[الهداد]

الاخوة الاكارم اعضاء ومشرفي وزوار منتديات سبيع بن عامر الغلباء نستكمل معكم بقية قصائد الشاعر الفذ عبدالعزيز بن ابراهيم السليم رحمه الله


يقول في احدى قصائده:

هلت العين مـن دمـع تنثـر = بالوجع كن عينـي مستذيلـه
آه واونتـي ونــة مجـبّـر = ونة اللي تقلـب طـول ليلـه
قلبي اللي من الفرقـا تجمـر = واتزفر من البلـوى الوحيلـه
قاله اللي على البلوى تصبـر = ما له اليوم حـي يلتجـي لـه
من هوى اللي عن المربى تذير = قايد الريم صيـد ينعنـي لـه
صابني بالهوى راع المشجـر = قلبي اللي سهر من شوفتي له
ناقش الجيب والطوق المقمـر = ليت منهو تلوى فـي شليلـه
اشقـر وارد مثـل المـعـذر = اوقنا المهدبـه وقـت تعديلـه
أودعن حاير ما قوى ولا اقدر = كل ما با اعتمد يرميـن كيلـه
غصن موز عليه الماء تفجـر = طاغيٍ بالثمـر عجـز يشيلـه
أول الغـرس بثمـاره تبـكـر = طلعهن ينعش الـروح العليلـه
دونه السور والمرقـا توعـر = غلق البـاب والعقـده طويلـه
كلما جيت اهـوم البـاب قـدر = من خبر صاحب يرمي دخيلـه

وقال ايضا وهي من عذب شعره وفيه طرق ناقوز على ما اظن:

الا يا عشيري عليـم الملامـه = نسيت الجمايل وانا ما نسيتـه
اكزّ الرسايل مع اهـل اليمامـه = سلام الموده على من هويتـه
سلام المهايم يسوقـه غرامـه = اشيل الهضايم ولو مـا قويتـه
علام الغزيّل جرحنـي علامـه = يجّر الهوى لي وانا ما عصيته
على ما جرا لي صفقت الندامه = الا واحسايف يا عصر قفيتـه
ينوح القميري وجاوب حمامـه = يقول القميري ضميري شويته

ويقول:

البارحه والجفـن مـا بـات = والنـوم جنّـب واستـذارى
دشيت فـي بحـر الهـوالات = يوم الهوى ما بـه مـدارى
اصبحت كني بيـن الامـوات = نزلـت مــن دار لــدارى
اسبـح مـع الغبّـه بغبـات = مـوجٍ علـى مـوجٍ تبـارى
في غبـةٍ مـا بـه علامـات = ما غيـر قصـاف الاعمـارا
يا اهل الهوى يا ويل من مات = امس الضحى سنـد النهـارا
على الذي باقصى الحشا فات = ياطـا علـى قلبـي جهـارا
يغضـي بنجـلٍ مستلـجـات = والمـوت بعيـون العـذارى
لبسه من الغالـي شلاحـات = عليه من صنـع النصـارى
عوق القلـوب المستريحـات = ظبـيٍ مرابـيـه الـزبـارا
يالوع قلبـي منـه لوعـات = لـوع الصريمـه للحبـارى

ويتبع ان شاء الله