أقرب أقرب يالذعيفي

[جزل الكلام]

وين انت غايب يابن صندل عن الساحة لك اشهور

وللي سواتك ليامن غاب يفقد في مغيبة



ابا اتهرج معك ياصاحبي لاطلعت النور

لحيث مثلك فهيم وعارف معنا صحيبه

[عبدالله الذعيفي]

اقرب وانا اقرب وهات السالفه ياطيب الشور
اما تجيب الخبر ياصـــــــــــــــاحبي والا نجيبه

انا لقيتك على شـاطي البحر من فوق بابور
عســــــــــاك ماتقلب البابور وتجيب المصيبه

[جزل الكلام]

لو كل من يبدي المرقاب قالوا عنه مخبور

ماشفت شين الحلايا دايم براس الجذيبه

ان طعت شوري تريح ونتبه من كلمة الزور

ميز كلامك قبل ياصاحبي عندي تجيبه

[عبدالله الذعيفي]

اعرف دروب النشـــــــــــاما لاتقوم تلف ودور
لاتبتلش مع عيال الناس ماهي بالغصيبه

لولاي ذالحين ناشب بين خشم العرق والكور
اظهرتك من الطعوس الحمر في حاله عجيبه

[جزل الكلام]

يالصندلي ليه ضيعت المسار أثرك مطيور

وانا أعرف الرامي اللي لا رمى صاب الضريبه

من بعد هذي تريح وسترح تراك مكبور

ضيعت كل الهقاوي فيك عز الله غريبه

[عبدالله الذعيفي]

يالملحي انته زهمك بليس مير اصبر على الجور
اليا رمينا الهدف دايم يابن مالح نصــــــــــــــــيبه

انا عطيناك سيف ورمح لين اصبحت مشهور
واللي بعيده عليك العام ذالــــــــــــــيله قريبه

[جزل الكلام]

لا واعذاب الذعيفي من صدوف الوقت مقهور

ضاعت جهوده ونفسه ديم ن ترضى الغليبه

تراك ياصاحبي من بعدها منهي ومامور

أتجر صوتك لكن الصوت ماحيٍ دريبه

[ابن جمل]

المشاركة الأصلية كتبت بواسطة عبدالله الذعيفي

اعرف دروب النشـــــــــــاما لاتقوم تلف ودور
لاتبتلش مع عيال الناس وتســـــــــوي قضيه

لولاي ذالحين ناشب بين خشم العرق والكور
اظهرتك من الطعوس الحمر في حاله عجيبه

بيض الله وجيهكم ذيابه
سوال خاص لخوي الشاعر عبد الله ليش خرجة عن القافيه في عجز البيت الاول او انا غلطان طال عمرك

على العموم تستاهلون الشكر الجزيل

[مشعاب]

يا سلام عليكم

فيه مطبات صغيرة بس تنتصلح

كويس طلع عندنا شعار جدد

صحة السنتكم يا شعراءنا الكبار

[عبدالله الذعيفي]

الاخ ابن جمل اشكرك على مرورك واتقبل نقدك بكل صدر رحب واقولك جل من لا يسهو وشكلي ماسمعت الصفوف وهي تشيل البيت


تحياتي لك