هذه القصيده للوالد اطال الله في عمره
انا اول كلامي بذكر الله ومنه اسال =بعفه وجوده يغفر اذنوبي الحيه
حسـيبي عليك الله ياشركة الجوال= جلبتي علينا الذنب وانا بريريه
عسى صانعه يعطى الشلل عقب شتن الفال = او ربي يسد اذنـيه ذيه مع ذيه
صنع صنعة فتكة غـيرت الاحوال = وتجري مجاري الدم بعلوم سريه
نبي منه ربح ثم خسرنا براس المال = وغير الخساره منفـذ للحراميه
تكفون ياهل العرف ياسلسلة الابطال= ياكم خرب الجوال شاب او شبابيه
ولاتشري الجوال للبنت يالرجال =وكل الخطر لاخلصت من الثانويه
يشوش على اهل الدين ويضيع الاموال =ولا له مع السفهان وقفات رسميه
يقول المـثل نيات خلق الله بالا اعمال=نصيحة ترى الجوال له سمعة سيه
تفادوا الخطاء يأهل ألوفا حدنا نحتال = على الوجه الأبيض قبل يحصل مضريه
نصيحة كتبها البدوي اللي مــن الجهال = وتنصى محبتن الشرف والشهاميـه
ترانا قريبيــن من القحط والزلزال=وترى من تهاون بالردى ينجح الكيه
وبعض العرب ماكنه الا من الاطفال= ولايفعل الحســـنه ولا ينكر السيه
قرب من الحيوان في المخ والافعال = ولايعرف الغيره ولا له بها نيه
الا يابنــات اليـوم ياطيبات الفال = ترى صحبت الجوال صحبه تجوريه
يبث الفضايح في المجالس مع الأنذال= وانا اشفق عليـكن يابنات السعوديه
ترى البنت مثل الثوب الابيض طبيعة حال =ولامن حصلة كدمتن خربة ذيه
يكلمك ملقوف يبي منك وسعة بال =ولاهوب راعي تاليه يالسنا فـيه
لاكن سفهيه ولاتردين ياغزال =علشان قدرك يرتفع ميه بالميه
الاياهـني الي بعيد عن الارسال =في بيت الشعر ولا الخيام العموديه
عليهم من الله نور في الحل والترحال= رجال الشهامه في الرخاء والمعسريه
ويالله سترك ياعظيم ويافعال = بعفوك وجودك لايجينا مضـريه
وصلاتي على المرسول بدين والهلال= عدد مايهل الوبل من كل وسميه
[/poem]
غير متصل
