صبر اربع سنين
بعد الفراق اربع سنين عمر اللقا لمحه بصر
مريت جنبه والتفت صدفه بنظره لامحه
احترت واحتار القدم بين الهزيمه والنصر
اكلمه ما اكلمه ما شفت فرصه سانحه
انشل فكري وانذهل كيف الوسيله والبصر
بيني وبينه شفت انا الحساد جايه رايحه
سود سماي وشفت مثل الليل في وقت العصر
في ثانيه جتني هموم الليل كل ابوها طامحه
ويلاه انا وش جابني من يم منحول الخصر
اكيد هو مثلي بعد اللي ذبحني ذابحه
عازين حنا عن بعض طال المدى والا قصر
وكل تعذر من نديمه بالضروف وسامحه
فرقا حكم فيها القدر لو كان يرفضا ونصر
فرقا نهار اليوم عن يوم امس هو والبارحه
بس القلوب العاشقه لازم تذوب وتنهصر
ما تعترف في واقع العشاق دايم جانحه
بالفعل هذا اللي حصل لحظه نظرته مختصر
واقفيت في قلب عطيب ولا قدرت اصارحه
انهار دجله والفرات والنيل في ديره مصر
ما ظنتي تطفي لهايب قلب شوقه جارحه
بغى يطيب الجرح لكن جدده همس العصر
في ثانيه انهار صبر اربع سنين كالحه
مساعد الرشيدي
(عذرا على ألأخطاء المطبعية)