العنيّده ،،
 

أقبلت ،، مثل الغزال المستحيدة
ذايره وأهل القنص صادوا ولدها
جادلٍ ترهي على رأس الوليدة
لين يصبح خاتمٍ في وسط يدها
صافحتني وأبتدت صفحة جديدة
صفحةٍ فى العمر مايحسب عددها
وأستباحت حرمة الخفاق سيده
حلم مدري صدفةٍ جتّ في وعدها
قلت ممكن ؟؟ قالت اطلب ماتريده
قلت عفواً !! قالت العفو أستعدها
قلت انا أسمع مير علمك مانجيده
جاوبتني نعمة الله من جحدها
وانت شاعر مفردة حرفك فريدة
فرصتك تاحت وغيرك ماوجدها
هي كذا قالت ضمن جملة مفيدة
والحقيقة لو تبين أمّر وأدهىٰ
العنيد أن حب له وحده عنيدة
تجهده وأن تاحت الفرصة جهدها
شي طبيعي عبرته في يوم عيدة
يكفي أحلامة توفت في مهدها
والله ، اللي فارقٍ فطرة عبيده
مثل مافّرق شقاها عن سعدها
تاحت الفرصة لكن فرصة سعيدة
وأسعد اللحظات تأتي من بعدها
سجليها وأحفظي بيت القصيدة
غطرفة شاعر كتبها ما نشدها
( العنيد أن حبّتة وحده عنيدة
حطته في عينها وأعطته يدها )

فايز بن محمد

رد: العنيّده ،،
 

صح لسانك ملايين


ابداااع