الشاعر : فاهد بن فهيد الفراعنة يرثي الشيخ سعد بن عبيد الشماسات يرحمه الله
كُتب : [ 20 - 10 - 2006 ]
قصيدة رثاء في ذكرى المرحوم الشيخ/ سعد بن عبيد بن دحيان السبيعي
توفي يوم الإثنين الموافق 11/8/1427هـ في الصين ودفن في المنطقة الشرقية في 13/8/1427هـ وقد خلف سبعة من الأبناء نسأل الله ان يبارك فيهم وعلى رأسهم الدكتور عبيد
هلت دموعي يوم جاني خبر شين= خبرني اللي مادرى بالضغينه
ياعين هلي صافي الدمع ياعين=لا تذخرين الدمع لا تذخرينه
على رفيق مات في يوم الإثنين=ويوم الربوع بمسكنه دافنينه
مرحوم ياللي مات في دولة الصين= وجوبه على طيارة حاملينه
راح الرفيق اللي لنا جنابه زين= ومن الصخى والجود تبذل يمينه
راح الرفيق اللي يصد المعادين=وليا بدا اللا زم ضلوعه متينه
وراح الرفيق اللي على العسر واللين= وسموا سبيع كلهم فاقدينه
ما مات من خلف عيال سلاطين=عبيدوإخوانه حصون حصينه
الله يجـــبر خلكم يالدحاوين=في واحد نزل شراع السفينه
راضين بامر مدبر الكون راضين=الامر لله والقدر قابلينه
يالله ياقابل صلاة المصلين=عساه في جنات عدن الثمينه
عساه جار للرسل والنبيين= وياربنا تنزل عليه السكينه
فاهد ين فهيد ين مضحي الفريعني السبيعي
قوي العزايم
التعديل الأخير تم بواسطة قوي العزايم ; 21 - 10 - 2006 الساعة 21:18
رد : هلت دموعي يوم جاني خبر شين= خبرني اللي مادرى بالضغينه
كُتب : [ 21 - 10 - 2006 ]
الله يرحمه ويحسن اليه ويرزق من بعده بالصبر والصلاح
تباً لبـدر صفـوق تبـت يدينـه
من سود قلبه فاح ريـح الضغينـه
والحاسد اللي مثله نطـس عينـه
عاداتنا غمض العـدا وأي عـادة
عاداتنا يالاش من ماض الأزمـان
من قبل راكان وعلى وقت عجران
ولازال نعشق لبسة الجوخ يافـلان
من شان ناصر لو نضـد القيـادة
لو ان ابو فارس طلب راسك الحين
يجيه راسك ميـر قيمتـك ياقيـن
أنته ثمنك أربـع ريـالات بالديـن
وعينك كما يابدر عيـن الجـرادة