في البدايه أحب أن أمسي على الجميع بالخيررررر وأن أبارك للشيخ جفال بن جبر بن عبيدان السبيعي على حصوله درجة الماجستير وفي نفس الوقت على ختم الشيخه ..والرجل المناسب في المكان المناسب .. وخير من يمثل قبيلة المداريه من بني عمر من سبيع هذا وأمثاله من الشباب المتعلم ..
أخواني هذه القصيده ألقاها الشاعر المتألق بشاعريته وبحب أهل الشعر لشخصه لأنه من الشعراء المتميزين الذين وصلوا لقلوب الكثير من محبي الشعر وهذا من خلال شاعريته الراقيه والمتنزهه عن كل ما يعيب الشعر ..
هذه القصيده ألقاها الشاعر / سفر بن نهار البعيجي الثوري السبيعي .. في الحفل الذي أقيم بالمناسبه التي ذكرت سابقاً ..
باسم ربعي من سِما الزّرب لا شرق الحجيف=لابتي يوم المعارك تدق طبولها
ياسلام الله على جمعكم يا هل ( الغريف )=أرضنا اللي نحتمي ضلعها وسهولها
دارنا اللي قد هزمنا بها جيش الشريف=لين عوّد والهزيمه يجر ذيولها
ما لفيت مناسبتكم كذا طرقي وضيف=جيت أشارك لابتي عيدها وحفولها
يا سبيع مزبنين الجلاوي والضعيف=أسمحوا لي كلمتينً هنا با قولها
سجلوني ( مديري ) وجيت في يمناي سيف=( أجربن ) شيّب جفون العرب وعقولها
اسألوا الوادي عن السيل قدام الخريف=قاطع سيل المنايا وغوص أوحولها
بندقي في منكبي والمسى شوفه يخيف=لابتي قدام عيني وأشوف فعولها
أرس يالواد العوج وأرد يا السيف الرهيف=مال صكات المعارك يكود زحولها
وأرق يا ( جفال ) في قمة المجد المنيف=وأرتك لربعك بفعلك وشيل أحمولها
شيخةٍ ماهي من الباب ولا برق صيف=شيخةٍ يغوص عرض الزمن في طولها
أخروها أخوان ( شثنا ) وزاد الكيف كيف=عزوةً لا زعزعوا باسمها قاموا لها
والله يديم المعزه على الدين الحنيف=في ذرا آل سعود مرسى العرب وخيولها
وجيت أهنيكم وأبارك وأنا ماني بضيف=كلمةً في حفل ربعي حضرت أقولها
صح لسان الشاعر سفر بن نهار الثوري
الشاعر الذي تفخر به القبيله وحقيقه ابو نهار وسام فخر لقبيلة سبيع جميهاء
حيث يتميز بالقصائد الحماسيه التي تصدر من القلب
فلهو مني جزيل التقدير والحترام والشكر على ماقدم وعلى ماسيقدم
للقبيله الغاليه
اخي مخاوي الليل
لاهنت على نقل القصيد الجميله والرئعه
وبن عبيدان يستاهل المدح والطيب وهو ليس بغريب
عليه لأنه من بيت حموله واهله كلهم شيوخ
ورجالآن لهم فعول وتاريخ طيب و تفخر بهم القبيله
ونتمنى له التوفيق والنجاح
تحياااااااااااااااااااااااااااااااتي
الحرألأبيض
الا ياولدي من حجر بيضاء جنيته=عامريـةٍ مـن حافظـات الودايـعِ
ولا ياولدي ولد الهدى مرذي النضا=مفجـر مرحـان العـداء للقرايـعِ
ولا ياولدي كم شوق البيض بالغناء=مع ظلال الصبـح والنـور شايـعِ
كم عرض الاولاد مسرى وحشـه=هجدهم واصبح مشعل القوم ضايعِ
كم ولدٍ يغـذى ولا ثمـن الغـذاء=مثل باذر الصبخـا قليـل النفايـعِ
غذيت مـن الاولاد حـرٍ مجـرب=ياعنك ماراح الغذاء فيـه ضايـعِ
صح لسان الشاعر سفر بن نهار الثوري
الشاعر الذي تفخر به القبيله وحقيقه ابو نهار وسام فخر لقبيلة سبيع جميهاء
حيث يتميز بالقصائد الحماسيه التي تصدر من القلب
فلهو مني جزيل التقدير والحترام والشكر على ماقدم وعلى ماسيقدم
للقبيله الغاليه
اخي مخاوي الليل
لاهنت على نقل القصيد الجميله والرئعه
وبن عبيدان يستاهل المدح والطيب وهو ليس بغريب
عليه لأنه من بيت حموله واهله كلهم شيوخ
ورجالآن لهم فعول وتاريخ طيب و تفخر بهم القبيله
ونتمنى له التوفيق والنجاح
شاعر مجيد وشهادتي به مجروحه عندما اسمع له اقف اعجابا وتقديرا
وجفال شيخ شهم من اسرة عريقة في المجد
ولا يستغرب الطيب من هله فهو في منبع الجود والوفاء رحم الله والديه
رب اغفر لي ولوالدي ولمن دخل بيتي
مؤمنا وللمؤمنين والمؤمنات
الراعي