رحب معنا بشهر رمضان المبارك ببيتين من الشعر000 أرجو التثبيت

[بدر محمدالسبيعي]

بسم الله الرحمن الرحيم


السلام عليكم ورحمة الله وبركاته


اخواني واخواتي اعضاء وزوار هذا الصرح الشامخ منتدى سبيع الغلبا


هذه فكره بسيطه من محبكم وهي عباره عن الترحيب بشهر رمضان المبارك ببيتين من الشعر لكل عضو

وأتمنى من الله ان يعيننا على صيامه وقيامه وأن يتقبل منا ربنا صالح الأعمال انه سميع مجيب الدعاء


مشاركتي :

هذا ارمضان الخير في كل الازمــان = شهر ٍ يحبه كل مســلم ويغليه
يامرحبا به عد همـــال الامـــــزان =واهلا هلا بالضيف والله يحييه

تقبلوا مني كل الحب والتقدير والتهاني





أخوكم / بدر محمد السبيعي

[أبو يزيد]

مرحبا وحياك الله

اخي

بدرمحمد السبيعي

اهنئك بقرب حلول شهر رمضان المبارك

شهر اوله رحمه واوسطه مغفره وآخره عتقاااا من النار.

وتقبل مروري المتواضع وهذه البيتين على السريع:

حياك ياشهر الفضيله والاحسان= يامرحبا ترحيب غالي بغاليه
أوله رحمه واوسط الشهر غفران=ويالله عتقاااا من جهنم بتاليه

[صقرسبيع]

(بسم الله الرحمن الرحيم)


السلام عليكم ورحمة اللله وبركاته وبعد,,,,,,,,,,

اشكرك اخوي (بدر) على الموضوع الجميل الذي فيه الترحيب بشهر رمضان المبارك


عسى الله ان يبلغنا اياه ويعتق رقابنا من النار


اللهم آآمين

جانا شهر الخير والاؤجور تزودي= شهراً يستهل علينا كل عام
اهلاً هلابه عد نبت الورودي= وعد من زار مكه وفي الحرم نام

اخوك

[صقرسبيع]

(بسم الله الرحمن الرحيم)




معليش اخووووووووووووووووووي

بدر نسيت اهنيك (مبروك عليك الشهر وعسى الله انه يبلغك واخوانا المسلمين الجمعين ) ويكتب لنا فيه المغفره والعتق

من النار انا واخوانا المسلمين احمعين

اخوووووووووووووووك

[ابن مشعب]

كل عام وانتم بالف خير

وبلغكم الله رمضان ورزقكم بصيامه وقيامة

هل رمضان وحان وقت العبادة = وقت التنافس في الاجر والصلاوات
وقت تنال به النفوس السعادة = بتلاوة القران ودفع الزكاوات

[بدر محمدالسبيعي]

ابو يزيد


بيتين رائعين


وتهنئتي لك يالغالي


لاهنت يالذيب

[ربح السبيعي]

مرحبابك يابدر ولاهنت على طرح هذا الموضوع المبارك



واهنيك واهني اهل المنتداء بالشهر الفضيل



الله يرزقنا وياكم فيه العمل الصالح

حييت ياشهرٍ يزيد ابه الايمان=لمن صام بأيامه وقام ابلياليه
يالله عسى النا فيه ترجيح ميزان=ياللي ماخيب من رفع يمه ايديه
يالله تفتك فاوله بالفتيكان=إللي يسب الدين ويسب اهاليه
إللي لحق حتى النبي نسل عدنان=ذله ياربي مالنا قدرتاً فيه

[خالد ال شيخ]

مسكور اخي الحبيب وفكره طيبه فمشاركتي في البيتين هي :
يامرحبا بشهر ارمضان الفضيلي @@@
شهر العباده واغنموا فيه ياسبيع
شهر الحساني مثل وبل المخيلي @@@
يروابه الضامي ويشبع به جويــع
يـالـلـه يـاربـي بـك اشد حيــيلي @@@
يالـلـه يـاربـي ومـنـك المـنـافيع


وفي الختام ارجو ان تحوز مشاركتي على رضاء الجميع واخير تقبلوا تحياتي

[بدر محمدالسبيعي]

صقر سبيع


لاهنت يالغالي

على مرورك


وبيتين رائعين

[عايش ابوليل]

111


اخواني اعضاء وزوار منديات سبيع الغلبا !!


شهركم مباارك وكل عام وانتم بآلف خير!!!


تقبلوا مني هذه المداخله البسيطه اتمنى ان تنال الاعجاب!!



!!!!!!!!!!!!!!!!

يالله يامنزل تبارك واالاحزاب=يارافعٍ سبع ويامنزلٍ سبع
ياواحدٍ منهو ترجاك ماخاب=تغفر ذنوب اللي من المعصيه شبع
وتبلغه شهر الفضايل واالاشباب=وتطبع كلام الحق في خافقه طبع!

تحيااتي للج ـــــــــــــميع !!