عرض مشاركة واحدة
 
غير متصل
 رقم المشاركة : ( 5 )
خيَّال الغلباء
وسام التميز
رقم العضوية : 12388
تاريخ التسجيل : 01 - 03 - 2007
الدولة : ذكر
العمر :
الجنس :
مكان الإقامة : نجد العذية
عدد المشاركات : 20,738 [+]
آخر تواجد : [+]
عدد النقاط : 49
قوة الترشيح : خيَّال الغلباء is on a distinguished road
الأوسمـة
بيانات الإتصال
آخر المواضيع

التوقيت
رد : رداً على المسردي ... وعلى من يجهل فعول سبيع مع قحطان !!

كُتب : [ 03 - 07 - 2008 ]

اقتباس:
المشاركة الأصلية كتبت بواسطة عايش ابوليل مشاهدة المشاركة
.





بسم الله الرحمن الرحيم

اخواني اعضاء وزوار شبكة ومنتديات سبيع الغلباء

السلام عليكم ورحمة الله وبركاته


في البدايه لستُ هٌنا لاثارة الفتن ولستُ هُنا لمخاطبة سفاء العقول أعاذنا الله وإياكم منهم
ولكن حضرت هنا لأصدح بصوت الحق وآثبّت فعول سبيع الغلباء بماهو ثابت في صدور الرجال و ماهو ثابت في موروثنا الشعبي من قصيد والمثل يقول كلنٍ على حقه طويل لسانه والحق مايزعل منه عاقل حتى وإن أنكروه ضعاف النفوس فمن شيم العرب المتوارثه الاعتراف بالحق ولو على قطع الاعناق وقحطان العريقه عقالها آكثر من جهالها ان شاء الله والوقعات اللي بينهم وبينا ما احد ينكرها وإن انكرها شاذ مثل المسردي ما انكرها غيره والسبب في طرح هذا الموضوع قول المسردي بأن سبيع مالها فعول مع قحطان وهو يخسى والله كرم الله مسامهكم فعول سبيع ماتحجبها عين الشمس مع قحطان ومع بقية القبائل الاخرى اللي غير قحطان وتبقى قبيلة قحطان عزيزه وغاليه ومن دون القبائل كلهم خوال وعواني وجيران واللي بينهم وبين سبيع الغلباء يشهد ماضيه قبل حاظره والمسردي الفاشل مايمثل إلأ نفسه وقحطان كلهم انكرو قوله وردوه عليه وليست قحطان فقط بل جميع القبائل اللتي تعرف تاريخ سبيع الغلباء المجيد وماضيها المشرّف .

أنا هنا أرد على المسردي ومن أنكر فعول سبيع الغلباء مع قحطان بقصيدة سالفه قال مطلعها الفارس الشاعر راضي الصندلي وكملها الشاعر المعروف محمد ابن عليثه الصندلي رحمهما الله جميعا وجميع اموات المسلمين

القصيده قيلت في هيّة الغثوري اللي وقعت بين الصنادله من سبيع وعبيده من قحطان اللي انتصر فيها الصنادله وكسرو عبيده وردوهم بعد أن ضحّو بواحد وأربعين فارس منهم على راس شيخهم ((جمهور)) اللذي كان آخر من قتل منهم ذالك اليوم على يد الفارس والشاعر راضي الصندلي وإاليكم القصيدة كامله وفيها مدح لآل عمير وأل علي وخص من بني عمير جدي الشاعر ابن عليثة رحمه الله المكاحله نظراَ لقربهم من الصنادله فهو أسندها لهم مفاخراً بهم وبوقفاتهم المعهوده مع الصنادله وكمى ستلاحظون في القصيده يروي لهم ماحصل من انتصار للصنادله على عبيدة من قحطان

من غيرو قصور في باقي قبائل سبيع .



يالله ياللي لا إله الاهو = يامصرف الدنيا والافلاك حالها
جونا قحاطينِ على أكوار ضمّر = الجمله اللي راد ربي زوالها
عبيدة خانونا وإنا على النقاء = مير الولي فتالها حلالها
تنكرو لربي وخانو عملته = وشاف العميل عميلته واشفالها
وفي جال سقمانِ جعلنا دويسَه =مثل الحرايق موقدينِ شعالها
فمن بعد ذي ياراكبٍ عدمليه =هي منوة الطارش لدارِِ ِهقالها
كبيرة عثانين القفى صيعريه = لاناشها العرقوب جاها جفالها
عريبة الجدين مادقها الفلس =بعيدة ملاذ سدولها عن ريالها
حمراء ليا سمعت من اللعب حادي = تركي عليها الين يتصرم حبالها
عليها عزيم القلب لاشوهب الخلا =صميدعِ قطع المخافات نالها
ومطرق فرنجيةِ عليها معلّق = لاجاء يقوس الدرج خمسِ قبالها
تحط سفير بالوضوف يمينها =وخل العروق النايفات شمالها
وألاد علي قدمها منصىِ لها =منصى لاهل عوسِ مضن مدهالها
هل كرمت مخبورةِ وإمعلومه =وإليا غشى شهب النجوم ظلالها
ثم بعد ذي يسرح عليها مبكّر =مسراح شبلِ يم ديارِ نوالها
حط خشوم الضلع كله أيمينها =والعرق خله حنجرانِ شمالها
تنصت الكيران وانت مسنّد =وتلقى رجالِ في حفوف جبالها
لاد العميري اللي ينوسون العدا=عرنة حروبِ مايكن جهالها
ثم خص من لاد المكيحيل لابه = الابة اللي ماندور بدالها
الابة اللي في اللقاء تنثر الدمى =عواديِ سم البلا في قتالها
فعط العلوم اللي يسره علمنا = حيث العلوم الطيبه يشفالها
انا نتمنى ربعنا لطّامة العدا =ربعِ ينومس في اللقاء فعّالها
وانا نتمنى عيال العود لاوصلنا القصى=لاكادنا الكايد ودارت محالها
ياليتهم شافو نهارِ علينا =من جمعةِ كن الجراد اجتوالها
ياما كسرناهم وياما ترايعو = وقامت حمادي البيض ندب عيالها
وألأد صندل سترهن يوم فرعن = ننطبح سهام الموت وإنا رجالها
من حزة طلوع الفجر أو قدم ساعة = وإليا صلاة العصر حامي قتالها
يضدونا بالكثر وحنا نضدهم = كمى سيل محنابِ تضدّة جبالها
ولياكن تحضرامنا ليامن ضايقونا = تحضرام سباعِ والفرايس قبالها
ولازعزع العود النجيب نترايع = ترياع سيلِ في مطاوي رمالها
وتباشرت سحق الخلايا وحرجمت=وقامت ترايع عطفِ لعيالها
وتباشرت حلوات الالبن بالفكك =ونادا منادينا وربي بدالها
وتباشرت حدب النصور الهلايا=برزقِ من المولى تجيله وجالها
من هيّة في الغثوري عاد عيدها = وتاكل وتملى بالعوادي دحالها
تاكل من رؤوس العوادي وتنثني =وغب الملاقي ناسيه مامضالها
فدجنا على خمسة وعشرين لحية =يشدون طي البير سدحِ بجالها
وخمسة عشر مع مضنك الريع عقبهم = عليهم العرجاء تنادي عيالها
واميرهم جمهور خلّي منخدم = وحامت عليه مردمات ضلالها
والذيب ياكل في المعارك جثته = والطير من جو السماء دوالها
تحسبها ياجمهور قدمك مبردة = حنا الذرى وحروفها عند جالها
تضحينا منكم باربعين وواحد= صنع النصارى اللي رزينِ مشالها
وعادات ربعي في الصباح مشوعه =صنع الفرنجي زودو فاكيالها
بارودها حري ودرجِ مثومر =وملح القرى يوم اللقاء يحسالها
يرميها زحازيحِ من ألاد صندل=يرمي راميها والملك عدالها
وننومس الشجعان لاحل ذكرنا = واترك رجالِ مايصدّق مقالها
وختامها مني صلاة على النبي = اعداد ماهل المطر من خيالها



بعد ذي يالمسردي العن بليس وكأنك جاهل في تاريخ وفعول سبيع انشد شيبانك وبيسنعونك اكيــــد
وقبل ما أختم يالربع بقول شيء في نفسي وفي نفس كل سبيعي ..أنا مستغرب من أعيان قحطان ومشايخهم السكوت عن هذا الخسيس وعدم ردعه ماوالله بكايدنا لكن نحشم (.......) من حشمة هله ,




واعذروني على الاطاله يالمناعير



,’

.
أخي الكريم / عايش أبو ليل السلام عليكم ورحمة الله وبركاته وبعد : شكرا جزيلا لك على هذه القصة بشاهدها القصيدة ليوم من أيام إخواننا اّل عمير الصنادلة وبعض المكاحلة ضد إخواننا وعوانينا قبيلة قحطان العريقة غلابة والمسردي لا يمثل إلا نفسه والأكيد أن عوارف قحطان ورجالها لا يرضون الحيف والظلم لهم أو عليهم والعرب في السابق وقبل أن تجمعهم راية التوحيد خفاقة يوم لك ويوم عليك ولا يغط الحق رجل فيه خير والناقص هو الذي يكذب ويعكس الأمور ويتظفر بما ليس له والحق ما يزعل عيال الحمايل والله يعافيك ويبارك فيك ويجزاك خيرا ويبيض وجهك يوم تبيض وجوه وتسود وجوه هذا وتقبل فائق الشكر والإمتنان مقرونا بجزيل المحبة والإحترام مع خالص التحية وأطيب الأمنيات واسلم وسلم والسلام .



رد مع اقتباس