اخواني
مشرفين واعضاء وزوار منتديات سبيع الغلباء
السلام عليكم ورحمة الله وبركاته:
حبيت اشارك بهذه المشاركه المتواضعه بعد غياب عن هذا المنتدى العريق بأهله.
ولو إن الغياب بسبب ضروف العمل ولكنه لم يغيب لحظة عن خيالي لما فيه من
اخوان ونشاما عزيزين على قلبي جداً .
فالبدايه:
تعتبر هذه المشاركه رساله عبر المنتدى لشخص ما لاني اعرف انه من مرتادي هذا المنتدى
ولما فيها ايضاً من موقف ربما يمر على غيري , حبيت اشارك بها فالمنتدى.
بسم الله
ترانا وسط عداون ورفاقه=ولا ندري عن اشكال الصداقه
بعضهم لو ضحك لك او تبسم = يخبي من ورى ضحكه نفاقه
اذا شكيت في زلة رفيقك =يجيه الشك من قطع العلاقه
يقول الله في محكم كتابه = كثير الظن كبه والحماقه
توقع في بعضه ولاتسرع= ترى الانسان محدود(ن) نطاقه
وقال الله للمؤمن تركد=إذا جاب الخبر قطاع ساقه
تثبت لاتصيب الناس ظلماً= فتصبح للندم مافيك طاقه
وانا ماقلت لك اني معصومي = عن إجلال الخطاء والا دقاقه
وإذا مني خطاء منك السموحه=ولك مني من الازهار باقه
واذا كان الحكي والشك سبه = فلا عندي على الاعذار فاقه
ترى المخلوق مخلوق (ن) لربه= كفيل برحمته لالتف ساقه
كثير الناس مالي فيه حاجه= ولا لي عندهم حاشي وناقه
انا ماقطع على المقفي طريقه= ولو كان انه اعز الرفاقه
وسلامتكم جميعاً
غير متصل
