قصيــدة جمـــر الضــلـوع

فاهم النظرة · غير متصل

اعزائي اعضاء ومتصفحي منتدانا العزيز اضع بين ايديكم هذه القصيده وارجوى ان تنال اعجابكم..

الـجمر بين الضلوع وهاجسي كره
ودلة راع الكيف فوق الجمر سواها

وحط الرسن في لحي البكره الحره
وبـعد مانامت عيون الناس سراها

وخلا هل الجيش يتلونه على الجره
مـحداً لحقها وهي ماجابت اقصاها

ماخانها عزمها في الوقت لو مره
والـطيبه طـيبها من طيب مجناها

عن دربها مـاثنـاها الـضلع والـحـره
يذوب صلب الحجر من تحت ماطاها

مـنـهـا عيـون الـعـدا مـاهيـب مستره
يـزيـدهـم هـم لاشـافـوا سـوايـاهـا

هـجينة الي عرف خيره مع شره
ونفسه على طاعة الرحمن رباها

عاش بكرامه وذاق الحلو والمره
ويـافي بكـل الـحقوق ولاتناسـاها

لـوكـان الايـام مـختلـفه ومـفـتـره
ماعاد نفرق ترى ياسين من طاها

بـوقتن تـساوا به الـضرغام والهره
شروى الاسد يتبع الهره وشرواها

اخوكم: مفرح سيف الملحي السبيعي (فاهم النظره)