|
رد: 000000سري للغايه
صدقني يااخ رنية الاصل ويا اخ ماجد ان طول عمري من فضل ربي علي ان ما احد شافني زعلان
وبالعكس اخلي من الكارثه منطلق للإبتسامة ماهو من الاستهانة بها ولكن من باب تخفيف المصاب عن الغير ومصابي ما احد يعرف عنه حتى اهل بيتي فحزني لي وفرحي لغيري فلا تحسب في يوم انني اخذ من اي تعليق مهما كان بس المداعبه كشعرة معاوية يوم لك شد ويوم عليك ارخي |
رد: 000000سري للغايه
[QUOTE=المثري;227733]صدقني يااخ رنية الاصل ويا اخ ماجد ان طول عمري من فضل ربي علي ان ما احد شافني زعلان
وبالعكس اخلي من الكارثه منطلق للإبتسامة ماهو من الاستهانة بها ولكن من باب تخفيف المصاب عن الغير ومصابي ما احد يعرف عنه حتى اهل بيتي فحزني لي وفرحي لغيري فلا تحسب في يوم انني اخذ من اي تعليق مهما كان بس المداعبه كشعرة معاوية يوم لك شد ويوم عليك ارخي[/QUOTE] [size=6]المثري صدقني ان قلمك من الاقلام اللي انا اقراها اكثر من مره واصل ونحن بانتظار مشاركاتك والله يسعدك دنيا واخره[/size] |
رد: 000000سري للغايه
[color=#000066][size=4][font=Arial][align=center]متابع بصمت
شكشوكه :biggrin:[/align][/font][/size][/color] |
رد: 000000سري للغايه
شاكرا لك الاستاذ ماجد وما اقدمه الا من دعمكم والاخو الافاضل عموما في منتديات سبيع الغلباء
|
رد: 000000سري للغايه
شكشوكه اي شكشوكه تقصد سودانيه ولا سعوديه ويمنيه
راح اذكرلكم قصه الان اقرؤوها بس لا تقرأ الا لمن تجاوز خمسة وعشرون عاما تحذير رحنا للسودان نقنص وبعض دول افريقيا اثناء مرورنا بالسودان انا كنت من هواة التعارف ودوما تلقاني اتجول على اقدامي واجلس في مقهى ( قديما يطلق عليه اسم قهوه ) اشرب شاهي جاني غلام سوداني قالي ما داير شكشوكه قلت لا والله افطرت بعد الغداء رحت اشرب شاهي جاني قالي ما داير شكشوكه وبعد العشاء نفس الشئ قلت له شوف بكرة تجي هنا يعني ما ابغى افطر عشان يجيبلي شكشوكه كان فيه جالس واحد سوداني لافا عمه آي قام يضحك الحقيقه نفرزني قلت له احنا هنا وهناك اسيادكم ولا تحسبني اسكت لك عشاني في بلدك قام وجا عندي وتعرف علي قالي ما داير شكشوكه الله انت كمان قالي الشكشوكه عندنا الحرمه البطاله فهمت ايه الحين فهمت واعتذرت له معليش سامحني وتقهويت ولا عاد رجعت لهذاك المقهى0 |
رد: 000000سري للغايه
[QUOTE=المثري;227752]شكشوكه اي شكشوكه تقصد سودانيه ولا سعوديه ويمنيه
راح اذكرلكم قصه الان اقرؤوها بس لا تقرأ الا لمن تجاوز خمسة وعشرون عاما تحذير رحنا للسودان نقنص وبعض دول افريقيا اثناء مرورنا بالسودان انا كنت من هواة التعارف ودوما تلقاني اتجول على اقدامي واجلس في مقهى ( قديما يطلق عليه اسم قهوه ) اشرب شاهي جاني غلام سوداني قالي ما داير شكشوكه قلت لا والله افطرت بعد الغداء رحت اشرب شاهي جاني قالي ما داير شكشوكه وبعد العشاء نفس الشئ قلت له شوف بكرة تجي هنا يعني ما ابغى افطر عشان يجيبلي شكشوكه كان فيه جالس واحد سوداني لافا عمه آي قام يضحك الحقيقه نفرزني قلت له احنا هنا وهناك اسيادكم ولا تحسبني اسكت لك عشاني في بلدك قام وجا عندي وتعرف علي قالي ما داير شكشوكه الله انت كمان قالي الشكشوكه عندنا الحرمه البطاله فهمت ايه الحين فهمت واعتذرت له معليش سامحني وتقهويت ولا عاد رجعت لهذاك المقهى0[/QUOTE] [color=#00008B][size=6]معلومه جديده الله يكفينا الشر اثاري شكشوكه عند السودانيين معناها ردي الله يسعدك[/size][/color] |
رد: 000000سري للغايه
اذا قابلت سوداني قوله نفطر انا ونت شكشوكه بس سعوديه ماهو سودانيه شوف وش يقولك
|
رد: 000000سري للغايه
جدتي وامام المسجد والتلفزيون
اشترينا تلفزيون ابيض واسود الله يبيض وجيهكم وشغلناه بعد ما اجتمع شيب وشباب الحاره على ترجمة ما في كتلوجه بمفهوم الاشاره والا اللغه ما عندك احد وجاي باللغه اليابانية ودورها المهم بعد عدة محاولات شغلنا التلفزيون جانا الاريال نركبه حسب الكتلوج وبالرسم الين استطعناالوصول الى تركيبه والحر بالاشارة يفهم ساعه طالع وساعه نازل اوجه الاريل المهم تعبت ربطت الاريل بحبل صرت اوجهه من الارض الين اشتغل زين قمت ثبته عى وضعه اول ما طلع فيه سميره توفيق وعندنا رجال مسوين عشا عشان جدتي ضيفه عندنا كان من ضمن الحضور امام المسجد جالس سميره توفيق تغمز بعينها وهو يطل قام وجلس بمكان ثاني الشاشه بلوريه يعني من اي اتجاه كأن الي بالتلفزيون يعنيك بالنظر الرجال قام كم مره غير محله ما فيه فايده المهم وهو يسر للي بجنبه قاله انت تشوف الي انا اشوفه قاله عساك بس انت ما تشوف الي انا اشوفه والله انها اتقصدني وبعيونها تشغلني بعد شوي ابوي قال صكو هالبليه عنا خلونا نسمع حكي الرجال اطفال وفرحانين ما قبلنا نبغى نشوف التلفزيون والبيت كله غرفتين غرفه للرجال وغرفه داخل ومليانه حريم عز يازينه الضيق بالمكان ما هو بالقلوب المهم وياخذ الامام مفاتيحه ودب والحمد لله ماصابت التلفزيون وش وراك يارجال قال والله منين ما غدي وهي وراي اعنبو من رباها غير تغمزلي قلت له انا اوه كلنا تغمزلنا ما هو بس انت وما زعلنا اذا غمزت نصد عنها 0 تعشو الضيوف والجيران وسرو الجيران جات جدتي عندنا في المجلس هو محل نوم باقي افراد الاسره المهم يوم شافت التلفزيون تغشت ضحكت يعنني اعرف ياجده ما يشوفونك شوفي احرك اصبعي على عين المذيع ولا ترف قالت هين والله زي ما نشوفهم يشوفونا يا وليدي حاولت اقنعها ما فيه فايده واستمرت اتغشى عنه عدة سنوات حتى بعد ما جا الملون وتوفت رحمها الله وهي تتغشى عن التلفزيون ونسوان هاليام تاكل الرجال بعيونها وهو يطالعها الين هو يستحي وينزل عيونه و هذه الزبده 0 |
رد: 000000سري للغايه
جاتني عدة اتصالات من شخص يدعي بأنني 000000 من اكاذيبهم منها اني مسحور واني 000 وها الهلق
المهم يدق هو ويقفل وانا اتصل كل مره اخر مره وانا في المكتب كبرت الصوت عشان يسمعونه الي عندي وكان عندي يمكن خمسه ارجال احياء يرزقون ومنهم عبد الله الغريبي من اهل الطائف وثلاث عمال تحت كفالتي وشخص عميل المهم قلت له اذا تبغاني اصدقك تردد وراي الكلام الي اقوله لك واذا ما كررته وراي لا عاد تتصل وانا اصدقك قال طيب قلت له قول ومن فلق البحر لموسى ان كلامي صحيح وليس عليه غبار طبعا الحلف بهذه الصيغة لا يقوم بها الساحر ابدا ( ومن فلق البحر لموسى ان كلامي صحيح ) واذا سيطرت على جني في مريض عشان يخرج ما يصدق ابدا الا اذا حلف بهذا الحلف( ومن فلق البحر لموسى ان اخرج منه ولا اعود اليه ولا ااذي مسلما ابدا كان من الانس او من الجن وان اخرج من (000) المكان الذي تأمره ان يخرج منه حتى لايخرج من مكان يؤذيه كعينه او اذنه او رئته وتطلب منه الخروج من خنصر اليد او القدم حتى يكون ضرره بسيط وغير ضار والله اعلم |
رد: 000000سري للغايه
أخوي المثري الله يكفينا شر السحره والمشعوذين
بس أنا داير شكشوكه سودانيه |
رد: 000000سري للغايه
احم احم على الهوى احنا يازول قولي في ادني عشان اذا رحنا السودان اقوليك هم هنا بس اتقي الله في نفسيك
|
رد: 000000سري للغايه
طبعا انا احب نوعا ما الصيد بس احب اعيش خارج خطوط الجدية حتى في احلامي وجينا نطلع رحلة صيد داخل المملكة المهم وزعت المناصب على المجموعه وبالقرعه طلع علي السلاح والفشق ايش راح اسوي تابعونا
1 1 1 1 1 1 1 1 1 1 1 1 1 1 1 1 1 1 1 1 1 1 1 1 اشتريت عشره نبيلات وكرتون مطاطات واخذت لستك سياره الي يبي يصنع لنفسه سلاح المهم طلعنا وين السلاح معي بالسياره والموعد في المكان الفلاني في الوقت الفلاني معي شخصين طلعنا كيف السلاح قلت اتركوه ولا تحملو همه واذا ما اعجبكم السلاح ارموني بالصحرا واتركوني وصلنا للموقع بعد ما خرجنا عن مراكز تفتيش الحكومه المهم وصلنا للموقع الصحب ينتظرون السلاح على احر من الجمر نوزع مهما الشغل بالموقع الي اخترناه يكون مقر لنا المهم فتشو السياره خلسه يبون يشوفون السلاح طبو بالنبيلات وكل واحد حط بها حجره وهجمو علي شوفوا ايش الي يصير 00 تابعونا 1 1 1 1 1 1 1 1 1 1 1 1 1 1 1 1 1 1 1 1 ياجماعة الخير اسمعوني مافيه الا لسع ومنين يآلمك تكورت على نفسي اهم شئ النبل ما يجي في وجهي او على بطني ( عيب اسكت فاهم انك فاهم ) المهم بعد ما تشفا غليلهم يبو يسمعوا مني انا حقيقه تنفرزت بس فيه فرق بين النفرزه والزعل قلت هالحين ليش تسوون كذا وانا اقولكم اصبروا ما صبرتم ولا عطيتوني فرصه اتكلم حبيت اسوي فيها زعلان وحقيقه النبل آلمني بشده وتألمت رحت طلعت السلاح الحقيقي والفشق من السياره ورميته على الفراش عندهم وركبت سيارتي ومشيت يافلان احنا واحنا مشيت لحقوني قالو ان رجعت رجعنا قلت حكمي العين بالعين والسن بالسن والبادي اظلم زي ما سويتو في تسوون بأنفسكم واحد واحد واي تخاذل بالرمي راح امشي وتعال شوف انا اضحك وهم ياسلام بس0 لا لسه وهات بس0 لا لسه الين شفيت غليلي وصارت احلى طلعة صيد داخلي ولا زال الاعضاء يذكرونها 0 |
رد: 000000سري للغايه
حطيتها في موقع ما احد قراها قلت اجيبها هنا عشان تقروها ( منقوله )
حوار رومانسي بين بيبسي وميرندا... الموقع : ثلاجة في دكان الوقت : ثنعش الا ربع بالليل 11:45 البيبسي : اختي ميرندا ... قايمة والا نايمة ( اروح ملح مع الاسلوب ) ميرندا : هلا .. لالا قايمة ... وين تو الناس باقي ربع ساعة وبيسكر راعي الدكان هالانوار وبعدها بنام (البيبسي : هل لي بحوار جانبي معك ( ابووووك يالاسلوب ميرندا : ايييييه عادي وش دعوا البيبسي : ماهي نوعية الحوارات الي اقصد اللي تحبينها ....( ترا كذا الاسلوب علشان يسحب معك.....؟ .. اقصد الحوار خخخخخخخ ) ميرندا : ماعندي شي معين بعدين انت ناوي تطول بالكلام ؟ تبيني اعتذر من ابوي وانام برا الصندوق ( صندوق الميرندا ) البيبسي ( فرحان ) : اييييه كلامي مايخلص ولا بكرة .... انا اصلا كانوا يقولون عني المخقة ميرندا : تدري عاد اسلوبك وطرحك حلو بس ابوي يقول لاتمشون مع السود البيبسي : ليه ترا والله ما نعض ... ألليفين بالحيل ميرندا : بس تصدق انا معجبة بسوادك كأنه سواد ليلة مافيها قمرا سواد كالح كنه فحمة من كيس هالفحم اللي في المستودع تحت ... انا معجبة فيك بصراحة البيبسي : يؤ ... احرجتيني .. امي والله صادقة ميرندا : ليه وش قالت امك ... البيبسي : امي تقول ان الميرندا احلى من الفراولة ... ماتدلعين زي الفراولة ميرندا : ياحظي .. قال فراولة قال ... وش يخليني اتدلع البيبسي : لا يعني لون الفراولة .. احلى من لونك ( الرجال بدا يخور ) لونها احمر يشق الجبهة ميرندا : نعم نعم نعم .... عد بالله وش قلت ... انا وشفيه لوني البيبسي : لا والله مو قصدي بس لونك كنه لون هالهندي اللي بالدكان اذا صار محسور ... برتقالي ميرندا : والله حبيبي اذا مو عاجبك ... خلني اروح لصندوقنا بس البيبسي : يؤ ... يالزعولة ليه زعلتي عاد من كلامي وفي هاللحظة فتح راعي الدكان الثلاجة وحط فيها فراولة البيبسي : هلا والله وغلا بالفراولة ... يوووووووه يازينها زيناااااه .... تو مانورت الثلاجة ميرندا : هااااوو والله شي ... وقدامي تغزل فيها وانا من الصبح معك يالمحترق فراولة : يؤ ... وشفيها هذي معصبة كنها طقاقة ما نقطوها بحفلة زواج خخخخخخخخخ البيبسي : لالا ماعليك منها انتي وش هالحلاوة وش هاللون الحلو ميرندا : اقول يالدبا يالحمرا ء اللي لونك ماله داعي ..... كنه.... فراولة : هئق ... هئق ..( تشهق ) يالغيارة يالبرتقالية روحي بس ما احد شراك لك اسبوع هنا مرزوعة ما احد يبيك ميرندا : والله ... ياشيخة تعالي دغدغيني احسن البيبسي : ياجماعة كل وحده فيكم لها مميزات ولها صفات مستقلة خلونا بس في المفيد وفي هاللحظة قاربت الساعة على 12 بالليل وجا راعي الدكان وخذ البيبسي والميرندا والفراولة بكيس واحد بيوديها معه للبيت وهذا الحوار اللي بالكيس : البيبسي : هذي الساعة المباركة يوم صرنا بكيس واحد متلاصقين ميرندا : اقول وراك لازق بالفراولة خلها تتنفس طيب حاشرها.....( بدت الغيرة تحرق الميرندا ) فراولة : يؤ ... من سألك انتي الثانية من شكالك الحال وين تبغين الرجال يروح !! بعد وش عليك!! خليك بحالك (في هالوقت البيبسى صار وجه البيبسي كحلي تخبرون اسود مايحمر وجهه ) بيبسي : لاتحرجوني !! انا اخجل من ظلي !! يؤ....وخري ياميرندا شوي ميرندا : هذا بعد راعي الدكان ماجاب كيس كبير ... حشرنا بهالكيس هالبخل ابو هنود !! في هاللحظة راعي الدكان أخذ الفراولة وفتحها وشربها وما بقي بالكيس الا البيبسي والميرندا !! البيبسي : الحمد لله كانت مضايقتنا الفراولة !! ......... ( منافق وماله خاتمة البيبسي ) ميرندا : يؤ ... توني صرت غالية عندك .!! اقلب وجهك بس يالعبد مالك خاتمة البيبسي : يؤ ... ضاعت على الفراولة والحين ضاعة الميرندا .... وش السوات انا ووجهي ميرندا : اذلف بس ووخر عني ولا عاد تكلمني !! البيبسي : يؤ .... والله احتريت ( ارتفعت درجة حرارته ) ميرندا : ايه عارفه من يوم راحت عنك الفراولة وانت متجه علي وتعبتني وكسرت قلبي البيبسي : اييييييييه والله انتي مريضة .... لا أكون انا السبب وفي هذه الاثناء اصبحت حرارة الميرندا مرتفعة وانشد البيبسي بهذه القصيدة يصف حال الميرندا موجه كلامه لراعي الدكان اللي خذ الميرندا وفتحها وشرب منها جزء بسيط وألقى بها في سلة المهملات لأن حرارتها مرتفعة ( ساخنة ) وبكى البيبسي في هذه الاثناء وقال : قالوا حبيبك محموم فقلت لهم انا الذي كنت في حمائه السبب عانقته ولهيب النار في كبدي فأثرت فيه تلك النار فالته يقطع الحب وسنينه شو بيعمل . وخذ راعي الدكان البيبسي وفتحه وشربه والبيبسي ينشد القصيدة وبصراحة ماسمعت كامل القصيدة لان البيبسي لطه راعي الدكان الهندي ببطنه قبل لا نسمع كامل القصيدة ... الله من حرة البطن ياشيخ حراااااام عليك يابوهنود قتلت حب بريء !! .. لووووووووووووووووووو ووووووووووول هـا وش رايكم عجبكم |
رد: 000000سري للغايه
جاني واحد يبغاني اسجله بالمعهد المهني كلمت المدير هاتفيا وقالي بس خلى الملف عند القبول بالمعهد
اخذت الولد والملف رحنا مكتب التسجيل والقبلول هم حاطين المكتب بجوار الباب الخارجي لخصوصية المعهد وعشان يقل الدخول الي المعهد انتبه من هنا يبدء الموقف دخلنا بعد صلاة الظهر مباشرة حنا بعز الصيف والشمس نار كبرى المهم دخلنا اول ما دخلت الغرفة شفت باب على يمينى الموضفين وراه جيت ادخل الباب وطيت راسي شوي واذا انا اصدم ولا هي مرايه ماهو باب قالي الموضف تعال هنا دخلت انا اتكلم مع الموظف واضحك لآن راح الولد ينقل الموقف الي تعرضت له لأشخاص يدورون علي مواقف يتشمتون في واذا طاح الجمل كثرت سكاكينه كان الولد يمشي وراي خلصنا من موضوعه وجينا طالعين اتوقعو ايش الي صار الولد دخل ارجوله بالمرايه يبغى يلبس الاحذيه وانا ما تلقاني قلت الحمد لله ما شافني يوم دخلت راسي بالمرايه واخذتها عليه الى اليوم |
رد: 000000سري للغايه
نقلتها من مكانها السابق الى هنا لتتم قرائتها مع التعديل لما تذكرت من كلمات كانت غائبه من الذاكره
هذه نشرت لي في جريدة الرياضيه قبل نحو عشرون عاما وهي من انوع الشعر ويسمى المنلوج كما يطلق عليه عند حضر الحجاز وقد تعلمت نظمه من شاعر بحريني لا اذكر سوى ان اسمه عبد الرحمن وهو مبدع بهذا النوع من الشعر ويكون هذا النوع فقط للنقد اللاذع لمشكلات المجتمع واوردها لكم وارجو ان تنال احسانكم رغم ان الذاكرة افقدت الكثير منها ياذا الجاره والجاره اولادكم وسط الحاره عذبو الناس الماره هذا شخص يطقونه والاخر ينهبونه ياذا الحاره والجاره هاله تعالي بالحاله الفديو وسط الصاله وجيبي فلانه وفلانه وكل تمضغلها البانه هذا شريط ادخلونه والاخر مثله تخرجونه رقصة مايكل بفنونه ولا بريك و مادونه ياذا الجاره والجاره الفصفص ملي الصحون والفستق اكثر مو دون واخيرا جابن تلفون يتصلن بأم افنون يا ذا الجاره والجاره هرجتكم بالموضه ميه بالميه والفاتوره فوق المليون بالميه ياذا الجاره والجاره وحده تبغى خدامه والثانية تبغى سواق ايقلدن ام سلامه ويلفن كل الاسواق ياذا الجاره والجاره واخرى ستخص الرجال ياويلي من هالبالت واحد يخسر نديمه والثاني طلق حريمه وياويلي من هالبالوت كل جالس الين يموت والاخر بيده ريموت ياويلي من هالبالوت صرخه تصحي الجيران تهز الارض والجران من واحد كنه زعلان هربلي يابو سليمان وياويلي من هالبالوت المطبخ فاضي ياليت تجيب شابوره لو للبيت روحي انتي اعتبريني انا ميت ولا تخافي اذا نمتم انا جيت جالس وبيده ريموت هذي حلوه اه ياموت ولا بيلعب له بالوت وياويلي من هالبالوت ارجو ان تنال استحسانكم وردودكم لا هنتم |
رد: 000000سري للغايه
ياجماعة الخير تكفون اكتبو اسمائكم بالعربي
انتم يالي كاتبين اسمائكم بالانجليزي ابغى اكتب اسم الواحد فيكم ما ارعرف اكتبه ابغى اقول اسم الواحد فيكم ما اعرف اقراه قلت يمكن الاسم مقلوب خفت اقلب التلفزيون ( الشاشه) حقت الجهاز عشان اقرا الاسم تطيح منه المعلومات طيب ويش اسوي قلت اوقف على راسي اتأكد لا تكون الكلمه مقلوبه حاولت ماقدرت الله يصلحكم اتعبتوني المهم هاريو دقفنق |
رد: 000000سري للغايه
:xyxwave::xyxwave::xyxwave:
ماشاء الله عليك خفة ظل مالها حل ننتظر مواقفك الحلوه بفااارغ صبر:(1): |
رد: 000000سري للغايه
بس لا يفقع بطنك السفن
شاكر حبيبي مداخلتك وياليت اقدر اقدم الشئ الي يسعدكم |
رد: 000000سري للغايه
المثري سبحان الله قصصك رائعه
لكن شوي تقدم نصيحه وشوي قصه مثل : ياجماعة الخير تكفون اكتبو اسمائكم بالعربي انتم يالي كاتبين اسمائكم بالانجليزي ابغى اكتب اسم الواحد فيكم ما ارعرف اكتبه ابغى اقول اسم الواحد فيكم ما اعرف اقراه قلت يمكن الاسم مقلوب خفت اقلب التلفزيون ( الشاشه) حقت الجهاز عشان اقرا الاسم تطيح منه المعلومات طيب ويش اسوي قلت اوقف على راسي اتأكد لا تكون الكلمه مقلوبه حاولت ماقدرت الله يصلحكم اتعبتوني المهم هاريو دقفنق بالعربي ماعرفنالك ؟ |
رد: 000000سري للغايه
القادم احلى ولكن هل يكون للمعلم قبول من تلاميذه ما لم يحبوه
انا في مدرستكم طالب ومنكم نتعلم شاكر مداخلتكم |
رد: 000000سري للغايه
في صحراء نجد طفل واطرد وراء طير ( ملهي الرعيان ) هذا اسمه عندنا
المهم تو واصلين جهة روضه من الرياض الي بالقرب من العاصمه لنا عرب رحل وبحلالهم ويبون يزوجون عيالهم وجيناهم من الحجاز نفرح معهم كلهم اعيال اعمام واخوال المتزوجون انا شفت هالطير وراه هو يمشي شوي ويوقف واذا وصلته مشى وانا وراه من قبل صلاة الظهر الين صلاة المغرب سبحان الله ما حسيت لا بضما ولا بتعب يوم ناظرت وراي ولا والله البيت مختفي ادور يمين شمال الا هناك بيت شعر دخلت على هل البيت ابغى ماء ابغى ماء عطوني الماء وحطيت راسي ونمت 0 هناك بالجهة الثانية انقلب الفرح هم وقلق وخوف لا جا الليل راح فيها الطفل تاكله وحوش الخلا المهم بعد صلاة العشاء صحاني معزبي قم يا ولدي انت وش اسمك ( منطور مطعط) الله يخلف علينا حتى اسمه ما يعرفه لكن فيه عرب الفلاينه عندهم مزين يمكن هذا من ضيوفهم ركبنا الذلول وانا مغير ابكي فقدت امي وعرفت انها ما هي بالبيت الي انا فيه ويش يسكتني ما شا الله عليه اديب من يوم وانا صغير المهم بعد رحله يمكن ساعه وصلنا بحدود الساعة الحادي عشر ليلا ولا الناس شابين ضيانهم بروس المتون عساي اشوف النور المهم وصلنا ويوم شافوني ولا والله كأنهم شايفين شئ ما احد حصل عليه الوالدين الله يثيبهم ما نعوضهم شقاهم معنا لو نقلي لهم الزيت بيدينا انت وين رحت قلت الطير ابا امسكه ويهرب مني قالو لي هذا الجني لا عاد تقربه يبا يوديك بعيد عشان ياكلك صرت كل ما شوف طير ولا اي حيوان اقول عنه جني وصارت تاريخ عند الجماعه يوم رحنا لنجد وضاع منطور مطعط يوم كبرت شوي وكل ما كبرت حدثوني فيها بعد ما كبرت علمت عيالي فيها قالولي طيب ليش تهاوشنا ما دام انك كذا اول وانت صغير اقولهم الي يلدغ من الحيه يخاف من الحبل |
رد: 000000سري للغايه
هذا فيه جار عندنا بنا في ارض جاره
الارضين متجاورتين ونفس مزايا الارضين متساويه و على شارع واحد فرعي من شارعين رئيسيين كل قطعه تقع بعد ثلاث قطع عن الشارع القريب لها وهي القطعه الرابعه يعني القطعه رقم واحد تقع بعد ثلاث قطع عن الشارع رقم واحد والقطعه رقم ثنين تقع بعد ثلاث قطع عن الشارع رقم اثنين المهم جارنا بدا يبني صاحب القطعه يشاهد وساكت وما قال لجاره انت غلطان قال في نفسه اذا انتهى اشوف اذا عجبني تفصيله اعوضه وانتهينا واذا مااعجبني اقوله زيل وهو الغلطان بعد فتره طلع وجاب مكتب هندسي لتحديد الارض ونادى جارنا وفهموه انه يبني في ارض جاره طيب وش الحل حذ خمسين الف واسويلك بيع واتسوي لي بيع رفض كل الطرق لم تفلح وجاب حلين اما الازاله او يصبر عليه الرجال وبعدين يسدده قيمة البناء كل الطرق ما نجحت معه 0 طبعا جاني الخبر تدخلت اش سويت تابعونا 1 1 1 1 1 1 1 1 1 1 1 1 1 1 1 1 1 1 1 1 1 1 1 1 1 قمت بالاتصال باحد جيران الموقع يا اخي الارض الفلانيه تعرف مين صاحبها ايه هي تعود لفلان بس عليها خلاف 00000 الخ طيب ما دام صكها سليم انا ابا اشتري وبعد اسبوعين الافراغ والعقد نكتبه عند المكتب اليوم و بعد اسبوعين الافراغ تم قال اشوف راعيها بس بكم انت شراي انا الموقع ابغاه عشان قريب من والدي وما ابغى غيره تكفى انا مستعد ادفع كذا 000 اكثر من الفيمة الحقيقية للأرض بثلاث مئة الف ريال0 الجار راح للجيران ابلغهم راح الجار الطماع للي بنى في ارضه قال شوف اذا سوى العقد ودفع العربون بروح تفرغ لي وافرغ لك واذا ما جاء احنا على ما احنا عليه اتفقوا بعد العشاء ثاني يوم ارسلت واحد معه خمسون الف ريال وسوا العقد باسمه ودفع العربون الخمسين الف وسوو العقد على انه يتم الافراغ بعد اسبوعين ثاني يوم راحو الجيران للمحكمة عشان الافراغ متبادلين القطع وانتهت المشكله والزبون راح ولا عاد رجع يشتري الارض والمكتب اخذ حق العقد والباقي دفعه لصاحب الارض ورحت لجاري وفهمته باللعبه طبعا قبل التنفيذ ودفع الخمسين الف وشكرني على هيك فكره انا لو ما علمت انه كان ساكت على جاره وهو يبني وهو عارف انه غلطان ما تدخلت بهيك فكره بس النذل ماله الا النذاله عشان يهجد 0 |
رد: 000000سري للغايه
الله يعزكم ويعلي قدركم حذا بس ماهو حذا الزيدي وما هو في هذا الزمن لا قبل ثلاثون عاما حذا رياضي بس مرفق معه كتلوج يعني رسم توضيحي لطريقة لبسه وطريقة المشي به وطريقة المحافظة عليه هل هذا يعقل تابعونا
1 1 1 1 1 1 1 1 1 1 1 1 1 1 1 1 1 1 1 1 1 1 1 1 1 1 1 جيت اشتري حذا رياصي اعزكم الله اليكم الحوار مع الباعه طبعا الحوار تبادل الحديث وليس المقصود به ولد الناقه المهم لو سمحت عندكم حذا رياضي ابو كتلوج لا يا ابني اصلا مافيه بكتالوج ليه هو جهاز كهربائي يا اخي اذا ما عندك قول ما عندي لا تطنز الثاني والثالث والرابع والاخير طبعا جميع ابناء الحاره ومدارس الحي نفذو نفس الفكره معي الكل يبحث عن الحذاء الرياضي ابو كتلوج ايش سويت وايش الي صار تابعونا 1 1 1 1 1 1 1 1 1 1 1 1 1 1 1 1 1 1 1 1 1 1 1 1 1 رحت لجار من اصحاب المحلات حاقد عليه انا المدرسة كل شئ يقولو روح اشتروه من عند المحل الفلاني يعني بالقوة ولي ما يجيب من عنده يرجعوه هذا ما هو المطلوب لبس رياضي او ادوات مكتبيه محلاته بانيها للتعليم المهم رحت عنده طبعت كتلوج عند واحد ورحت وديته له وقلت له الحذاء عندي وهذا الكتلوج بكم قلت له بمئة ريال وكمان تحس انه مكيف برجولك وانت لابسه ما تحس بالحر وبعض المميزات من وين شريته من جده كيف انا خالي يعرف واحد بجده اخليه بكلمه لك يحملك البضاعه الي تباها ويرسلها لك بسياراة وافق بعد تدخل خالي العزيز بالمهمه كونه ما راح يقبل بعقول الاطفال وخالي بتبنى معرفته لواحد يشتريها ويرسلها له المهم دفع الفلوس وراح خالي لجده وحمله حذاء رياضي ابو خمسة عشر ريال وباعله الواحد بخمسين ريال وراح يربح هو خمسين ريال قمة الطمع وعارف انه راح يسوقها غصب عن الطلاب بس المفاجأة بعدين انتظروها 1 1 1 1 1 1 1 1 1 1 1 1 1 1 1 1 1 1 1 1 1 1 1 1 1 خالي راح جده وشحن الحذاء وحط كتلوج في كل وحده ووصلت البضاعه للتاجر صاحبنا وبعد ما بدء يبيع اشتكاه عند الشرطه اولياء الامور وراح فيها هو والاداره المدرسيه بعد انفضاح امرهم بأنهم يلزمون الطلبة على الشراء من هذا المحل فقط واكلوها على روسهم انا بس ما ادري كيف طافت على معلمين لديهم ثقافه المفروض ما تمشي عليهم بس غرهم كثرة المال 0 |
رد: 000000سري للغايه
منقول
السالفه حقيقه 100% ما هو عن المثري يقولون 100% في طالب في الجامعه كان عنده امتحان في ماده من المواد اللي متخصص فيها وهي علم الطيور، ويوم قرب اختبار الماده آخر السنه، الطالب راجع وراجع لي ماطلعت عيوونه، ودخل الامتحان وهو واثق مليووون بالميه انه جاهز وبينجح في الامتحان، والمفاجأه ان الاستاذ قابلهم بسؤال واحد فقط !! والسؤال عباره عن صور لأرجل بعض الطيور، والمطلوب معرفه اسماء الطيور من شكل ارجلها!!؟؟ واختبص صاحبنا وماعرف يحل السؤال، قام من الكرسي وراح للاستاذ وسلم ورقته فااضيه وقال حق الاستاذ : اتفووو عليك وعلى مادتك هذي الخايسه وانت اخس استاذ شفته بحياتي !!! رد عليه الاستاذ بكل برووود : اعتبر نفسك راسب في الماده ! شوي ويلاحظ الاستاذ ان الطالب ماكتب اسمه في ورقه الاجابه قام وقال للطالب بغضب : وين اسمك يا ولد ؟؟؟ قام الطالب ورفع ثوبه وطلع رجووله وقال للأستاذ : اذا في أمك خير قول اسمي من شكل رجوولي؟؟؟؟ |
رد: 000000سري للغايه
أول مكالمة بعد الترقيم(( تموتون ضحكـ بس قربوا)) ههههههه.....
-------------------------------------------------------------------------------- يتم الترقيم ويقوم الطرفان بعمل اشياء غريبة اثناء عملية الترقيم!!!!!! حيث ان الولد يستظرف مررررره وهو دايم مكشر بوجه اهله؟؟ البنت تتنيعم بزياااااااااااد ة وتسوي فيها خجولة وان مامرة كلمت؟؟ الولد يروح بيت امه ويقعد مع أخوياه في الملحق اللي مليان دخان في كل مكان ودلة الشاي صارلها اسبوع ماتغسلت ومع ذلك يسوون شاي جديد وكنه العيد وفناجيل الشاي من واحد لواحد..وطبعآ مايهم ابد يدق تلفون الولد..وطبعآ الرقم مو مخزن...فيعرف ان هي اللي تتصل...خاصة اذا كان مرقمهما من وقت قريب الولد يثقل ومايرد الا بعد ثالث رنة الشاب : الو البنت: الو. ..(((بصوت ناعم ))) الشاب: هلا والله <-- ويأشر لربعه تراها دقت دقــــــــــت ويوقف لعب البلوت <-- ويحطه على السبكير لول البنت: أووووه سوري شكلي غلطانه ...طوط طوط طوط سكرت الشاب : لحووووووووووووو ول غلطانة يرن التلفون مرة ثانية الشاب : الو <--- يخشن صوته <--- وربعه يسمعون البنت: وش قاعد تسوي <--لاحظ خشت عرررررررررررررض الشاب : ابد قاعد اذاكر (((نصا1111111111ب ))) البنت: ما شاء الله باين عليك ولد ناس الشاب: لا والله بس اخر سنة ثانوي وابي اجيب فوق 95 مابي انزل عنها <--- وهو عمره ماذاق الثمانين البنت: طيب انا بسكر الحين عشان اهلي جاو واذا راحوا بدق عليك دقة عشان مايطلع رقمك بالفاتورة <--- جوالها سوا وتقول فاتورة هههههههه الشاب: من عيوني الثنتين. بعد دقيقة وحدة بس تجيه رنة <--- وين اهلها عنها خخخخخخخخخ الشاب : الووو البنت هلا والله بالصوت الشاب: كيف حالك <--- ليش كيف حالك طيب؟ البنت: طيبة الحمد لله ...عسى بس ماكلفت عليك ...اخاف رصيدك يطق مليون الشاب: لا وش دعوة عاد كم قمر عندنا؟ يدوب نسمع القمر يوم القمرة 14 الشهر مانصدق نكلمه البنت: ياحبي لك <-------- توها نعنبوها قالت ياحبي لك الشاب: لحظة لحظة ..يحط يده على السماعة ويقول لربعه " ترااااااااا حبتني البنت" ربعه: اي كفو هذا خوينا <--- يلعن ام الهستره ياعيااااااااااا ل الشاب: سوري بس قلت للشغالة تجيب لي كبتشينو <--- وهو مايعرف الكبتشينو ينشرب بارد ولا حار البنت: طيب قولي وش تدرس؟ الشاب: ادرس بجامعة البترول ادارة اعمال <- كذاااااااااب توه يقول ثانوية البنت نست انه يدرس ثانوية البنت: ما شاء الله عليك ... الشاب:ايوه لان الجامعات الثانية مستواها مو مرة وانا عاجبتني البترول ومرة سهله علي البنت: والله انا اهلي بيودوني دبي الجامعة الامريكية <-- كذابة مطرودة من المدرسة الحكومية اللي جنب بيتهم يوم تفلت بوجه المدرسة التمساح: اي والله احسن لك تروحين <--- لو اخته وربي تقوم القيامة مارضا لها بس مسوي روح امه فري قدام البنت البنت: انا احب لبنان والسوليدير مرررة حلوة <---- وربي ماتعرف شئ في لبنان بس تسمع عنه (((وعلى بالها انها تحتاج فيزا عشان تروح ))) حدها تروح البر القريب عندنا ويخب عليها الشاب: اي حتى انا بس انا ماحب لبنان افضل اروح جنيف <--- ورب النعمة ماطلع من ربوع بلادي في حياتي البنت: اي بس انا ماحب البرد الشاب : لا انا اروح اتسلق الجبال واتزلج على الجليد مدري ليش كل واحد يكذب على الثاني شوي الا الولد يقول آآآآآآآآآآآه شكلك حبوبة <--- بدا يحب وشوي الا صوت أأأأأأأأأأأأأأأأااع طرطاااااااااااا ااااااع والله ماعيدها مرة ثانية والله العظيم.... وبالعقال طرطيييييييييييي ييخ وتسلط على الظهر وترتااااااااااا ااااخ وطق الى الصباح <--- اثاري اخوها صادها وصادر الجوال اليوم الثاني مطلعة جوال جديـــــــد وباسم هندي .... وعااااااااااااادت الشغلة من جديد ههههههههههه |
رد: 000000سري للغايه
طبعا من الصعب ومن المواقف المحرجة ان يخطبك رجل لابنته
لا وفي حضور اناس تعرف بعضهم والاخر لا تعرضه كيف تتصرف اترك لكم التفكير وسأعاود اكمال القصة تابعونا فهي مضحكه محرجه اتيت لمتابعة القصه فتابعونا 1 1 1 1 1 1 1 1 1 1 1 1 1 1 1 1 1 1 1 1 1 1 1 1 في مجلس حضوره يفوق العشرة اشخاص ناداني رجل الى جواره لا اريد ان اذكر هذا الرجل ومكانته ومقامه ولا جنسيته شئ حقيقه محرج للغايه المهم طلب منى ان اتزوج ابنته وان اغادر معهم الى بلدهم على ان يقوم ببناء مصنع لي في بلدي المملكة العربية السعوديه تقدر كلفة المصنع ما يقارب مئة مليون ريال المهم العرض قوي ولكن الموضوع صعب للغايه وفي حال انني حسست بظلم اعود للمملكه ويصبح المصنع ملكي 0 حتى الماء غصيت فيه كيف اتصرف واخرج من عذا المأزق حقيقه اعتذرت عن قبول طلبه وامام الحضور انني ليس عندي 0000 ولا اصلح للزواج لأنني غير قادر على ان اقوم بالواجبات الزوجيه المطلوبه فقبل عذري وانصرفت واشيع بأنني غير قادر على الزواج وكل واحد يقولي هذا الكلام اقوله زوجني اذا ما حملت بنتك او اختك اكون زيها وافهمهم ان قصدي الخروج من مأزق والد العروس فقط لا غير |
رد: 000000سري للغايه
هل جربت الوقوف على المنبر في صلاة يوم الجمعة بسبب تأخر الامام الراتب وما ذا سيحدث اذا كانت هي المرة الاولى لك فكر ثم تابعنا لتعرف ما الذي حدث
1 1 1 1 1 1 1 1 1 1 1 1 1 1 1 1 1 1 1 1 1 1 1 1 1 1 1 1 1 1 1 جاري قال مالها الاانت يا ابو فلان قلت له يا ابن الحلال انا ما اقدر اتقدم الجماعه ابد في الصلاة العاديه كيف الجمعه انا انسان امازح الطفل والرجال بجميع اعمارهم وجنسياتهم من يوم ماراح اطلع على المنبر راح الناس يضحكون قال انت توسوس بس اطلع وقول بسم الله اما الحاحه طلعت السلام عليكم ورحمة الله وبركاته - ردو وعليكم السلام ورحمة الله وبركاته وجلست اذن المؤذن رجعت بدأت الخطبه انتهت الخطبة الاولى وجلست قمت اكملت الخطبة الثانية انتهيت نزلت اصلي صلينا بعد الصلاة ما احد قام من المسحد غريبه العاده يتطامرون من فوق الي يسنن عشان يخرجون ايش الي صاير يمكن كل واحد سجل ملاحظة على الخطبه ويبا يقولي على الملاحظه شوي الا واحد واقف ياشيح تكفى عيد الخطبه اش يقرب لك سليمان الجبيلان 0000 ما اقدر ارد اللساني ياكلني بس غصب صابر ما ني متعود اسكت قلت له بأدب كلنا اخوه بس انت تختلف عن فصيلتنا نحن والحضور وما بقي احد بالمسجد ما ضحك وفعلا بناء على الحاح العديد من المصلين اصبحت القي دروس ميسره ومبسطه حتى منعت بحجة ان ما عندي تصريح واذا ابغى اعطي دروس يجب ان احصل على تصريح قلت انا بالغ ورخصة المرور معي ما تكفي 0 |
رد: 000000سري للغايه
اليوم ابا اصير ملك اش رايكم
جاني الملك عبد الله بن عبد العزيز اطال الله في عمره وحفظه لنا وايده بنصره 0 وقالي اباك تصير ملك اليوم فقط وبكره ارجع استلم منك الحكم قلت وش عليه يا ابو متعب بس اسوي الي ابغاه قال الي تباه سوه اخذت القلم والورقه اكتب قرارات جديده وبسرعه للتنفيذ الوقت غير كافي يوم واحد بس القرار ات الجديدة 1- اعتماد منح كافة المواطنين قروض سكنيه عاجل جدا 0 2- اعتماد منح جميع المواطنين الغير عاملين في القطاع الحكومي قروض وانشاء شركات صناعيه حكوميه لتوضيفهم فيها وخاصة ان القدره موجوده لدينا لإنشاء اكبر المصانع بالعالم 3- منع توقيف من تجاوز عمره عن اربعون عاما في غرف التوقيف المرورية وابدالها بالغرامات المالية وتحديد مدة السداد وبعدها سحب الرخصه 4- اي ولي امر طالب ما يزوره بالمدرسه مره بالشهر يمنع الطالب من دخول المدرسه 5- حصر الغير عاملين ممن لديه عدم قدره على العمل بسبب عاهه او مرض او لقصر قامته وصرف راتب له مدى الحياة مقداره خمسة الاف ريال 6- عدم تأجير المقاصف المدرسية ومنحها للشباب مجانا ومن يتخاذل تمنح لغيره ويكون في كل مفصف شخصين من ابناء الاسر الفقيره 7- عدم السماح للموضفين في امامة المساجد ( دكتور ويستلم راتب فوق العشرين الف ويوسط عشان ياخذ المسجد الفلاني عشان فيه فيلا او شقه كبيره ) ويطالب يكون خطيب جمعه عشان كم ريال زياده والمؤذن موضف عنده عشان يغطي عليه اذا ما جاء وهات الناس تبكي مره الامام تأخر ومره المؤذن ما فتح المسجد ومره 0000 المهم وابقاء الامامه لحفظة كتاب الله لمن ليس لهم وظائف حتى يتفرغو جيدا لإمامة المسجد مع زيادة المكافأة لهم وكذلك المؤذنين 0 8- اقالة اي معلم يثبت عدم قيامه في مهامه التعليمة على اكمل وجه 9- اي موضف يتقاضا رشوة يحاسب هو وكافة المسئولين بالادارة مع السجن لكل منهم ما لا يقل عن عشر سنوات ايا كان المبلغ 10- اي موضف يرفض اكمال معاملة مواطن بسبب التعليمات ثم يتم اكماله لها بالواسطه او بالرشوه يعامل معاملة المرتشي 11- يتم الاعلان عن كافة الوظائف وشروطها ويتم التقدم حسب الحاسب الالي وهو يقرر من تنطبق بحقه الشروط ثم يتم عمل قرعه بين الحظور جميعا على الوظائف بعد تساويهم بالشروط 0 12-الغاء كافة قرارات وزير العمل واصدار قرارات جديده تصب في مصلحة المواطن والوطن ومنها السماح باي عدد يطلب المقاول استقدامه مقابل توضيف مواطن عن كل عشرة عاملين اجانب براتب لا يقل عن ثلاث الاف ريال سعودي 0سيتم خفظ اسعار الايدي العاملة الى نصف ما هي عليه الان 0 13- اي رجل امن يرتكب جرما يحاكم بأشد العقوبات مهما كان الجرم ولو كان بسيطا 0 14 اي وزير يغلق مكتبه في وجه اي مواطن يقال من منصبه وعلى كل وزير فتح مكتب ممثل له في كل المناطق لكون هناك مواطن لا يستطيع السفر لمقابلة الوزير بسبب الفقر او المرض ولا احد يعرف او يدري عنه شئ 15- منح المتقاعدين رواتبهم كامله بعد التقاعد لكونهم ادو واجبهم وبقي ان ترد الدولة لهم الدين ولو بالوفاء لهم وسد حاجتهم انتهت المده عسى الملك يعطيني فرصه ثانيه واكمل الباقي وفجأة صحيت من النوم ولا انا نايم على باب اداره حكوميه لي شهرين اراجعهم بدون فايده من بعد الصلاة الين الظهر 0 ولا اثريه حلم وانا اصدر اوامر وما غير اداير البشت على ظهري ياخساره |
رد: 000000سري للغايه
موقفنا اليوم معي انا واعضاء من هيئة الامر بالمعروف والنهي عن المنكر
وقبل ما ابدى بالقصه كلمة حق اقولها في رجال الحسبه اسأل الله ان يديم علينا امننا وديننا الذي هو عصمة امرنا حقيقه هاؤلاء الرجال يتعر ضون لحرب هوجاء من اعداء الله العلمانيون ويحاولون بشتى الطرق التشويه عليهم ومحاولة تكريه الناس فيهم وخاصة المراهقون وعلى كل رجل افهام ابنائه واخوانه بوجوب وجود الهيئة على مدار الازمان ( الحسبه) واليكم القصة مرة من المرات جاني واحد يقول لي فيه عماره تستعمل من شباب مكان لأمور مخله بالاداب لواط وتعاطي مخدرات بحكم خبرتي بالموقع تسللت اليه ودخلت قبل قدوم الشباب لجلستهم ومعي جوال والهيئة تنتظر مني اتصال دخلو الشباب وبدو يحضرون للجلسه وانا واقف ورا باب بالشقه الي يستعملونها والعماره لم تستكمل المباني ومهجوره منذ سنوان المهم بدؤ يتوافدون وحصل امامي مناظر اقول لا حول ولا قوة الا بالله المهم انا اتصل بأعضاء الهيئة والشبكة ما تمسك تخبرون اول ما بدء الجوال عندنا وتعبت اخر لحضه مسك الاتصال هجوم هجموم نطو الي بالشقه يمين وشمال واحد دخل يبا يندس ورا الباب ولا يوم جا عندي ومسك بي وانا اصرخ وهو يصرخ ويتطامرون الشباب ولا الخبيث الي مجمعهم موقف سيار ته تحت العماره والصندوق ماليه سفنج ومغطيه بشراع ويطير زي طرزان ويطب بالحوض ويفحط بس على مين 0بتوع الهيئة نسمو الكفرات يوم شافوه دخل العماره وحنا الساعه الثانية فجرا المهم هرب على رجليه الهيئه يقولو حرامي حرامي فيه اثنين بنقال طلعو من بيتهم وجري ورا الحرامي واحد منهم طاحت فوطته الهيئه يقوله استر نفسك يرجال اتركه مرده يجي البنقالي ترك الفوطه يبا يجيب الرجال عريان لحقوه فوطته ( ميزره ) ولبسها بس جاب النمرود وطرحه ومن يوم ما انتهت المطاردات الا جميع سكان الحي صاحين وتهل الوساطات عشان الشباب اهلهم خايفين من الفضيحه ما خافو من الله بس اهم شئ الفضيحه واحيلوا للجهات الرسمية لإتخاذ الاجراء اللازم معهم انا مرع ذهني ( خوفني ) الورع الي دخل يندس عندي ويوم لمسني صرخ وصرخت معه والدنيا دماس ما تشوف يدك والمطبخ القمامه واصله به مترين وماغير حشرات وريحه الله لا يوريكم مكروه 0 |
رد: 000000سري للغايه
[size=6]المثري
قصصك روعه اما الطالب ورجول الطيور ههههههههههههههههه اشهد بالله ان رد على دكتور الماده صح[/size] |
رد: 000000سري للغايه
هذي لا هنت ياستاذ ماجد ترى منقوله حكاية رجول الطيور ورجلين الطالب ماهي من مواقف المثري بس استعاره ومنقوله وشاكر مداخلتك
بس ما باركتلي على تولي الحكم الله يصلحك |
رد: 000000سري للغايه
اناخلاص ما ابغى انام اليومين الجايه
اخاف احلم ان اوباما حطني رئيس واكمل المخطط الامريكي الاسرائلي وادمر الدول الاسلاميه دوله دوله حتى ما احد يرفع راسه الا اطقه وحنا يالعرب ترى فينا شر ما هو موجود حتى بالجن بس رؤسانا مكتفينا وإلا سيرا على الاقدام ندمر اسرائيل ونغرقها بتفو الله يكرمكم راح يكون اتخاذي القرارات التاليه لو استلمت منظمة الدول الاسلاميه 1- انسحاب جميع الدول الاسلامية من منظمة الامم المتحده وتكوين منضمة العالم الاسلامي 0 2- اي دوله غير مسلمة ترغب بالانظمام لمنظمة الدول الاسلاميه تتعهد بعدم الاعتداء على اي دوله مسلمه وتحت اي سبب وعليها رفع الدعوى الى المجلس في حال تظلمها 0 3- عزل الدول المساندة لأمركا وعدم القبول بها 0 4- عزل الدول التي اسائت لسيرة المصطفى صلى الله عليه وسلم 0 قطع العلاقات عامه مع الدول المذكورة 0 5- انشاء صندوق صناعي وتوزيع المهام الصناعيه بين الاعضاء لتعم الفائدة ونتبادل لمصالح مع اخواننا المسلمين الغير منتجين للنفط غدا لنا تكمله فانتضروها في صياغة بعض القرارات الهامه |
رد: 000000سري للغايه
هذا فيه عامل يعمل بالسعوديه من جمهورية مصر العربية
وله سنتين ما سافر لمصر وارسله اخوه رساله يقوله فيها عن احوالهم والزراعه والبهايم المهم وصل الى قرب نهاية الرساله وقاله بس هناك مشكله حبيت تطلع عليها وهي ان ( × × o ÷= شعرها ) واتصرف انته زي منتى عاوز وقولنا ايش الحل احسن محناش عارفين نعمل ايه قاله ( 0000) بعد ما انتظر ما لديكم واعرف ردودكم اعلن اش قاله ضروري التعليق على هذا الموضوع اتفقنا ياشباب ما احد حله ( فيفي دائره على حل شعرها ) فيفي هذي زوجته ويعني داشره قاله هي طالق |
رد: 000000سري للغايه
رجاء الرد على هذا الموضوع
من شابه اباه فما ضلم قام ابني بأخذ لي ووضع طرف منه على رأسه والطرف الاخر في فمه فقام يقبل طرف اللي وعندما سألته عن لماذا يفعل ذلك قال لي اجابه سارى ردودكم ثم اخبركم باجابته انا انتظر ردودكم وتوقع الاجابه والاجابه سؤردوها غدا مثل هذا الوقت وسنرى من تكون اجابته صحيحه نريد تفاعل منكم ما احد رد كان يبي يشوف ايش شعور الي يسلمون على راسه الناس |
رد: 000000سري للغايه
مرة من المرات رحنا للطائف وسكنا في خيمة
وقام ابني في مسح خطواته وخطوات اخوته وامه ولبس حذائي اعزكم الله وسار يمشي من السياره للخيمه رايح جاي يمكن مية مره يوم سألته جاوبني اجابه المرة ذي راح اعلمكم ايش اجابته تابعونا 1 1 1 1 1 1 1 1 1 1 1 1 1 1 1 1 1 1 1 1 1 1 1 1 1 1 قال ما شا الله عليه عشان اذا جاء احد يحسب الي بالخيمة كلهم رجال ويخاف يصل عندها ولا يجونا وحنا نايمين يوم يشوفون ان من السياره للخيمه كله مواطي اقدام رجال عرفت انه خايف نقلتهم للفندق ورجعنا ثاني يوم للخيمة ونام مرتاح 0 |
رد: 000000سري للغايه
جحا هذا فيه نسب بيني وبينه
هو متزوج بنت خالة عمتي جدة بنت اختي وولد عمة خالتي جدة بنت اختي متزوجا اخت جحا وامه سلمى تصير لي جدتي من الرضاعه وانا خال عيالها وزوجته فتحيه الي طلقها تصير بنت عمة ابو نواس يعني احنا قريب انكون من بعض بس المصلح الله انا سنين( في عمر ) الملك عبد الله ملك الاردن بس المصلح الله هو ملك وانا مواطن هذا الفرق الي بيني وبينه وانا سنين ملك المغرب بس نفس الشئ المصلح الله بس بشار الاسد ما هو بعيد عنا بس هو تدهور مسيكين وصار رئيس ما صار ملك والمصلح الله هذى لك ياماجد عشان تقولي بعض كلامك ما نفهمه وبالقوة تحول الى سري للغايه |
رد: 000000سري للغايه
اش رايكم انا في يوم من الايام صرت ولي امر عروس وجا يخطبها مني واحد وقعدت اتشرط عليه وانا ما عندي عروس ازوجهياه ايش يكون موقف العريس من شروطي تابعونا
1 1 1 1 1 1 1 1 1 1 1 1 1 1 1 1 1 1 1 1 1 1 1 حياكم اقلطو يامرحبا بالنشاما ياهلا تحيا وتدوم علومكم يالربع سريتونا بجيتكم وانستونا بزيارتكم يا هلا والله احنا جايين حقيقه نخطب لفلان بنت افلان الي انت وصي عليها حسب ما عرفنا وخوينا هذا حقيقه سمع عن البنت ويبغاها حليلة له مير ابركها من ساعه بس هذي يتيمه وانا ولي امرها ولي شروط اذا قبل فيها يا مرحبابه 1- العصمه تكون في يدها عشان مايلعب بالبنت بكره ويطلقها واكسب انا ذنبها 0 2- يعطيها راتبه كامل ما يصرف منه ريال واحد وهي تصرف عليه 0 3- ما يخرج من البيت الا بأذنها0 4- يشري الي هي تطلبه بدون ما يناقشها ابد0 5- اذا عزم احد يستأذنها قبل ما يعزم واذا قالت لا يعني لا 0 6- اذا قالت له ودني محل يوديها محل ما تقول 0 7- البيت والسياره وكل شئ يسجل بإسمها 0 8- اذا طلع من العمل يتصل عليها يقول انه طالع عشان تحسب للوقت وتشوف هو وين يروح 0 9- اذا جا يعبي السياره بنزين يستأذن منها ما هو على راسه 0 10- ما يصادق احد الا بعد ما يخبرها وتوافق ولا لا هي حره 0 11- اهله ممنوع من زيارتهم اكثر من مره بالشهر وتحت نظرها 0 12-كل شئ على مزاجها ينفذ دون مماطله او تأخير 0 13-اذا استجد لديها شروط مستقبليه تكون ملزمة من قبله التنفيذ دون عذر او قيد او شرط 0 هاه اش ردك موافق واذا تبا تشاور مالك زواج عندنا واذا تبا توافق نشاور البنت حنا ايش رايك هالحين نسمعه قبل ما تخرج مين يكون في موقف هذا ايش يكون رده غدا في مثل هذا الوقت تجدون رده وانا انتظر ردكم لأعرف مدى توافق ردودكم مع رده شاركونا هم العريس على فكره ترى مافيه عروس ولا شئ بس يدور عروس وحبينا نداعبه شوي وهو ما يعرفني بس يعرف الي جابه عندي بعد اتفاقنا على اننا نسوي فيه مقلب خفيف |
رد: 000000سري للغايه
[color=#000099][size=4][font=Arial][align=center]لو كنت بمكانه بوافق على الشروط على طول وماتردد
طيب لو صار مثلي وافق وش راح تقول له ؟[/align][/font][/size][/color] |
رد: 000000سري للغايه
راح اقوله العروس ما هي موافقه كخكخكخكخكخكخكخ هههههههههههههه
|
رد: 000000سري للغايه
عمركم شفتم عسكري مرور ياكل اسكريم في الشارع العام واثناء التفتيش 0 تابعونا هذه القصة القادمة من مواقفنا الطريفه
مريت وفي طريقي نقطة تفتيش ودايما ترى النقط غير مقروئة المهم كنت اكل اسكريم وطلب عسكري مني الاثباتات والاسكريم ساير ينقط علي وما ني عارف اتصرف عطيته الاسكريم يمسكه عشان اطلع الاوراق حقتي سار الاسكريم ينقط على يده ويلحسها يوم شفت الموقف كذا انا طولت عملية البحث والناس يناظرون فيه ويضحكون وانا ادور بالاوراق بعدين قلت له بالهنا ومشيت وتركته والاسكريم في يده وما عرف كيف يتصرف وانبلش بالاسكريم واخره رماه بعد ما حس انه انحرج والناس تناظره 0 |
| الساعة الآن 16:14. |
Powered by vBulletin® Version 3.8.11, Copyright ©2000 - 2024, Jelsoft Enterprises Ltd. www.sobe3.com
جميع المشاركات تعبر عن وجهة كاتبها ،، ولا تتحمل ادارة شبكة سبيع الغلباء أدنى مسئولية تجاهها