القصائد التي سجن من أجلها ضيدان بن قصعان وسلطان الهاجري ورد الحارثي عليهم
كُتب : [ 15 - 03 - 2006 ]
اليوم سوف أكتب لكم القصائد التي سجن من أجلها
الشاعرين الكبيرين ضيدان بن قضعان العرجاني وسلطان بن وسام الهاجري
وكل ما حدث بينهم من مساجلات شعريه
وقصيدتي محمد الحارثي وبندر الودعاني
أولاً قصيدة الشاعر سلطان بن وسام والتي كانت موجهه لضيدان عندما سافر لدولة الأمارات :
ســــــلـــــــطـــــــان
الفخـر والعـز بيـن الثريـا والسـحـاب
والمطر لو مـا يضـر الديـر مـا سرهـا
ميـر قلـي وش فـرق المشالـح والثيـاب
أن سبحـت ببحرهـا أو مشيـت ببـرهـا
ضــــــــــيــــــــــدان
فرقها فرق أزرق الجم عن ضوح السـراب
السـراب يـوهـق الضامـيـة ويغـرهـا
البلا من شعلتن مـا حسبـت لهـا حسـاب
واحـدن منـا قدحهـا والآخــر كـرهـا
ســــــلـــــــطـــــــان
ما بقى في حوض الأجرب لا طعام ولا شراب
والجنوب مـن الجـرب كـل ليـل يعرهـا
لا تعاتبنـي عليهـا خـطـا ولا صــواب
فـي ذرى روس مطـار الهـوى مغترهـا
ضــــــــــيــــــــــدان
كلبينـا لقمـة بيـن ضـرس وبيـن نـاب
ميـر يـا سلطـان دك الركـاب وسـرهـا
وأضرب أم جلال بالهرش يا مـال الذهـاب
لقحـة أم جـلال ولا الجمـل مـا ضـرهـا
________________________________________________
وهذه قصيدة سلطان التي يعتذر فيها للأمير سلطان بن عبد العزيز ويطلب عفوه :
الله ولا بعض السوالـف والعلـوم
تحمـل الرجـال مــلا يـقـدره
ما من وراها الا المشاكل والهمـوم
ياعنك مـا فيهـا مـن الله خيـره
عسا غضب خطلان الأيدي ما يدوم
وعسـا عمـار الطيبيـن معمـره
يا سيدي سلطان قومنـي وأقـوم
وأرجو من الله ثم منـك المعـذره
وأنا عن الزلات مانيـب معصـوم
والعفو يا كحيلان عنـد المقـدره
أنا حفيـد الـي يسـدون اللـزوم
يوم أنها كـان عبـوس وغبـره
والبيرق الخفاق من بين الرجـوم
وحدب السيوف مورده ومصـدره
بقيادة الي وحـد الدولـة عمـوم
شق الطريق ووحـد الله ونصـره
عبد العزيز الي اليا شـن الهجـوم
من صف عدوانه تضيق المقبـره
اليا صفق له خشم من بين الخشوم
من قوة الصفقه يطيحـن عشـره
واصل على خوض المعارك بالعزوم
وتقطعت عوص النجايب في ثـره
لين العلم رفرف على روس الرجوم
في ضل حـدب بالدمـي معطـره
وحنا ما غيرنا العوايـد والسلـوم
الي خلق فينا الـولاء مـا غيـره
معنا الولاء يزداد يـوم بعـد يـوم
في صدورنا حتى ولو ما نقصـره
وحكي الرخوم الي تروجه الرخـوم
والله ما غير فـي محبتنـا شعـره
يا سيدي وأن راحت الأصحاب قوم
أحد يسنـد علـم وأحـدن حـدره
فأنا دخيل حماك يا العبـد الرحـوم
لا تستمع فينا ولد ولا رجوى مره
يا مفرج الكربات يا قوي العـزوم
ملاج لمن ضامه زمانـه وعسـره
أنت الذي عن زلة الجاهل تشـوم
واليا كسرت العظم محـدن جبـره
رد : القصائد التي سجن من أجلها ضيدان بن قصعان وسلطان الهاجري ورد الحارثي عليهم
كُتب : [ 16 - 03 - 2006 ]
.
الله , الله , الله ,
صح لسااااااااااااان كل شاعر من هؤلاء الشعراء الكبار وسلمت يمينك يا العاقـــل على نقــل هذه القصائد الجزلة والرائعة لشعراء كبار لهم مكانة عاليه ومرموقة بين الشعراء
و
على النقل الرائع والجميل وبيض الله وجهك يا ذيباااااان
رد : القصائد التي سجن من أجلها ضيدان بن قصعان وسلطان الهاجري ورد الحارثي عليهم
كُتب : [ 18 - 03 - 2006 ]
أخي العاقل
ابيض وجه وماقصرت ونقل موفق وجميل
تحياتي
تكفون ياسبيع الوفا ياهل الجود=لاوالله الا راح منكم وليده
بعض العرب لاغاب ماهوب مفقود=وبعض العرب عزالله انه فقيده
وحنا فقدنا شيخ بالطيب مشهود=يشهد له الله قبل تشهد عبيده
رحمك الله ياوالدي أبو بدر وأسكنك الفردوس الأعلى في الجنه