ســـهـــول واقــــروم ســـبـــعــــان

[فتى العزه]

عز الله اني ضايـق يـوم اغنـي
شرفت انا المرقاب ضايق وعمسان
يامـحـلا البيـتـان لاشيـدنـي
ربيعاً اطول والمواريـد غـدران
وان جو مسايـراً يسالـون عنـي
فنا على شوف المسايـر طربـان
لاجاء العشاء تسمع نجـورٍ تدنـي
وضوء حطبها رمث مهوب غيزان
ودلال صفـرٍ بالحبـش بهرنـي
يقلط عليها اللي وفا كـل الافنـان
والعود الازرق سيق من عقب بني
في مجلسٍ ماحوطولـه بجـدران
وصحون فيها الحيـل لا قلطنـي
تلقى عليها اسهول وقروم سبعـان
ذولا بنـي عمـي وذ ولاك منـي
وافز لامن شفت ذربيـن الايمـان
افـز لمـن شفـت وافيـن فنـي
علي ابرك من ليال ابـن سـران
والمرجله والمـال ماجـت تمنـي
اكود من عظ النواجـذ بالاسنـان
ومن طالـة يدينـه فلايقصرنـي
ترى السنين طوال والخـد ميـدان
ليت السنين اللي مضـن يرجعنـي
حتى يجرب كـل قـرمٍ وديقـان


الشاعر المرحوم: محمد شاهر السهلي

[خالد الشماسي]

قصيدة جزلة رحم الله الشاعر: محمد شاهر السهلي


وسبيع والسهول لا فرق بينهم



سلمت يمناك يا فتى العزة

[فتى العزه]

المشاركة الأصلية كتبت بواسطة أبو عمر

قصيدة جزلة رحم الله الشاعر: محمد شاهر السهلي


وسبيع والسهول لا فرق بينهم



سلمت يمناك يا فتى العزة

الله يسلمك

يابوعمر

ولاهنت على المرور

[أبو يزيد]

سلمت يمينـــــك

يافتى العزه على نقل هذه الدره الجميله

ورحم الله الشاعر السهلـــي

ونعم بابناء عمومتنا السهــــــــــــول

[منصور الحري]

رحم الله الشاعر ولا هنت على النقل

[مخايل الغربي]

سم الله الرحمن الرحيم
المكرم الاخ فتى العزه السلام عليكم ورحمة الله وبركاته وبعد رحم الله الشاعرمحمد بن شاهر السهلي وسلمت اناملك على النقل الموفق وانت سالم والسلام

[فتى العزه]

ابويزيد

الفتى منصور

مخايل الغربي

لاهنتم على المرور

[ذيب الجبور]

صح الله لسانك (يافتى العزه) وبيض الله وجهك.....

قصيده جزله من شاعر جزل رحمة الله عليه

ونعم مليار يالغلبا وولاد سهل المنــــاعير

( اخوك ناصر )