صوت استغاثه ..لفلاح ابن ضاوي الحنان

[ولدالوجيرب]

ياخوان نزل كتاب جديد للشاعر منصور ناصر المشعبي السبيعي


بعنوان مواقف وامجاد


يحتوي هذا الكتاب على قصائد رائعه للمجموعه من الشعار السبعان


وغير من القبائل الاخرى


تحكي هذه القصائد عن الكرم والوفاء والشهامه والطيب


وفيه قصيده للشاعر فلاح ضاوي الحنان(ابوطلال)


بعنوان صوت استغاثه...يقول فيها

لي قصة تحكي بها صحف الاعلام.....سويت في دنياي مقلب واكلته

حبيت أمثل قيس في تـالي الأيام......بحيـيه لكـني غلطـت وقتـلـته

حـياة قيـس أوهـام وقـتله أوهـام.....ياليتـني قبـل اتوهـق سألـته

مجنـون ليلـى صـح ماهـوب ينـلام.....أحـرى بقـتلي منه حمل نقلـته

وأنا أدري أن ليلى مهي من بني لام.....وابن الملوح منهجه ماوصلته

خطـاي مع طـاريه سـيرت الأقـدام.....مافيـه شي يـنبـذل مابـذلـته

وداد من لا يعـتنـي بالـوفـا سـام.....وأنا جـرعـت السـم مـه وتفلـته

اسرع من الأحزان تكميد الأسقام.....واللي خذلني بالهوى ما خذلته

صبري على حالي مثل صبر الأيتام....ثابت على طول الدهر لو مللته

ويعذر على الزاد والنـوم مانـام.....والسـد باح وبعض ماشـفت قلته

والخافي أعظم والينا مجرم أجرام.....نزلني بوادي العذاب ونزلته

ماباقي الا أجن واعبد الأصنام.....وهذا العمل ينكر علي أن عملته

قلبي تعلق بالأماني والأحلام.....مسـكـين عيـا ينـعذل لو عذلـته

أثر السهر هذا نصيبي من العام.....متوجهن يمه مصـيرن جهلتـه

وش بلوتي يحكم عليه بالأعدام.....ياناس وشهو ذنبي اللي فعلته

والله مالـي معـرفه عند صـدام.....وبغـداد ماقـط بحيـاتي دخلـته

صوت استغاثه يابني سام وحام.....واللي تقولـونه علـيه قبـلته

انا أستجير الله وأبي حكم الاسلام.....ولا قوانين المحبين قلته

[البدر]

لاهنت ياولد الوجيرب

ولا هان الشاعر منصور بن ناصر المشعبي

وصح لساااااااااااااااانابو ضاوي

ملاييييييييييييييييييين


اخوك البدر

[مشعاب]

قصيدة جميله


والكتاب وين نلقاه يا بعدي


<<< ناوي يرسل للمؤلف قصائد وصورة 10× 20

[smart]

صح الله لساان الشااعر وتسلم يمين النااقل


لاهنت اخي ياولد الوجيرب


تحيااااااااااتي

[ابن مشعب]

لاهنت ياولد الوجيرب قصيدة رائعة ونتمنى تعرفنا على الموزع لديوان

ونشكر الاخ منصور على انجازه الرائع


ابن مشعب

[ولدالوجيرب]

مشكور اخوي البدر



وصح بدنك نيابة عن الشاعر والناقل

مشكور يالغالي



اخوي مشعاب

بصراحة انا الكتاب ماخذه من الشاعر منصور كهديه منه


جزاه الله خير


ومايحتاج صورة الشاعر منصور في اخر الكتاب ونبذه عنه


مشكور



اخوي سمارت

مشكور يالغالي صح بدنك نيابة


عن الشاعرين



اخوي ابن مشعب

مشكور يالغالي


بصراحه الكتاب نزل السوق ماله وقت

وقبل ايام مواجه الشاعر منصور ويقول توزعت منه حوالي ثلاثه الاف نسخه

وانا لواشريت الكتاب يالغالي علمتك بالمكان لكن

الموزع مؤسسة الجريسي للتوزيع والأعلان ـالرياض

هاتف 4022564

فاكس 4023076