منتدى الشعر الشعبي والنبطي ( شعراء الشبكة )قصائد نبطية شعراء قبيلة سبيع الغلباء و الخليج ، دواوين شعرية بالشعر الفصيح و العامي بأجمل الكلمات وأجزل الأبيات
نم ياوطن وإنا على حدك اسياج=نصرف لك الأرواح صرف الريالي
نجود بالأرواح من دونك افواج=اهل الثياب ولا بسين البدالي
وليا استشاط الوضع والموقف احتاج=نهز بالأفعال صم الجبالي
ناخذ من التوحيد رايه ومنهاج=وناخذ من القوه عزوم الرجالي
واللي نوابك ياوطن كيد وازعاج=قدامه الوقفات في كل حالي
يبطي عدو الدين فالأرض ماداج=وإن كان له حلمٍ صعيب المنالي
بكره يبي من ساعة الضيق مخراج=اليا وطاه الموت وطي النعالي
لا شاف للقوات تشكيلة امواج=يميل عن مبداه ميل الظلالي
يبطي ضلال الفكر فالأرض ماراج=ويبقى شعاع النور رمز العدالي
ويبقى علمنا شامخٍ فوق الأبراج=والحمد للمولى عزيز الجلالي
أحب أنا المنتدى وأحب شعاره = وأحب أشوف الجديد اللي يقولونه
وأحب للشعر وأعشق كشفت أسراره = وأحب شكله وتنسيقه ومضمونه
وأخاف من قولة الأيام دواره = وأحسب ليومن به الشايب يعزونه