لا اله الا الله الخالق المناني=خالق ٍ سبع السموات والارضينا
مرسل محمد ومنزل هدى القراني=الله الي بامره ايميتنا ويحيينا
وبعدها قامت هجوس الشعر تحداني=صوب مدح الي على الطيبه وافينا
محزمي لاد الحميدي زبون العاني=لابة ٍ لاثارت الكايده ساطينا
هم خوالي مقدم القوم في الميداني=كنهم نار ٍ توقد على الغازينا
لارتدو جبع المحازم وصاح الداني=من نطحهم شاهد الموت شوف العينا
ثم اخص بمدحتي ترثت ابقيراني=الشيوخ الي على الطيبه ضارينا
لابة ٍ عجزوا عن افعولهم شيخاني=للعلوم الغانمه دايم ٍ عجلينا
ساقوا الاموال في طمغت الذيداني=ذود وضح ٍ في المزاين يحوز الزينا
البكار الي كما دلت الرسلاني=مارقات الغرب ارقابهن مترينا
هزع طفاح ٍ الحيهن وخرع اذاني=والسبال الوافيه طولهن شبرينا
ثم عنو صوب الطهيمي على العنواني=واضفروا بالتاج من شجرة اعويجينا
المعنق وافي ٍ من اللحم عرياني=فارق ٍ بوصوف زينه على الباقينا
وفارق ٍ بانتاجه من الدرر حيراني=واصل ٍ ذكره بدوات صحراء سينا
لاعرض قدمك خطير ٍ يجيك اجناني=اكثر العالم على ساقته حافينا
ماخذوه بحبة الخشم والهيجاني=دافعين ٍ به ملايين ماهي دينا
كاش قبل ايشال في دنة السوداني=الله انه يمنح الذود منه اسنينا
والله ايحرصه من اعيون كل انساني=مونس ٍ في كبده من الحسد مرينا