هذه اول مشاركه وارجو ان تنال علي رضاكم
وهي عباره عن قصيده لشاعر عبدالله بن مهدي بن وندان الصميلي السبيعي
قالها عندما ذهب والدها لأمير ثوب بن وندان الصميلي السبيعي الي اريتيريا للقنص
وليكم القصيده
الا يا بوي اللي لك الطيب مدهال
يا خاتم الشارات جزل العطايا
ياللي علي العدوان والضد غربال
في كل هيه لك فعول وسوايـا
رجــــال تســــوى ثمــانين رجـال
واحد وترخص لك جميع البرايا
لك في خفايا الروح يابوي منزال
قدرك علي راسي ووسط الحنايا
ربتنا من يومنا صغار وعيال
وزرعت مننيا للكرامه مزايا
حب الخوي والجار والعم والخال
وما نهدي الا من جميل الهدايا
ربيتنا با خلاص ماهوب باهمال
وعلمتنا الحكمه وحسن النوايا
واليوم جاء وقت به نشيل الأحمال
نشيل حملٍ ما تشيله سريا
انا وخوي حزامي بكل الاحوال
حنا سنادك ياحسين السجايا
امر ومطلوبك ملبا وبالحال
قول وفعل ماهوب هرج وحكايا
مقصد كلامي رح ولاتشغل البال
والله يحفظك من سهوم المنايا
حنا الشجر وانت المطر فوق همال
انت الأمير وكلبونا رعايا
وسلمتكم سهم المنايا