السلام عليكم ورحمة الله وبركاته
القيت هذه القصيده في الحفل الذي أعده أهالي الغافه عند زيارة محافظ رنيه عويض
بن سعيد الحربي لهم
خلال جولته التفقديه لمراكز المحافظه قبل أسابيع
وبناء على طلب أكثر من عضو في هذا المنتدى الشامخ لنشرها به
أهديها لكم وحصريا عبر هذا المنتدى
الاوله بسم الله المعبود ذو العرش المجيد = رب ٍ خلقنا ثم دبرنا ويفعل مايريد
الواحد الفرد الصمد والخالق الرب العظيم = ماله شريك ولاخشير وكلبونا له عبيد
والثانيه بسمي وبسم الغافه وسكانها = روس الرجال اللي لها بين العرب مجد ٍ تليد
يامرحبا في مرحبا ترحيبتن ترقا سنود = يامرحبابك ياهلابك ياعويض بن سعيد
انته وصحبك والرجال اللي لفوا في حفلنا = يامرحبا باللي لفونا من قريب ومن بعيد
اهلا هلا وعداد ماهلت هماليل المطر = وعداد ماغنى حمام الورق في خضر الجريد
يابو فهد بقدومكم هلت تباشير الفرح = اليوم هذا ياطويل العمر كنه يوم عيد
زيارتك تاج ٍ على روس الرياجيل الحضور = فرحت بك الغافه ولبست فوقها عقد ٍ فريد
مهما كتبنا في جنابك مايوفيك المديح = قدرك كبير ولاتوفينا طواريق القصيد
في الغافه اللي حبها يرسي كما ترسي الجبال = ديرة شغاميم الرجال مطوعة راس العنيد
ربوعنا اللي يكسبون الطيبات من العلوم = ناس ٍ لها فالمرجله ودروبها بنك ورصيد
اهل الكرم واهل الوفا واهل المعزه والفخر = كل ٍ شهد بفعولنا والله على خلقه شهيد
في ظل حكام الجزيره والنعم يال السعود = الاسره اللي فخرها مع عزها دايم يزيد
في عهد ابو متعب قوي الباس حلال العقود = الله يعز المملكه في عهد حاكمها الجديد
الحاكم اللي كلمته ماتنثني في كلمتين = يمشي على نهج الشريعه لايلف ولايحيد
الفارس الشهم الكريم اللي يجود بمدته = يالله عسى عمره على طاعتك ياربي مديد
وولي عهده نايبه نعم الرجل نعم الرجل = ياسعد منهو صار له سلطان ابو خالد عضيد
وزير جيش المملكه يالله عسى يسلم لنا = سلطانها زيمومها هو صاحب العقل الرشيد
نعم ٍ بكم يال السعود اللي تحَـكمون الوطن = يالله عسى حكم السعودي فالجزيره مايبيد
انتم لنا00حنا لكم00حنا لكم وانتم لنا = مانختلف نضرب على راس المعادي بالحديد
اللي غواه ابليس في تخريب ثروات البلد = انشهد انه فاشل ٍ وانشهد ان عقله بليد
حنا تبعنا سنة محمد عليه ازكى سلام = وهو تبع له في حياته كل شيطان ٍ مريد
هم يحسبون ان الاوادم كلبوها مغفــٌله = اللي ذبح نفسه وش اللي حياته يستفيد
اللي حيا منهم يشوف الذل باوكار الخنا = واللي يموت وينتحر فالنار قدمه والوعيد
قد قلتها قدام ابو متعب واكررها بعد = اليا زهمتوا واحد ٍ منا ترى الادنى سديد
خدام للدوله ونرفع راية التوحيد فوق = الحي منا يفتخر واللي ذبح منا شهيد
وختامها قولوا معي يالله عسى فالامر خير = ودي ارجــٌع جملة ٍ راحت واكررها واعيد
يامرحبا بسمي وبسم الغافه وسكانها = يامرحبابك ياهلابك ياعويض بن سعيد
وسلامة الجميع
غير متصل
