسانك

قصيده رائعه

ياسبيعي عاقل


سجل اعجابي[/align][/size][/color]

رد : ابويزيد والشعار الباقين ابي رايكم
 

[align=center][size=5][color=#800080]ياسبيعي يامطفووق

مرااحب. مرااحب. ياهلا. ياهلا بشاعرنا

بدايه ممتازه نرجوا منك الإستمرار على هذا النهج

وقياساً لعمرك نرى إن شاء الله أن القادم مذهل وستكون

أول من يتخرج من هذه الأكاديميه نتمنى لك التوفيق,,,,[/color][/size] [/align]

رد : ابويزيد والشعار الباقين ابي رايكم
 

صح لسانك ياابن العم قصيده جميله وفااااالك طيب......

رد : ابويزيد والشعار الباقين ابي رايكم
 

ابوعمر

صح بدنك وشرفني مرورك

واتمنى استفيد منكم ومن نقدكم البناء

تحياتي

رد : ابويزيد والشعار الباقين ابي رايكم
 

ابو يزيد

اول شي صح بدنك وشاكرلك ع المدح واتمنى اكون قده

واما بخصوص الاطلاع ع الشعار الكبار فلاتوصي حريص << كل حفل دازن وجهي ههههه

واما الوزن فنا انشالله متمكن منه والقوافي كذلك

همسه صغيره : الاسم مسميني به الشايب ماقدر اغيره

تحياتي ياستاذنا العزيز

رد : ابويزيد والشعار الباقين ابي رايكم
 

فتى العزه

صح بدنك وانت الرائع والله

رد : ابويزيد والشعار الباقين ابي رايكم
 

ابوبندر

صح بدنك

وانشالله اكون عند حسن الظن