منتدى الشعر الشعبي والنبطي ( شعراء الشبكة )قصائد نبطية شعراء قبيلة سبيع الغلباء و الخليج ، دواوين شعرية بالشعر الفصيح و العامي بأجمل الكلمات وأجزل الأبيات
يا ماحلا شوفت الذيدان منشوره =
ويا ماحلا فالرياض الخضر ممشاها
من بعد ماهي عن المدهال مقهوره =
استبشرت يوم ناش الروض ماطاها
تمشي تقول إنها بالوصف مغروره =
تاخذ من الجادل العذرا مزاياها
من حقها تنتشي في دار اخو نوره=
دارٍ تحير القدم ما تاصل اقصاها
تمشي وهي ماهي من الناس مذعوره=
كلٍ يبي شفّها و يدور ارضاها
البل على ماضي الأزمان مذكوره=
اللي دفع مهرها واللي تمناها
يوم إنها بالسيوف الهند مقدوره=
كم فارسٍ في زمانه من ضحاياها
اللي وقف دونها والعين مسروره=
واللي بعد غبنته عود وخلاها
واليوم عم الأمن والدار معموره=
واللي يبي حاجته بالطيب يلقاها
و تظلنا رايةٍ بالعز منشوره=
فالدوله اللي تعيش الناس بحْماها
أحب أنا المنتدى وأحب شعاره = وأحب أشوف الجديد اللي يقولونه
وأحب للشعر وأعشق كشفت أسراره = وأحب شكله وتنسيقه ومضمونه
وأخاف من قولة الأيام دواره = وأحسب ليومن به الشايب يعزونه