هذه القصيده لشاعر فراج بن محيلب السبيعي يذكر بها بعض من فعول سبيع
ومن يعرف الفراغات أتمنى أن يذكرها مشكوراً لأنني نقلتها كما وجدتها
يقول من جاله على الشعر ميــــــــــــراد = ورد الحيام اللي عن الما تـــذادي
وليا أقرعت في الصدر مهيب تنـــــــــــذاد = هذيك نقهرها والأخرى تقــــــادي
وعن غير يمه عوس مهيب تنقـــــــــــــاد = تقطع مصاريع الرسن بالايــــــادي
وللمرشد أسمع واتحرى للارشــــــــــــاد = ولا كل من يرشد يدل الرشـــــادي
ومن لاخذا عبره من الوقت ما فــــــــــــاد = يروح عمره شايب ما استفـــــادي
وانا ليا جتني هواجيسي اضمـــــــــــــاد = بيحت مكنون الضمير الحشـــادي
كنه يجاوبني ليا انحيت نشــــــــــــــــــاد = يا الله داعي خير يا للي تنـــــادي
من هاجسً في الصدر سرداد مــــــــرداد = حرك علي عمدان تهم الجــــرادي
ولا احلى من المعنى على الدال والضاد = قول يعبر والمثايل جـــــــــــــــدادي
ولا تنتعبر قصة مالها اسنــــــــــــــــــــــاد = ولا حكم للي ما عليه استنـــــادي
ولا ينتغالط بين شعبان وجمـــــــــــــــــاد = شعبان وضعه يختلف عن جمــادي
وجعل الحيا لا جا من الغرب منقــــــــــاد = يسقي وطن عزوة قصير المهـــادي
ديرة سبيع أهل النفايل والامجــــــــــــاد = عز الصديق وكسر عز المعــــــــادي
بني عمر لا قيل رده ومعـــــــــــــــــــــواد = وألاد عامر مقحمين الطـــــــــــرادي
باذكر قليل من كثير بالافنـــــــــــــــــــــاد = وهذا الدليل اللي عليه اعتمــــادي
تاريخنا ابيض من ثمود ومن عـــــــــــــاد = بالامن والا في سبيل الجهـــــــادي
والعشر منا هي واهلها بالاعــــــــــــداد = من معجزات العصر عشر عــــــدادي
نقره...... اللي على حد بغـــــــــــــــداد = فيها عمار اهل الركايب تقــــــــــادي
وأما....... جت على زند وزنـــــــــــــــــاد = ولا زانت الا عقب ضرب الركـــــــادي
تخطيط شيخً تعرفه كل الاجـــــــــــــــواد = عساف شيخ سبيع سمح المبادي
شيخ القبيله دون شك وتــــــــــــــــرداد = وعقادة تتعب غزال الشــــــــــــدادي
وكم شيخ قوم لا نوانا بمهجـــــــــــــــاد = سلايل الغلبا لعزه نفـــــــــــــــــــادي
ويعتز من حنا له اعوان واحفــــــــــــــاد = وللي يعادينا نغزل القيـــــــــــــــــادي
ولنا بكون .... كون معتــــــــــــــــــــــــاد = اكبر وهي له عندنا شي عــــــــادي
الله يرحم شايب تحت الالحـــــــــــــــاد = عجران في قوله يدل القـــــــــــوادي
.... اللي جت على حمر الانفـــــــــــاد = عند البكار ومقرعات التـــــــــــــوادي
بني فهيد شهودها جوهم عنـــــــــــاد = وارخوا الاعنه قدم وجه الجـــــــرادي
وهية.... تشـــــــــــــــــــــــــيب بالاولاد = بين الفتايل والنمش والهنـــــــــادي
ومن لا يصيد الناس مهوب ينصـــــــــاد = وانا الفدا نصيد والا نصـــــــــــــــادي
ومثل المسمى..... وعلوم بعـــــــــــاد = ويطول شرح السالفه بامتـــــــدادي
سوالف غنا بها كل قصــــــــــــــــــــــاد = وابن شليه قالــــــــــها لابن..........
لاخان فينا خاين يقشع الشــــــــــــاد = عليه منا كسر عز وســــــــــــــوادي
وفي شيخنا علي المجدع لنا اكـــــاد = وعيب على اللي ما بقوله وكـــادي
الاد العزيزي ميبسة سود الاكبــــــــاد = والاد جابر لا حدا كل حـــــــــــــــادي
ما عاد رد العلم للقـــــــــــــــــوم رداد = تسعين لحيه جو عشا للحنــــــادي
وامن اعترض ما بين سايم وحـــــداد = حنا نزاود فيه يوم المـــــــــــــــــزادي
وننزل بلا منة حامد وحمـــــــــــــــــاد = ويشوفنا بالعين دنس الثنــــــــــادي
رام العوافي عقب ذاك التهـــــــــــداد = وان شاف ماله دورشد الحيـــــــادي
وليا بلانا شر ...... وعــــــــــــــــــــواد = ماللعدا الا نطح وجه العــــــــــــوادي
والغيض منه الضيم والا التصـــــــــداد = وقهر الرجال اكبر حياة الزهـــــــــادي
والتصفيه من عقب تسديد الاقصــاد = والعلم واحد والـــــــــــــدوادي دوادي
حريبنا ما يهتني باكل ورقــــــــــــــاد = ويضيق به منا وسيع الحمـــــــــادي
مثل ..... اللي حصل فيه جـــــــــلاد = لولاه طمعت في وطنا البـــــــــوادي
وكم عجة كدربها كون وطـــــــــــــراد = لاحركت خشم الفتيل الزنـــــــــادي
ومثل..... فعلنا بالعــــــــــــــــــدا زاد = بلا على العزة بشد العضــــــــــــادي
وكم فارس لا قبل ولاهوب حــــــواد = نرميه عنها لا قبلت به تــــــــــــرادي
لادندن الما والحمــــــــر بين الاذواد = يا ما طرحنا من شجاع وجـــــــوادي
وحنا هل الحاير هل الغرس وشداد = وليا غضبنا يمتلي كــــــــــــــل وادي
هذي بروج ....... في روس الارجاد = ما نتقي في حر والا بـــــــــــــــرادي
فالديرة اللي مالنا غيرها ابــــــــلاد = اقدم بلد لسبيع ذاك البـــــــــــلادي
ملك لنا بالسيف من عصر الاجداد = ومن دونها ما نستمع قول عـــــادي
........ننحاها ورا حد الاكـــــــــــراد = ومن جا يبي الحاير هله له عفــادي
........يوم امتلت كبده احقــــــــاد = حطت يمينه تحت راسه وســـــادي
من ضرب اخوقوت هجد كل حشاد = ابن شبيب اللي علومه بعـــــــادي
اما حصل فعل على روس الاشهاد = والله يلومك يالذليل الربــــــــــــادي
واللي مقيم مقيم ويشد شــــداد = ولا للحبيب من الحبيب انفـــــرادي
حب الوطن يجري مع الدم والــزاد = والعين من دونه تعيف الرقـــــــــادي
دار بها للجار ملجا ومقعـــــــــــــاد = واللي من اقرابه حدته الحـــــــوادي
منا ومعنا ما نوى قشع الاوتــــــاد = كنه ولد عم وبقران حـــــــــــــــــادي
واللي قصيره شايف منه الانكـــاد = يصبر ليا لحقه بعض الانتقـــــــــادي
حيث السوالف فيه دراس وجـداد = ويقصر من الفنجال خثر القنــــــادي
ياللي لبعض الناس والمال عبـاد = واعبادك لغير معبودك فســـــــــــادي
والشكر لله والثنا والتحمـــــــــــاد = ولا نيب ناسي فضل رب العبــــــادي