منتديات سبيع الغلباء - ندبة سجين تكفون يا سبيع الغلباء

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
سلام يالغلبا عدد ما بدى النور = واعداد ما هل المطر من مزونه
سلام من رجلً ورى الباب مقهور = لا من كلٍ نام تسهر عيونه
اندب سبيع اللي لها العز منشور= ندبة سجينٍ سكر الباب دونه
تكفون يالغلبا لكم فالوفا دور = قسمً لكم كل البشر يخبرونه
رجالهم دايم على الطيب مامور = فضلً من الله دايمً يكسبونه
الكل منهم ينكر الظلم والجور = ما يقبلون الناقصه والمهونه
طلعاتهم فوق الكواكب من عصور = من قبل أبا زيد الهلالي ودونه
وقت الشجاعة ينكسر كل طابور = كم من خصيمٍ بالسهل يجدعونه
عدوهم كبده بها مر وحرور = يمسي ويصبح زايداتن أغبونه
صويبهم ما عالجه كل دكتور = يبقى عليه الذيب يرفع لحونه
مركاضهم يشبع به سباع وطيور = تاخذ ليالي ربعت في غصونه
هذي أسودً فالقى مالها سور = اللي تنوش يدينهم ياكلونه
خيالهم فالمعركه دوم مسطور = القلب صاطي والمواقف تشونه
قصيرهم معهم على عز وسرور = من طيبهم في مالهم يخشرونه
يامن على بيته من العمي والعور = يشهدبها اللي للمخاليق عونه
خويهم ما يشتكي منهم اقصور = بالعود الازرق والشحم يكرمونه
الضيف لا جالهم له المال منثور = كم من قعودً لضيفهم يذبحونه
دخيلهم ما يقربه كل ممرور = يرجع اشفاته قطعتها سنونه
إن كان مد يديه فالقبر محفور = الي دخل بوجيههم يحتمونه
من وقتنا الأول إلى نفخة الصور = لو كان وصلوا للسماء ما يجونه
حنا هل الطالات والفعل مشهور = كم واحدً خصيمٍ لهم يعتقونه
عتق لوجه الله والعلم مخبور = شيءً موكد والملا يشهدونه
مثل فهد علّه من الباس ماجور = سبقبها قبل العرب يسبقونه
الشرط الأول قال يا جار معذور = والشرط الأخر بيتهم يسكنونه
هذي شروطه علّه بجنة الحور = في ساعة كل البشر يطلبونه
يالله عساه بشرحة الصدر مسرور = ولعل ربعه لا لفو ياجدونه
وغيره ولد سحمي به الطيب مذكور = محمد اللي بالوفا يشكرونه
عفى لوجه الله ماهو بمجبور = رجواه فاللي كلهم يشكرونه
ويا نعم ياشارع من العز مغمور = أنته وربعك فعلهم ينشرونه
ثم بعدها من قلب ولسان وشعور = هذا كلامي بالسمع تسمعونه
أختامها العنبر مع العود وزهور = زهور وردٍ دوبهم يقطفونه
وصلاة ربي عد مايبدي النور = على محمد عد ما انشت مزونه[/poem]

[color=#00008B][size=7][align=center]الشاعــر السجين / عبد الله بن عبيد بن شداد الثوري السبيعي
رقم جوال /0505565950[/align][/size][/color]