قصيده اعجبتني
 

[poet font="Simplified Arabic,4,white,normal,normal" bkcolor="transparent" bkimage="backgrounds/10.gif" border="none,4,gray" type=2 line=200% align=center use=ex length=0 char="" num="0,black" filter=""]
قصيده للشاعر0ناصرالقحطاني
اعجبتني واكيد تبا تعجبكم

فضفضت لي عن سواليف امها اللي كدرتها =والحزن مثل الحسن لامر لازم ينوقف له
جت تفلسف طفلةٍ مكياجها من فلسفتها =كملت عشرين عام ولاتزال اليوم طفله
يشبع الخلخال والسلسال جايع برقبتها =خيزران لينها بين انتباه وبين غفله
ودي ادري لامشت بشعور الارض اللي تحتها =وانتثنت قلت وين اللي يقول ان الترف له
اه لولا خصرها قلت اسرفو في تغديتها =ما افقره بين النعيم ولايبي من ينتصف له
حاجةٍ تطري عليها جايبتها جايبتها =نسمةٍ ماتعترف بالباب والحارس وقفله
قلت وش ذا اللي خفق بين الضلوع امن اولتها =قبل اقول الضيف جاك اثره فتح كل الغرف له
يوم قدمته لها ليلة سرتبي سلهمتها =قالت اتشرف بقلبك يافتى قلت الشرف له
طرت مع سرب الحمام اللي سرى من حنجرتها =ساعتين وهي تسوق الرمش وابصم واعترف له
تجدل انفاسي واللى حست دفاها كسرتها =وطلقتها للهبوب بكل طيشٍ تنجرف له
لين باخر طيشها قصيت اظافر شيطنتها =لاتشح بكيدها اللي كيدها ابن ادم ضعف له
نسنست عصرية الجمعه وهي تقرا بختها =بين جمع من العذارى كل شي منكشف له
كل ماجن يمشطن شرطانها اللي تعبتها =سمعوها من قصايد خلها اخر ما اتعرف له
ولدت الحلمٍ تدورله وتنشد منظرتها =لدت البرواز اسود دمعها ياماذرف له
لدت توصي مكاتيب قبل مازرفتها =ضمنتها الغاليه دمعه وداع وعطر حفله
قلت ارضيها وجيت وجات والدنيا ملتها =والغزل دار ولقى المشتاق مشتاق يعزف له
كل مازودت وردي السواليف اخلجتها =وكل مازاد الحيا قلت الحلو وش ينكسف له
قالت امي تفتكرني طفله وتظلم بختها =صح انا ماني بطفله صح انا ماني بطفله
[/poet]

للشاعر ناصر القحطاني

مع تحيات المعتزي

الله لايهينك اخوي المعتزي على نقل القصيده الرائعه

وصح لسان الشاعر ناصر القحطاني

تحياااااااااتي

الله لايهينك اخوي المعتزي على نقل هذه الفاتنه من قصائد القحطاني

والتي رغم سابق استماعي لها الا اني احسست وكاني اقراها لاول مره

وهي فعلا ً قصيدة من اروع قصائده


لكن ارجو ان تعيد النظر في هذا البيت فيبدو ان هناك كلمة قد سقطت من صدره بعد كلمة اللي

واعتقد انها كلمة سرى :rolleyes:

طرت مع سرب الحمام اللـي مـن حنجرتهـا

0000000000000ساعتين وهي تسوق الرمش وابصم واعترف له

الاخ سعد جراش

اشكرك على التوجيه للملاحظه الغير مقصوده

وتم التعديل

لك تحياتي

صح الله لسااان شاااعرهااا وتسلم يمين ناااقلهااااا


قصيده في قمة الجمااال



تحياااااتي لك اخووووي المعتزي

صح لسان الشاعر ناصر القحطاني

وقصيده فاتنه ورائعه كروعة ناقلها

سلمت يمناك اخوي المعتزي واخيارك الأكثر من رائع


تحيات اخوك

ابن شطيط

صح لسان شاعر الاندلس / الشاعر ناصر القحطاني

وسلمت يمين ناقل او كاتب القصيده / الاخ الشاعر المعتزي

ودائماً مايجيب الجزل الا الجزل

تحياتي

ابو فهد