قصيدة محمد جار الله بــ عنوان/التجربه\ ومافي فرق بين سبيع وسهول

[ذيب الرمحيه]

وهي للشـآعر ..

محمد جـآر الله السهـلي

بعنـوآن [ التجربهـ ]



تقـدم الدنيـا لنـا درس ٍ جديـد بـكـل يــوم
والناس تسلم من غثا الدنيـا بحفـظ دروسهـا !!

وعلى حسب حفـظ المواجيـب وتعاليـم السلـوم
نعـرف مقاسـات البشـر بالمرجلـه ونقوسهـا

صيت الرجال الوافيّـه بأفعالهـا .. ولا ّ الرخـوم
ينبيـك عنهـا : قـل نفعتهـا وشيـن نفوسهـا

تطرد ورى الدنيـا وتكشـخ بالمواتـر والهـدوم
مثل ( الحريم ) أغلب دراهمهـا علـى ملبوسهـا

والإمعـه والشايـب الكـذّاب وضعيـف العـزوم
ناس ٍ مع العالم بـلا هيبـه تدربـي روسهـا !!

والبخل : خلاّنـه بهايـم !! لا تسـام ولا تسـوم
لا شفتها ترفـع يـدك حمـد وشكـر وتبوسهـا

على الصحن هم أول الجلاّس وآخـر مـن يقـوم
يعيّفـك حلـو الاكـل والشـرب طـول جلوسهـا

ماهيـب للـلازم سنـد ولا ذخـر عنـد اللـزوم
تمـوت ماسـرّك مهايطهـا وكـثـر فلوسـهـا

وسوالف الخبلان .. رفعة ضغط وصداع وهمـوم
فـلاوة ٍ تخطّـف علـوم الـعـرب وتحوسـهـا

واجب عليك إليا حكت عن جملـة حكاهـا تشـوم
الهند مـا يـرأس حكومتهـا سـوى هندوسهـا

وربع المصالـح والمجامـل خـوة ٍ ماهيـب دوم
اقولهـا والتجربـه قطـع وريــدي موسـهـا

وقت الرخا .. مثل الصقور اللي على المرقب تحوم
فيّ ٍ يـذّري ساقـك الرمضـا وحـر ّ شموسهـا

وإليا احتمت صكّات بقعا وامست علومـك علـوم
اتلـوّي خششهـا وتجحـد خوّتـك وتدوسـهـا

من عقب ما انت الطيّب وقدرك معـزّز ومحشـوم
تصيـر اردى مـا خلـق ربـي ودم ضروسهـا

أبعد عن الأشكال ذي .. بعد الثرى عـن النجـوم
وش حاجتك في قرب رديـان العـرب ونجوسهـا

ماهوب عيب إليا عزموك تقول يالربع .. معزوم !
العيـب : لارحـت لعزايمهـا وجيـت عروسهـا

وخلّـك فطيـن تعلّمـك دنيـاك درس بكـل يـوم
والرجل يسلم من غثا الدنيـا بحفـظ دروسهـا !!





وسلآمتكم ..

[ابن جعوان]

صح اللسان الشاعر وبيض الله وجهه
ومشكور على النقل تقبل مروري
الاهنت

[سعد الجبري]

صـــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــح
لــــــــــــــــــــــــــــــــــــــــــــــســ ــــــــــــــــــــــــــــــــــــــــــــــــــ ــــــــأأأأأأأأأأأأأأأأأأأنــــــــــــــــــــــ ـــــــــــــــــــــــــــــــــــــــــه
وتــــــــــــــــــــــــــــــــــــــــــــــــ ــــــــــســـــــــــــلـــــــــــــــــــــــــ ـــم يــــــــــــديـــــــــــــــــــــــــــــــــــ ــــــــــــــــــــــــــــــــــــــن
مـــــــــــــــــــــــــــــن نــــــــــــــــــــقــــــــــــــــــــــــــــ ـــــــــــــــــــــــــــلــــــــــــــــــــــ ـــــهــــــــــــــــــــــــــــــــــــــــــــ ـااا

[ذيب الرمحيه]

الله لايهنكم وماقصرتو