مفتوح ......أقرب شاعر

[مشعاب]

يا سلام على اللي لهم في القلب سايس = لو بغيت اغيب عنهم يجيب القلب ساسه
وين شعار الملاعب عسى ذالليل نايس = إفتحوها للمجانين و إعيال الوناسه

[بحر الشوق]

مرحبا لولا الحيا قلت يا ابن الناس قايس =ثوب هذا الرجل في ذالزمن ماهو مقاسه
بندقه شقت خباها وهو في القلب جايس=جوه شعار الملاعب وقصو شعر راسه

بعد اذنك بغير الطاروق
اول مره اسمعه

[بحر الشوق]

الا يا صحيب القوم جيب البواريد=وجيب الفتيله فيك بقدح زنودي
اخو عجره بهذا الزمن سيد الكيد=وهو بيرقٍ يرفع براس العمودي

[مشعاب]

ألا يا بحر حظك سبقت المقاريد = وتبي تاكل العلقه ولا قد تعودي
لقيناك في يوم الأجازه على السيد = وأنا كنت تايب عن حفير العدودي

[بحر الشوق]

عسى مايصيد اللي لها الشاعر يصيد=عاويده يا اهل العرف حلب الاسودي
يصدر ليا جينا عليهم مواريد=وعجرى تبا تاخذ جديد الورودي

[مشعاب]

أنا عارف أنك هاوي للمناقيد = مراهق وأنا يا طيب العرف عودي
ليا ولعت فربط على عنقها قيد = ترانا كبرنا عن ركوب القرودي

[بحر الشوق]

يا عودي القهاوي يا ضعيف العجاريد=بعد ركعتينك لا تبيح السدودي
ويا زينها يا حليلها جابت العيد=تبصر قبل تصحى عليك الرقودي

[مشعاب]

تقافتك محدودة وفكرك مشاريد = وعايش على هرج الخنا والزيودي
وأنا عارف انك تربية هافي الغيد= بعد شفت مشيك مع طلوع السنودي

[بحر الشوق]

الا ياالمثقف كبل يدينك القيد=ولا من زعلت اصدم كبير الحيودي
يازين الشعر لاجت نجاح المسيعيد=بقمت جبل وانا اشهد انه محسودي

[مشعاب]

أنا ما ازعل الا من كبار المحاميد = ومثلك على اللسته ما هوب معدودي
حلالاه يالرقه وفي الجيب تمديد= وروض خضر والبحر قاعه يزودي