اقتباس:
المشاركة الأصلية كتبت بواسطة مبارك البخيت
يالله ياللي طالبك مايخيبي = ياساتر العورات تستر عرانا
ياربنا ياللي للدعاء تستجيبي = ياقابل الدعوات تقبل دعانا
ويالله دخيلك من رداة النصيبي = ومن هرجة(ن) يرمى بها في قفانا
يافكرتي من شي(ن) أشوفه غريبي = نامر على جهالنا وتعصانا
وصار أقرب العربان خصم(ن) طليبي = يالله تصون أعراضنا وتحمانا
وصار الحصيني تالي الوقت ذيبي = والحر الأشقر صار مثل السمانا
والسيل جنّب عن مجاري الشعيبي = ترعد وتبرق والمطر من ورانا
والمال غطى للردي كل عيبي = لو قال أنا ببوق بيت أقصرانا
شي(ن) يشيّب قبل وقت المشيبي = وقت(ن) حدى اللي قبلنا ويحدانا
وأشوف وأسمع وأكتمه مادريبي = لو كان تخطي ربعنا وأصدقانا
ولاطاب فينا الوقت حنّا نطيبي = وليا تردى الوقت بيّن ردانا
كل(ن) على متنه عتيد(ن) رقيبي = وليا عطينا مانبيّن عطانا
وصلاة ربي عدّ شمس(ن) تغيبي = على نبي(ن) للهدايه هدانا
:::... الشاعـــر ...:::
:::.... مبارك فايز البخيت المحمدي السبيعي ....:::
|
مرحبابك يبو فايز اولا ارحب بك بين اخوانك في منتاك ومن مايسرني اني ارى اسمك
في المنتدى لكي اتطمن على صحتك كل ما اشاهده في المنتدى
لاني من فترة طويلة لم اراك في المحاورات المعتادة
وبيض الله وجهك على هذة القصيدة الجزلة
وانت شاعر خبير وقدير من فحول الشعراء
ولك تاريخ حافل في المحاورات
لذا لانكتفي بجزلة واحدة لما نعلمة من ما تختزنه من رصيد سجل بماء الذهب
تقبل تحياتي
محمد بن عايض البحيح