ابيات يشرفني ان تكون بين قصائد شعراء قبيلتي في منتدانا الغالي. تتحدث عن معنى الصحبه الحقيقي
الذي يجهـــله الكثـــير من النـــاس..وايضــا تبيــن بعــض المضــاهر الخــداعه ..
يالله ياللي في يـــديك المكــــــاتيــب *** ياعالـــمٍ تعــــلم خفـــى كــل غبـــــه
جنـب مسالكـنا عن الشـــك والريــب *** وارشـــــــد مبـــــادينــا على ماتحـبه
من بعد ذكره يحظر العـرف ويغــيب *** قــم بالسبــــــب ولا تجـــيك المســبه
ياصاحبي لاهنـت معنى الاصــاحيب *** معنـــن يشيـــــب ابن الردي ما يلبـه
لاصـــار مالك بالـوفا والمــــواجيب *** جنّــــب وراك وحبل الاصحـــاب جبه
حنا من الدنيــــا عرفنا الاســـــاليب *** حتى عرفنــــــا كــــل جرحٍ وطـــــبه
والضحك لايغريك ضحـك الاكــاذيب *** عقلك معـــك وتعرف ضحك المـسـبه
وترا الكـلام الزين ومزارق الطــيب *** ماهوب شرط امن الغـــــلا والمحـبه
كم واحد تحــــريبه الطيــب ويخيب ***اما صـــــدمك اليوم بكـــــره وغـــبه
ياحي حيـــــه لابدالـــــه مــــطاليب *** رح دوره لنكــــــان ذعـــــذع مـــهبه
وانا صحــيبي مااعرفه قبل تجريب *** ولاميـــــزه ليـــن النــــــوايب تنبــــه
اما لقيـــته ذيب واخـــــاوي الذيـب *** والا قصــــــر والله ربـــــــــي وربـــه
اخوكم
حمود بن قاسي الحقي
الا يــانــاشـــد عنــي تـراني ** بميقاف الشرف لازم تراني
من الحــقـّي تـورثنا فـخرنا ** ويبقى فخرنا طول الـزماني
مجامعـتاً لـنـا مجـداً يـشرّف ** جمـيع سبيع خطلان اليماني
غير متصل
