منتدى الشعر الشعبي والنبطي ( شعراء الشبكة )قصائد نبطية شعراء قبيلة سبيع الغلباء و الخليج ، دواوين شعرية بالشعر الفصيح و العامي بأجمل الكلمات وأجزل الأبيات
بما انك منسق جدول المحاورات
فأسمح لي في أن اكلفك بهذه الرساله العاجله
الى
اخوي
الغالي
الشاعر.
..مصلح بن ربح.
يابعد يوم الخميس وليلة الجمعه= على الذي ينتظر مصلح وميعاده
يابن العريني محمد طيب السمعه= انكان عينت ابن صامل لنا ناده
قله رفيقك ليا جت حزة الهجعه=عود عليه الشقاء والهم واعتاده
قله وقله وقله من شهر سبعه=يبين نور الصباح وكوعه وساده
عزيز قومااا يموت ولاارخص الدمعه=الدمع ماهوب طبع ابوه واجداده
وليا قراء ماكتبته زين واستمعه=شرحلك الوضع مصداره وميراده
مايرمع اللغز لين يثبت الرمعه=باسمه ورسمه وحتى يوم ميلاده
اخي الغالي ابو محمد العريني
الله يعينك على توصيل الرد الى
اخي الغالي الشاعر ابو يزيد
ابيات على عجاله
امل ان تحوز على رضاكم
ياقرب يوم الخميس لمن ذكر ربعه= اليازهمهم لعذب الشعر وجداده
ابن العريني وفي والطيب من طبعه=وحنا ترانا سعد يمناه واسناده
كلف بحمل البيوت اللي لها لمعه= تبري جروح الظمير وتشفي افواده
من شاعر(ن) يوم جاريته طلع نبعه= نهر(ن) كما السلسبيل الناس ترتاده
اشفق على شعره اللي واضح(ن) سجعه= واصنفه فيلسوفه رمز رواده
لعب(ن) معه يعلم الله غايت الطمعه= وليا نشد عني البي لنشاده
واقول قله بعد ما صارت الظبعه= تعيش في ذا الزمن وتنافس اسياده
والذيب معاد له رياً ولاشبعه=كثرة عليه الظروف وكثر ارقاده
يا بو يزيد الزمن ذا مقفي(ن) نجعه=كم من عزيز(ن) حداه وحول اشداده
لاكن لابد من يوم(ن) يجي رجعه= ويعيش فيه العزيز بقوة ازناده
التعديل الأخير تم بواسطة مصلح ربح ; 11 - 09 - 2006 الساعة 18:11
ابو يزيد,, الله,, الله,, الله,, علي جزالة البيوت والاثارة وحضور الذهن ماشاء الله عليك بيض الله وجهك ويوم الخميس ازهل الصف
اخوي ابن صامل مشاء الله تبارك الله الرد وافي والتمكن واضح ولايحتاج شهادة والله يعين ابويزيد ولوه مشاء الله عليه ماعليه خوف,,, الطاروق الخميس روعه بكل المقاييس
التعديل الأخير تم بواسطة ابومحمد القباني ; 12 - 09 - 2006 الساعة 20:23
ابو يزيد,, الله,, الله,, الله,, علي جزالة البيوت والاثارة وحضور الذهن ماشاء الله عليك بيض الله وجهك ويوم الخميس ازهل الصف
اخوي ابن صامل مشاء الله تبارك الله الرد وافي والتمكن واضح ولايحتاج شهادة والله يعين ابويزيد ولوه مشاء الله عليه ماعليه خوف,,, الطاروق الخميس روعه بكل المقاييس
وانا لي راى فى الموضوع وهو انا ارسلتلك قصيده متواضعه وبشكل سريع. واتاني ردك بشكل اسرع وكان بلسمااا على قلب اخيك الاصغر (ابويزيد).
وحقيقة ردك ابلغ من ان ارد عليه بكلام اوعبارات ففضلت ان استمتع بقراءت ردك الكافي والوافي وبيض الله وجهك.
ارسلت لك ابيات متواضعه ورديت لي بابيات غايه فى الروعه والمتعه .واكتفيت واخذت بمبدا قصيده مقابل قصيده.
وانت فى الاول والاخير اخي الغالي وقدوه لكثير من الشعراء وانا منهم لما تتمتع به من الجزاله وتوظيف المفرده الشعريه بشكل رائع والموهبه الشعريه الفذه.
اخي الغالي
ابو يزيد
بما ان الشاعر بطبعه مشاعره حساسه
لم يكن في خاطري سوا شرهت الغالي على الغالي
عندما تركت شغلاً مهم بعدما شفت ابياتك وابيت الاارد عليها فى الحال
لمعزتك عندي وكونها ابيات من الوزن الثقيل
لاحظت بعد ما كتبت ردي انك تقراءه وترد على من علق على الموظوع بعدي
فكنت اخشى اني لم اوفيك حق الرد او ان تكون فهمت اوفسرت بيتاً با الخطا
فحبيت ان اكشف ما بصدري حتى تنجلي الغمه
كانت اجابتك شافيه وكافيه وبيض الله وجهك واللعب معك شرف وانت كلك فخر
تقبل خالص احترامي وتقديري
وامل ان لاتواخذني على شي