منتدى الشعر الشعبي والنبطي ( شعراء الشبكة )قصائد نبطية شعراء قبيلة سبيع الغلباء و الخليج ، دواوين شعرية بالشعر الفصيح و العامي بأجمل الكلمات وأجزل الأبيات
قصيدة للشاعر / عايض بن فرزان السبيعي تشرح بعض ظروف الحياة
كُتب : [ 03 - 06 - 2009 ]
انا اتعبني التفكيـر بالمـد والجـزر=هجوسا ً كما الأمواج تقبـل وتقفيبـي
على غير شفي قامت تداني الهجر=بعد مالجت بين الضلوع المحاديبي
تجاهلتها واخفيتها داخل الصدر=وتأثيرها في ضامري بيّن الليبي
اقضي بعض الأوقات كني على جمر=ولا ابغا الغشيم قليل العرف يدريبي
أجامل ومكرات الزمن تطـوي العمـر=ويارب ساعدنـي وسهـل مطاليبـي
الايام تجري والشهـر يتبعـه شهـر=ولاني بـداري ويش يخفيلـي الغيبـي
حياة البن آدم بين قوسين في (خطـر)=ولو يمهل الديـان مايمهـل الشيبي
وانا صرت مثل مصارع الموج في بحر=ابا الربح واخشا لاتضيع المكاسيبي
ظروف الزمان القاسيه مالهـا حصـر=تزيد المشاكـل والبـلا واللواهيبـي
وهي عند بعض الناس تبنيلها قصـر=تحطه صديق ومن خيـار المعازيبـي
تزوره بتال الليل والصبح والعصر=وكم كدّرت من صافيات المشاريبي
ودنيا الشقا والهم يبغيلهـا صبـر=كشفنـا حقايقهـا بكثـر التجاريبـي
وانا في رجا ربي يسهل لـي الامـر=عزيز الجلال ورازق الطيـر والذيبـي
عسا الله يخارجني ويكتب لي النصر=على ذا السنين اللي بها الشك والريبي
التعديل الأخير تم بواسطة عاشق الباديه ; 18 - 06 - 2009 الساعة 17:48
سبب آخر: نقص بيت
رد: قصيدة للشاعر / عايض بن فرزان السبيعي تشرح بعض ظروف الحياة
كُتب : [ 05 - 06 - 2009 ]
بسم الله الرحمن الرحيم
صح لسان الشاعر الكبير والقدير / عايض بن فرزان الجهوم
على هذه القصيده الشامخه اللتي لا تستغرب على شاعر
كبير بحجمه وموهبته الشعريه فهو أستاذ لنا نستفيد منه
الكثير ونتعلم منه الكثير ..... أشكرك أخي عاشق الباديه
على نقل هذه الروائع من قصيد أبو فرزان
تقبل تحيااتي وتقديري
رد: قصيدة للشاعر / عايض بن فرزان السبيعي تشرح بعض ظروف الحياة
كُتب : [ 04 - 03 - 2010 ]
كفوا يابو فرزان على هذه القصيدة التي تشكي ظروف الحياه والله ييسر أمرنا وأمرك ولا هي غريبه على أبو فرزان هذه القصائد المميزه ونرجوا أن يزودنا بقصائده الغزليه