|
رد: سري للغايه
هذا قيه واحد مصري بعد صلاة الجمعة
يوقف السيارات ويهرج مع اصحابها وما احد فاهمه بالاخير جلس يبكي رحت له وش فيك يارجال انا دعت مش عارف انا فين ومانيش عارف ارقع ازاي والله معرفش انا معرفش قلت له هدي شوي وعلمني على مهلك ولا يصير الا خير انا قيت من مصر قبل يومين وقيت اصلي بالحرم وعاوز ارقع محدش عاوز يرقعني معرفش ليه طيب وين بيتك بالمستخبيه ايه بالمستخبيه عارف حتى انت مش عارف انا عملت ايه ياربي في دنيتي قول لا اله الا الله يارجل انا اقولك بيتك فين البيت بالمزرعه بالمستخبيه اها انت قصدك بالمندسه ايوه هيه والله هي طيب انت تقول لناس المستخبيه ما فيه المستخبيه اسمها المندسه بعد 30 كيلوا بطريق تبوك انا نسيت والله هي المندسه ايوه وقفنا سياره وراحت فيه للمستخبيه اقصد المندسه وهو يسلم على راسي |
رد: سري للغايه
[size=5]كمل كمل سوالفك يرب المباراه تلتغي
على قولة المصريين واحد متاثر بسوالفك[/size] |
رد: سري للغايه
[size=6][align=center]بالمناسبة كابتن المثري
جايب لي سروال سنة وفنيله علاقي وتقولي العب وين العب استرنا يارجل وطقمنا زي الاوادم شاريهن من حراج ابن قاسم وجاي تقول العبوا لا بالله مني لاعب مادام هذا الطقم ومن زين الذوق مرقم الفنيله 1500 يقالك هذا رقم هذا راتب حارس امن وكاتب على الفنايل المثري في قلوبنا والله شمت فينا العالم اضبط الطقم والله لولا رنية الاصل ماقعدت فالفريق دقيقة الله يخليه لنا[/align] [/size] |
رد: سري للغايه
والله يجماعة الخير انا مريت من عند وليد ولا سرواله منصل رفعته له احسبه مقطوع مطاطه زي سروالي واقاوله انتبه سروالك منصل يبى يطيح اثريه موضه وقعد هو وربعه يضحكون علي
وجتني معلومات ان فيه ابو سسته من ورا واسمه سامحني يابابا ( لو دخلوا جحر ضب لدخلتموه) صدق المصطفى صلى الله عليه وسلم والله تقليد ينزل من هيبة الشاب في مجتمعه ويذله في انظار حتى اقرانه وان جاملوه يا نهار انا حاولت اسوي زيهم بس البنطلون ما يمسك علي هب الا وهو عند اقدامي كيف يسوونها ما فكرت يانهار تسوي زيهم عشان تعلمني كيف اسأل الله لهم الهداية ولنا كما احب ان اضيف هنا ان بعض الاشخاص فضحه الله بفعل قام بعمله وقد يكون هذا الفعل بسيط نوعا ما وهناك من عمل البلاوي ولا زال ستر الله عليه وعليه ان يتوب قبل ان يفضح |
رد: سري للغايه
اصلا انا ما ليقيت مقاسك وحبيت اجيب لك سروال ما رادونا ولا ريفالدوا ولا بيكنباور ولا ريفلينوا ولا زيكوا بس مشكله خفت بسبب هذا ينخفظ مستواك رحت من بيت الشعر قصيت وخيطت لك سروال انما ايه والفانيله لا تنقل همها جاي الخير الاطقم مع فرقنا ( البائع الجوال على الحمار ) جايه شي يهبل الالوان بنفسجي ولولي وبصلي شي ياعوض حتى لو ما تعرف تلعب بتجيب اهداف هذي امور اداريه خلها لنا وتفرغ لمداعبة الكره بالملعب يا حبيبنا وبعدين الارقام خدعه عشان الفريق الثاني ما يمسك لأن خطتهم مبنيه على ارقام اللآعبين وكذا فكيتك من الرقابه يا حلو وحطيت لك رقم 1500 في التدريب وبالمبارة راح تلبس رقم بطاقة الاحوال يا ذكي افهمها 0
|
رد: سري للغايه
نظرا لعدم رفع اسماء الفريق الاخر فريق الشماسي
ونظرا لمطالبة وكالات الانباء والقنوات الفضائية تقرر ان يلعب فريق المثري مبارة تمرين مع نفسه ليجد الصحفيين خبر يتم نقله من موقع الحدث حيث كان عدد الصحفيين القادمين لتغطية المباراة كان عددهم يفوق الخمسين الف صحفي ومراسل واليكم نقل مباشر لتمرين فريق المثري نهار ياخذ الكوره بيده ويقول لخوياه الخطه بمساعدة عوض الخلف وفجأه ولا تم خلاف على الخطه وتدخل المدير الاداري وحل النزاع وتم بدء العب واليكم سير المبارة نهار ينقل الكوره لعوض الخلف الي بدوره يستقبلها بقنته وعلى الطاير يشوتها ولا هي عند رنية الاصل الي على طول يحاور زملائه العيبه ويعيدها لنهار في منطقة الحراسه فن خطه حديثه لسحب لا عبي الفريق المقابل لو كانو موجودين المهم تستمر المباراة ويقوم نهار بشوت الكره ضفر الى لا عبي الوسط الي بدورهم يتفننون فيما بينهم ناقلين الكره بشكل مذهل صفق لهم الحكم كثيرا اعجابا بما يقدمونه من مهارات ولكن مشعاب مشعاب يا الله مشعاب ياخذ الكوره وينطلق فيها الى مرماه متجاوزا كل العبين ويعلن عن تسجيل الهدف الاول في مرماه غريبه ليش يا مشعاب لنا لقاء معك يامشعاب عقب المباراة ونشوف ايش السر الي خلاك تجيب هدف في مرماك المباراة لا تزال في الدقائق الاول الا ان هناك احتجاج من الجمهور يطالب بتسجيل الهدف بلوحة الملعب الرئيسه والتي استقدمت لهذه المباراة واعادة الهدف بالبطيئة وبذلك ينتهي الشوط الاول من المباراة ولا يزال لنا لقاء في الشوط الثاني من المبارة التجريبية لفريق المثري |
رد: سري للغايه
[size=5]وانا جالس اشجع
عوض الخلف لاتكسر خل لعبك نظيف[/size] |
رد: سري للغايه
انت جاي تسجل الملاحظات على فريقي هين بعد ما ينتهي الشوط الثاني تشوف العلوم
|
رد: سري للغايه
في الحارة قررت اجمع غلمان الحاره وسوي فريق قدم
وفعلا تلعب سجل سجل سجل الين صارو عدد كبير رحت جبت قريدل قلت له يقولك افلان سو الارض هذي وروح له يعطيك الفلوس اليماني جاء وشغل القريدل واشتغل خلاها زي الكف وراح للرجال قاله انا ما قلت لأحد دورو وليد هذي اوصافه عمره يمكن 12 او 13 سنه المهم الكثير قالو والله فعايل فلان الي هو انا والبقيه الثانية قالو هين يبان مع الزمن ليش تسوت الارض المهم بعد اسبوع وانا اجي في عزومه ياعيال ياعيال الارض هذيك صارت حلوه نلعب فيها كوره اش رايكم والله يقولون سواها السياره الكبيره يعنني ما اعرف اسمها ابعدت التهمه عني نوعا ما ورحنا بعد الغداء نعاين الملعب الجديد رحت جبت صندوق ببسي حار ياشباب هيا نظافه من الحجار الكبيره المهم بديت بتجهيز فريق الكوره وفي يوم من الايام جاء دوري عندنا ونبا نشترك وما فيه محلات رياضه والناس حالتهم الماديه بالبركه رحت جبت طقم فنايل حمالي وامي تصبغ الصوف حق الغنم الي تسوي منه بعض المفروشات وبعض الزل اليدوي قديما والله ناسي اسمه هالحين صرت حضري المهم صبغت الفنايل بلون بردقاني حلو وبعد ما نشف وديته وهو مانشف 100% مستعجلين عندنا مبارة المهم لبسوه ولعبنا المباراة وبعد ما خلعو الفالنات ولا والله مطبوع الصبخه على اجسادهم وسنه وهم يتروشون بدون فايده الصبغه اصليه علامة الجوده عليهم |
رد: سري للغايه
قفشات
مره انا ماشي بوسط زحمه وعلى رجولي ولا واحد وراي بيب بيب بيب بيب رحت طليت فوق ابا اناظر المرايه وانا اصلا امشي على رجولي نسيت وعقلي ما ادري وين كان في زحمة الدنيا |
| الساعة الآن 02:21. |
Powered by vBulletin® Version 3.8.11, Copyright ©2000 - 2024, Jelsoft Enterprises Ltd. www.sobe3.com
جميع المشاركات تعبر عن وجهة كاتبها ،، ولا تتحمل ادارة شبكة سبيع الغلباء أدنى مسئولية تجاهها