ونستكمل بقية القصائد..
برق سرى بمحلتـم المـزن هلـي = مـثــل الـذخـايـر بـروقــه
يبرق ويرعد فـوق غـرس مظلـي = حـلـو النـمـا مــن عـذوقـه
عسى الحيا يضفي علـى دار خلـي = عجـل المـطـر مــن حقـوقـه
اشفق عليـه وخاطـري يسفهلـي = وا شـــن بقـلـبـي يـسـوقـه
من شـان وضـاح الثنايـا مسلـي = مصـيـون مـحــدٍ يـذوقــه
يشبـه لظبـي بالزبـايـر مفـلـي = ســـودٍ مـحـاجـر رمـوقــه
يصغي بخدٍ مثـل صافـي السجلـي = مــا احــلا القـلايـد بطـوقـه
جيته ضحى شرق النخل ما حصل لي = يــا لـيـت منـهـو يـبـوقـه
ليت الهوى يوم اختلـف داريٍ لـي = راع الـهـوى مـــا يـعـوقـه
اخذ مـرادي مـن ثمانـه واعلـي = قـلـبـي تـلّـهـب عـروقــه
وهنا قصيدة اخرى من قصائده المشهورة
حمام ياللي الـى غنـى يجـر غنـاه = بيـن العثاميـر والمقطـع وعزامـه
يلعي طرب ما شكى من علته فرقـاه = لو جرب الكود ما طابـت لـه ايامـه
يا عيني ياللي من الفرقا تنثـر مـاه = وحـن لـه حـن ميـلافٍ لمريامـه
والكبد يقلاه فـوح مـا عرفـت دواه = يعلم به اللي بحكـم الغيـب علامـه
يا تل قلبي من أدنى ضامري واقصاه = تل الرشا من محاحيـل علـى قامـه
على وليف الى دش الهـوى يزهـاه = من شرد الصيد ريم من ظبـي رامـه
عليه ميلاف قلبـي خاشـع لرضـاه = اسجد على الطار وارفع وارخي الهامه
الزم على الولف وافطر والطعام انساه = واواصل الصوم وافطر مثل من صامه
واسهر مثل من سهر عن لذته وغذاه = يفرش فراشه ويطوى ما بعـد نامـه
اما هذه القصيدة فمن جميل شعره والتي يتضح فيها قوة تصويره وابداعه الوصفي..
قالوا تداوى قلـت مابـي خلافـي = بي علة يبحل بـه اللـي عرفهـا
ان ما شفان الله فلا احدٍ بشافـي = واضامري ما يبرد المـاء لهفهـا
طعمي على كبدي وشربي عيافـي = ما تقبل النفس العزيـزه عذفهـا
يالعين حبـك للهوى مـن تلافـي = والحـب يدنـي للمهايـم تلفهـا
حـن البهايـم للبهايـم ولافــي = وانتي ولفتي واحـد مـا ولفهـا
يا ما على قلبي من الضيم هافـي = وناظـري دمـع العشيـه ذرفهـا
عليك يا خل مـع النـاس خافـي = بيني وبينه حاجـة مـا صرفهـا
ما هوب معطيني ولاهـوب نافـي = ومن البطا ظنيـت شـي صدفهـا
واثره يمنينـي ولاهـوب وافـي = ماهوب مخلوق يـداري شرفهـا
لي حاجة حول الثمـان الرهافـي = لولا ان نفسي لينـه مـا عطفهـا
بين الجبين وبين مـز الاشافـي = نظم مـن اللولـو بغـر كشفهـا
العين عين اللي تنهـض وشافـي = ما طالعـت عينـه بكفـه حذفهـا
ومجدل من فوق الامتـان ضافـي = شقر على حد الردايـف عسفهـا
كن النحر جمرٍ من الكيـر صافـي = طيّـر رمـاده والغثابـر نذفـهـا
ومزبرات فـوق صـدره نظافـي = حمر الثمر مـزع ثيابـه طرفهـا
حمر الثمر كنـه فرايـد رعافـي = لاواهنـي اللـي بكفـه قطفـهـا
عبث لطيف الروح والوسط هافـي = سقم الصحيح وعلة اللي وصفهـا
والردف كنه ذالق عقـب سافـي = ما صعفقت ريح الهبايـب لقفهـا
هنـي قلـب دالــهٍ ومتعـافـي = ما صكته بقعـا ولا قيـل شفهـا
مـا ولعنّـه لابسـات الغـدافـي = بيض الخدود اللي ضميري هدفها
صلوا على المعصوم ما طاف حافي = عد الرمال ومنتهض من شعفهـا
اللهم صل وسلم على نبينا محمد
ويتبع بإذن الله