((((راحــــــت عليـــــــك))))
 

قصيده للشاعر شنار السبيعي

[poet font="Times New Roman,5,darkblue,bold,normal" bkcolor="transparent" bkimage="backgrounds/2.gif" border="double,8,gray" type=2 line=200% align=center use=ex length=0 char="" num="0,black" filter=""]
وين انت في وقتٍ مضى يوم ان شوقي يحتريك=يصلى على وهج اللضى مع الظنون السارحـه
يروح لك ويرد لك يرجـع عليـك ويشتكيـك=عايش على بعض الآمل ولا نويـت تصارحـه
أنا كرهتك يالغلا ورخّصت لك ماعـاد ابيـك=من همي اللي بك بدا وانت السبـب ياجارحـه
يامن بديتك بالرضا برضـاي قـررت انتهيـك=بزلزل اركان الغضب واللـوم عنـي طارحـه
ماانت بكفو أزعل وضيق لاتنتظر مني اجيـك=خذها وانـا بقولهـا علـى المسامـع قارحـه
الآمر كله في يدي ماعـاد باقـي فـي يديـك=الا انـك تصفّـق بهـا علـى شقـاً بتمارحـه
توك تحس بغلطتك ياصاحبـي راحـت عليـك=ما اكذب عليك ان قلت لك ان المشاعر فارحه
لحظه قبل ماتبتعـد البارحـه حسيـت فيـك=والآ انت تدري بالآمر رح مع (حلوم البارحه)
[/poet]

تحياتي للجميع

راعي الأوله

صح الله لساااااان الشاااعر شنااااار مناااحي


هذي احد روااائع ابو مناحي


هذا طلب مني لك ياااارااااااعي الأوووووله

ان تدعي ابو مناحي الى الانضمااام معنااا في المنتدى



تحيااااااتي للجميع

صح لسان الشاعر وعشت ياراع الاوله
ابيات رائعه واختيار موفق
تحياتي

صح لسان الشاعر شنار وتسلم يمينك اخوي راعي الاوله على نقلها لنا

يعطيك الف عافيه وشكراْ على القصيده الرايعه

تحياتي لك

صح لسانك ياراعي الاوله وبيض الله وجهك على القصيده وننتظر اكثرر واكثر


تحياتي لك

اخوك البدر

يعطيك اعافيه اخوي راعي الأوله

وماقصرت وابو مناحي غني عن التعريف


وهي من القائد الجميله التي اخرجها لنور ابو مناحي


وتحياتي لك

ابن شطيط