منتدى الشعر الشعبي والنبطي ( شعراء الشبكة )قصائد نبطية شعراء قبيلة سبيع الغلباء و الخليج ، دواوين شعرية بالشعر الفصيح و العامي بأجمل الكلمات وأجزل الأبيات
انا او ل كلامي بذكر الله وله من دان = يغفر الذنوب الي على النفس مندره
يشوقني الطيب وغنيت بالألحان = ابو محمد اللي يشكره كل من مره
بعدها السلام اليك ياشيخنا سحمان = عداد الرمال وعد فردي حصى الحره
نحبه ونهدي له سلام مع الصفطان = على شان فعله يرفع الرأس ويسره
مضيفه سوات ثليم في منطقة خدان = يحظ المراجل زود خيره نطح شره
ويفرح بها العاني ويفرح بها الجيعان = وهذي طبعته ماهيب بدعه ولا مره
عسى أيامه أسنين ويفدونه الرديان = وحد العيون تشوف سحمان مستره
صديق رفيق محزم وألم مليان = من اللابه اللي تلطم الخصم وتضره
مع الزيين زينين ومع الشين سم حان = وتشهد لهم كل القبايل على قره
من الاد مكحل محزمي والعدو مهان = أليا جت من الأقصين والكبد محتره
وكم طامع ردوه عن نيته عجزان = يعاف الطميع و رد نفسه مع الجره
وحنا لهم درع وحنا لهم عوان = عصى واحده مهيب من رأس منطره
يفرح بنا الصاحب ويبلش بنا الطمعان = نرده على وضح النفا لين نختره
وهذي فعول أجدادنا للتقوا الفرسان = نسوق الضعاين جوس من نجد ونفره
لاكن نحمد الله عمنا الأمن والأمان = ولأفيه من التشويش مايازن الذره
حكمها السعودي من اليمن لابلد عمان = وصارت سهود مهود مهيب منغره
وصلاتي على اللي قرر الوقت بالأذان = نشر دعوة الإسلام في بحره وبره
كفوا الاد مكحل ونعم بالاد مشعب
من حصل شي يستاهله ويستهاهل ابو محمد
بيض الله وجهك يالزناجه علي الابيات الرائعة
تباً لبـدر صفـوق تبـت يدينـه
من سود قلبه فاح ريـح الضغينـه
والحاسد اللي مثله نطـس عينـه
عاداتنا غمض العـدا وأي عـادة
عاداتنا يالاش من ماض الأزمـان
من قبل راكان وعلى وقت عجران
ولازال نعشق لبسة الجوخ يافـلان
من شان ناصر لو نضـد القيـادة
لو ان ابو فارس طلب راسك الحين
يجيه راسك ميـر قيمتـك ياقيـن
أنته ثمنك أربـع ريـالات بالديـن
وعينك كما يابدر عيـن الجـرادة
سحمان ابن محمد شيخ من شيوخ سبيع من جاوره ومن خاواه عرف عنه الكرم والتواضع والدين بارك الله فيه ويستاهل طول الله عمره كان رئيس مركز بني سعد التابع لمحافظة الطائف وتقاعد بالمرتبه العاشره
اشكركم على المرور
وابو محمد يستاهل كل علم غانم
وشهادتنا فيه مجروحه وهو راعي طولات
والقصيده للشاعر سلطان بن عبدالله المشعبي
هذ للافاده لانني نسيت ان انسبها لصاحبها
هذ ودمتم بكل خير