لهذه القصيدة الجميله لون الحكمه وصوت العقل وهى
لاحد الشعرالمتميزين وهونمش الشمري وحبيت نقلها لهذ المنتد االمتميز
الشعر له معنى ومنهج وقانون= والشاعر اللى يلتزم في كلامه
والمعرفه لاطعم لاريح لالون = لاصار ينقصها طموح وفهامه
والعمر مهما طال ماهوبمضمون = الله عليم بمبتداه وختامه
والصدق مفتاح لسلامه ومبخون = والكذب مفتاح الشقا والندامه
والشك تركيبه هواجيس وظنون = بيت من الريبه سريع هدامه
والسر يبقى داخل الصدر مكنون = ومن ما حفظ سره عليه الملامه
وبعد النظريحتاج له عقل وعيون = وقصر النظرمن غيرداعي غشامه
الطيب حاجة تجبر النفس وتمون = تاخذ من نفوس النشامى مرامه
وا لطيب باللى يجحدة هم وغبون = والطيب باللى يستحقه شهامه
االمنفعه بين القرايب لها شؤون = غصب على صد القريب وخصامه
امرصدرمن با مره الكاف والنون = الاقربون اولى كرم اوكرامه
هذا نظام اللى على الدين يمشون = وكل يبي يلقى نتيجه نظامه
ومن عا مل الايام باقصاد وديون = لازم يجي له يوم يدفع غرامه
والفقر ما هوعيب مهمايقولون = العيب تقديرالردي واحترامه
للنقص نقص وراعي النقص مهيون = من عهد ابونادم ليوم لقيامه
هذي خلاصه تجربة عمر وشجون = اهديتها للى يحب السلامه
غير متصل
