اتنمى ان تكون هذه القصيده بنفس مستوى التي سبقتها ( هذا وقتي )
هذي القصيده اهداء لكل من ضن ان احبابه لا يحبونه و لا يقدرون له قدره
لا يمكن إني اعـرف اللـي بخافيـك = و لا أعرف اللي في ضميرك و مخفيه
لكن فعولك تظهـر اللـي خبـا فيـك = تشرح لنا حالك مع اللي جـرا فيـه
طيبك غـدا و الشـر دايـم يخاويـك = ما تذكر النعمـة لشخـصٍ و توفيـه
كـلٍ قطعـت حبـال قربـه بيـدّيـك = وقربـت منّـك كـل عـدوٍ تصافيـه
و أصبحت للأخبـار ناقـل ويغريـك = شرك و تكـذب فيـه والحـق نافيـه
و أصبح جميع الخلق نـاسٍ تعاديـك = في نظرتك امـا الحقيقـه فـلا فيـه
و أحذر ترا الفتنه خطيـره وتغويـك = وتفرق اربوعك وتبقـى الخلـي فيـه
انا من اللـي دايـمٍ مـا وشـا فيـك = و القلب من صوبك حمامي رتع فيـه
القى جـزا طيبـي عـذابٍ بجافيـك = ارحـم عضيـدٍ لا تـوانـا توافـيـه
اكسب قليبي دامه اللي رضـي فيـك = لا تخسره تنـدم علـى يـوم جافيـه
الاخ السناني شد حيلك
واطلب من الاطلاع على اي شي بمعنا اصح حاول تزود ثقافتك العلميه مثلٍ تكثر من قراءة اي شي يطيح في يد قصيده جريدة كتاب اي شي بهذه الطريقه تسهل عليك المفردات والكلمات والمعاني