بـــــسـم اللـه الـرحمـن الـرحيـــــــم
مـسّـاكـم الله بـالخيـر والـمســــرّات
::
::
::
قـصّـه رائـعـــه تـــجـــســــّـد قــــــمّـــة الـوفـــــاء والـتـقـــــــديــــر بـيـــــــن ابـنـاء هـذي الـقبيلـــه الـعزيـزه
وهـي لـم تـحـدث فـي الـجزيـره الـعربيـه مـنـذ الـقـدم ،،، وتـسجّـل مـن ضـمن أمـجـاد هـذي الـقبيلـه الـعريقـــه
*&*&*&*&*&*&*&*&*&*&*&*&*&*&*&*&*&*&*&*&*&*&*&*&*& **&*&*&*&*&*&*&*&*&*&*&*&*&*&*&*&*&*&*&*&*&*&*&*&* &*
قصـــــه مشهوره وهي قـصــة (قــبــر الــصـيـيــفـي) ، هذه القصة دارة أحداثها في عام 1323 هــ
وكان الشيخ والـفـارس / فــرّاج ابـن مــذكـر الـعـمـانـي (بعيد المغازي) في أحدى غزواته حيث غزاء من رمـــاح ومـعــه رحمــــه الله مايقارب أهـــل 80 ذلول من فرسان بني عامر
وكان بـيـنـه وبـيــن الــدويـش مـعاهـده أن لايغزو كـلً منهم الآخـــــر ،وفـي هـذا الـوقـت كـان العماني قاصداً بوادي الشمال وعندما ورد على الماء المعروف بقريه الموجودة حاليآ جنوب قريه العليا وهي عبارة عن مورد مياه لقبيلة مطير المحاذيه 0لنا من الشمال0
كان الشيخ/ فـهـييـد ابـن مـبـارك الــصييفــي 0 شيخ النبطة من سبيع متوفي ومدفون بجوار هذا المورد من قبل
وكان فراج العماني يسمع 0بفهيد الصييفي وماله من تقدير ومكانه لدى الجميع وله رحمه الله صفات جليله جعلته مميز0 حـيـث أنّـه لاياخذ السقاة والاالرعاة ولاحملة الغذاء
0 وللصييفي مآثر طيبه في قبيلته وكان عصره سابقأ لعصر فـرّاج العماني ولم يعرف العماني أن فهيد الصييفي مقبور في هذا المكان
وعندما أشرف العماني وقومه على المورد شافوا عليه ركب أوركايب عندها أذن لهم بالغاره ولما شافوا أهـــل الركب ان القوم فأجئوؤهم هجوا على ركايبهم وكان عددهـــم 9 ركايب 0 حاولوا الهروب ولكن دون جدوا ثـمّ شار عليهم واحداً مـنـهـــم قــال مـحـــــــدن جاينا من جنوب الا ( سبيع) ولاهوب فاكنا منهم الا ان نزبن على قبر الصييفي لـعلّهـم يفكوننا
فـهـم يـعرفـون شـجاعـة الـشيـخ ../ فـرّاج الـعمانـي . وربـعـه ويـعرفـون مدى اسـتبسالـهم في القتال وسـطوتهـم
وفعلاً دلّهم الله على الخيره ( وأناخوا ركايبهم عند الـقـبـر ) وأحاطوا بهم بني عامر وأخذوهم وجاء رجل منهم وهو يسـأل ياقوم أنتم خذيتونا شيخكم منه ..؟
قـالــو . فــرّاج الــعـماني
راح لـفـرّاج الـعـمانـي وقال المطيري يافـرّاج حنّا الــمـلاعـبــة مـن مـطـيــر وخـذيـتـونـ
( وهــالـحـيــن ترانا زابـنـيــن على راعي هـالـقـبــر ) ان كان له وجه فكونا ،، قال له فراج منهو قبره
قال هذا قبر/ فهيد الصييفي
قال فراج أخو موضي أي والله له وجه اي والله له وجه فكوهم
لاأحد ياخذ منهم شي وردوا ركايبهم عليهم
نـوّخ العماني وقومه على الماء وشربوا منه ، بعدها قال تعالوا ياالملاعبه بتروحون لاأهلكم الله يستر عليكم تبون معنا حياكم الله
قالوا لوالله معكم على الخير وغزوا معهم الى الشمال وحوّل على أباعر شمر وخذاها من ورا الهباسية
ومن عنده حوّل على حرب وأخذ اباعر منهم من فوق لينه
وحول على القاعيه وعـــــــادوا الــمـــلاعـــــبـه الى أهلهم ومعهم كسب وخير
هـذي سالفـة عفو العماني عن الملاعبه عندما زبنوا قبر الصييفي رحمهم الله جميعآ 0
هذه شيم الرجال وهذا الـعـفـو وهــــذه صفـــه من صفات بعيد المغازي رحمــه الله
ويقول الشاعـــرفي عرض من قصيدته :
((( مـاخـبـر مـثـل فــــرّاج الـعماني = عـفـا عـن جـيـشٍ زبـن قـبـر الـصـييـفـي )))
(أخو موضي) كامـلٍ كـل المعانـي = وشــر اخــو مــوضــي على نشر الحفيفي
غـير هذي لي ركب بنـت الحصانـي = يــرد حــوض الــمـــــوت يوم الموت عيفـي
ورث جــدانه عسـى عمـره جنانـي = مـثـــل راعي الـبــــدع ما جاء له وصيفـي
::
::
::
وقـد قـيـل فـي فـرّاج الـعمـانـي وطـول مــغـازيـه الـشاعـر وعن ذلك يقول الشاعر (الشيخ محمد الصييفي) شيخ قبيلة النبطة من سبيع متغزلاً في محبوبته التي اورد اسمها في الشطر الأول(لطيفة) :
قـلبـي اللـي تلّتـه منـي (لطيفـة) = تل هزلات الجيش مع حيـلٍ سمانـي
تلّة اللـي غـازيٍ قيضـه وصـيفـه = مــع عقيدٍ مثـل ((فـراج العمانـي))
*&*&*&*&*&*&*&*&*&*&*&*&*&*&*&*&*&*&*&*&*&*&*&*&*& *&*&*&*&*&*&*&*&*&*&*&*&*&*&*&*&*&*&*&*&*&*&*&*& *&
وقـيـل فـي هـذي الـقصّــه قـصـائـد كـثيـره نـقتطـف بـعظهـا :
قـصـيـدة الـشـاعـر ../ كـديميـــس الـعصيمـــي :ـ
و الشاهد ان مطير فيهم شطـاره = محدن لقاها غيرهم بالمحاظيـر
ليا عارضو جمعن وتم انتصـاره = يلجون لقبور الرجال المشاهيـر
( قبر الصييفي قد طلبتـو جـواره = يوم ارهقوكم باللحوق المغاويـر )
( خطرتو لقبـر السبيعـي خــطـاره = سمعتو انـه يعتنـي بالخطاطيـر )
(يلزم عليكم يالمطيـري مــــزاره = يوم احتماكم من سيوف المناعير)
وقال الشاعر / الأشــعــل بن فـيـصـل الـخـريـصـي الـشـمـّـري :
أهل البيوت اللي تعـز ّ العانـي = وسيوفهم سمّ (ن) على معاديها
إبن الصييفي صيتهم نسمع بـه = عيال النبيطـي زبّنـت عانيهـا
( اللي عقيد القـوم لاذ ببيتهـم = يقول وين فهيد ؟ يـا حاميهـا )
( أنا دخيل فهيد لو هـو ميّـت = و بعض العرب ما يدخلك حييها )
قـصيـدة الـشاعـر ../ فالح بن حـثــلان بن سـمـيـّـر من المداريه من الصعبه من سبيع :
قومن لجوا بفهيد عفناهـم إجهـار = شيمة عرب و رجال و الكذب مرفوع
غدوا على قبره كما وصـف خطّـار = قلنا ترى ما عند هالقبـر ممنـوع
وقـصيدة كديميـس ايضـاً ،، وهـو قـال اكـثـر من قـصيـده في هالسالفـه :
راحت فهود (مطير) مثل الثعالـه = والحر منهم قدمنا صار خاطـوف
وقبر الصييفي له عليكـم جمالـه = يوم الرصاص يلوف طابوركم لوف
ضحوا لمنقذكم من اهل الشكالـه = لجله عفوا عنكم وقالوا بهذلـوف
كـديميـــس ايضـاً :
وانتم مطيـر مسجلينـن بـــــديـوان = من ضمن من ياخذ عن اصله هويه
(قبر الصييفي) قد جعلتوه مزبـان = يوم ارهقتكـم فزعتـن عامـــريـه
:::
:::
:::
:::
الــمـصـــدر ...// كــتــاب ابـن فـهـيــد (( مـن آدابـنا الـشعبـيـه في الـجزيـرة الـعربيـه ، الجزء الثالث ص 99 ))
:::
:::
:::
:::
مـودتــي
واتــمـنـّى انّـي افـدتـكـم بـالـقـصّـه ..,
غير متصل
سبيع وعـفـوها عـن مـطـيـر عـنـد قـبـر الـصـييفـي
لمواضيعي
