الشريف / سلطان والشيخ / محمد بن هادي
 

بسم الله الرحمن الرحيم
طلب سلطان الشريف راع الخرمه من محمد بن هادي بن قرمله شيخ قحطان ان يعطيه او يبيعه جوادا من اشهر جياده فاجابه بهذه القصيده
ياراكب من عندنا فوق هجهوج سواج مواج بعيد معشاه
مافوقه الا الكور والنطع وخروج وسفيفتين فوق وركيه تزهاه
اسبق من الدانوق في غبة الموج ملفاك سلطان زبون المخلاه
ياالعبدلي لاتكثر السوم باالغوج لو كان طارينا الثمن كان بعناه
شفي عليه بردة والغلب غوج ان حل بنحور السبايا مثاراه
وان لجلج المجمول فوق الحنى العوج ذهل الغطا واهل الرمك قام تنخاه
تناطحوا واوقف على الزمل عمهوج من شح في عمره عسى الخيل تاطاه
نحدكم حد الجوازي عن الموج ونردكم رد البدن صوب مسناه
هل سربة وان دبرت ركضها عوج وان اقبلت شروى الحرار المغذاه
وكم عندل تبكي على العم والزوج تجر صوت غافي النوم قزاه
وكم سابق تشرى من المال بخروج غدت بروس ارماحنا بالمثاراه
انا جنودي كثر جوج وماجوج حريبنا لوهوبعيد نصيناه
حريبنا مايمرح الليل مفلوج الناس قد ناموا وعينه مقزاه
وعدونا لو قطب الخيل بسروج لازم يخلي منزله لانصيناه
ذا قول من يلوي على الهرج بهروج يلوي ولا يلوى على بعض ملواه
فلما وصلت القصيده للشريف سلطان اجابه بهذه القصيدة حيث قال
حي الكتاب اللي من الفخر ممزوج حيه وحي اللي لفابه وعناه
اهلاوسهلابه ولاهوب مسهوج حشمه لمن كزه ونرفاخطاياه
تكريم مثل الدر مخلوط ببلوج وانوج من العنر الى غلي مشراه
القول له حشمه ومعنى ومهروج عند اللذي يفهم جوابه ومعناه
جانا جواب معرب الحبر معروج ومعسكر لكن حنا فهمناه
وش عاد لوعيا محمد على الغوج بخيل الطواله واحد كنه اياه
منها ثلاثميه وتسعين بسروج مع مثلها تزهى القلايد وتزهاه
نعطي المهار اللي عراقيبها عوج والى عطينا مدة ما تلبناه
كم سابق تشرى من المال بخروج والى عطينا ما نبيله مجازاه
انتم سهيل له مطاليع وبروج وانا القمر في ليلة النصف غطاه
فان كان قومك كثر جوج وماجوج كفرت بالطاغوت وامنت بالله
وانتم سالمين والسلام

رد : الشيخ محمد بن هادي والشريف سلطان راع الخرمه
 

[size=4]ونعم ومليون بعوال الشايب


وصح الله لسان محمد بن هادي بن قرمله[/size]

رد : الشيخ محمد بن هادي والشريف سلطان راع الخرمه
 

بسم الله الرحمن الرحيم
المكرم الاخ فتى العزه السلام عليكم ورحمة الله وبركاته وبعد حياك الله على المرور ومليون نعم بعوال العود ولا يهونون الاشراف وانت سالم والسلام

رد : الشيخ محمد بن هادي والشريف سلطان راع الخرمه
 

[align=center]الشيخ مسلط راويتنا الكبير الله لايهينك علي هالسالفه التي تدل علي معاني كثيره
وعوال الشايب كفوا ومية كفوا[/align]

رد : الشيخ محمد بن هادي والشريف سلطان راع الخرمه
 

بسم الله الرحمن الرحيم
المكرم الاخ المحمدي حفظه الله السلام عليكم ورحمة الله وبركاته وبعد لايصح الا الصحيح بدون قصور بالجميع والاشراف وقحطان وسبيع كل خابرهم علومهم ملئ السمع والبصر وختاما قلته وانا ولد كوير بن راشد ذكر الحيا والطيبين يبين وانت سالم والسلام

رد : الشيخ محمد بن هادي والشريف سلطان راع الخرمه
 

صورة مع التحيه للرواة المعارضين وانتم سالمين والسلام

رد : الشيخ محمد بن هادي والشريف سلطان راع الخرمه
 

ونعم في بن هادي والشريف والقصه هاذي معروفه

رد : الشيخ محمد بن هادي والشريف سلطان راع الخرمه
 

[align=center]أخوي مسلط22 بيض الله وجهك على القصايد النادره التي تثبت حقيقة الموضوع[/align]
[align=center]تبقى يابن العم راويه {إستثنائي} رغم أن هناك من يعارضك في بعض المواضيع[/align]
[align=center]وفي الختام الحقيقه لاتغطى بغربال[/align]
[align=center]لك مني أطيب تحيه[/align]

رد : الشيخ محمد بن هادي والشريف سلطان راع الخرمه
 

الاخ مسلط 22

مشكور ع نقل القصيدة وردها وهي صحيحة الا ان عندي ملاحظة على قولك
ان الشريف من الخرمة والصحيح انه شريف مكة وان كان الفرق سهل ولعلم فقد غزاء سلطان الشريف بن هادي على تين عند ما رفض يعطيه الحصان واجبروه الاشراف ومن معهم ع الغزو وهو ماحصل بالفعل ولكن انكسر الشريف ومن معه وهو ماكان وده بغزو قحطان ولعل الشاهد قصيدته المشهوره..

الله لايسقي نهار(ن) على تين / يوم(ن) خذيـنا به بديعات الاقطاع
جونا الجحادر مثل ودر(ن) محيمين/والقلب من نزرين الاصوات يلاع
لحقوا على شهب سوات الشياهين/ والشقر من ضرب المزاريج خراع
لاقلت ردة يرتكون القحاطين / كلنا لهم بالمد واوفوا لنا الصاع
لشراف لانوا عقب ماكان قاسين/ والشق مايرفاه خمسة عشر باع
الى ان قال سلطان الشريف
وكله لعانى لابسات السباهين / اللي يحطن الشويرع بالاصباع
رفعت رجلي عن طويل التوامين/ ورديت غوجي بينهم مثل فراع
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
المصدر برنامج عبد الله بن خميس من القائل ..
هذا والسموحه ع القصور ان حصل

رد : الشيخ محمد بن هادي والشريف سلطان راع الخرمه
 

بسم الله الرحمن الرحيم
المكرم الاخ ابوبندر السلام عليكم ورحمة الله وبركاته وبعدبيض الله وجهك على معرفة الحق وكما قلت الشمس لاتغطى بغربال كمااشكر الاخ عالي مقامه على المرور وكذلك الاخ السبع واقول له ان قصيدة الله لايسقي نهار ورا تين هي لعبدالشريف غالب بن مساعد حاكم مكه عندما غلبهم الدواسر بقيادة ربيع بن زيد المخاريم وقحطان بقيادة هادي بن قرمله وعمر محمد بن هادي في تين الاولى خمس سنوات وفيها جونا الدواسر مع فريق القحاطين وسلطان الشريف هوصاحب الخرمه لانه والد او جد غالب امير الخرمه وعم اوعم اب الامير الشريف خالد بن لؤي وهناك سلطان العبدلي شريف تربه معاصر للحادثه علما ان تين الاولى عام 1212 هجريه وتين الثانيه بعد سقود الدرعيه عام الف ومئتين وثلاثة وثلاثون هجريه وهي الفترة التي انعدم فيها الحكم المركزي مما اضطر ابن هادي ان يفعل مابدى له وقد خلط كثير من العوام بين التينين جهلا منهم بمجريات التاريخ وانتم سالمين والسلام