لا تنخدع بالبنت ام مكياج

[العود الازرق]

يـا صانـع المكيـاج الله يجـازيـك
خليتني مخـدوع فـي شكـل خلـي

الله يحـرق مصنعـك مـع مبانيـك
والمعرض الموجـود في بيكاديلي

ادعي عسى تعمى وتنشـل رجليـك
هـذا دعائـي دوم لا جيـت اصلـي

خليتني اركـض ورا البنت هاذيـك
واشوفها اجمل غـرام ٍ حصـل لـي

قلبي عشقها ياحبيبي توماتيك
وان شافها قلبـي يرحـب يهلـي

هي رحبت بـي وقالـت الله يحييـك
وقالت هلا باللي عشق زيـن شكلـي

وقالت انا اجمل بنت في اللي حواليك
شف حسني الاخاذ وروجي العسلّـي

طالعتها ثـم قلـت هالقلـب يبغيـك
ومن شاف حسنك خلى غيرك يولـي

ابغي اشوفـك دون مكيـاج يكسيـك
وابغـي اشوفـك بالجمـال المحلـي

قالت تبينـي افـرك الوجـه تفريـك
واشيل هالبـودر وروجـي وكحلـي

قلت أي نعم قومي عسى الروح تفديك
ابغـي جمالـك هالطبيعـي يهـلّـي

قالت دقايق راجعـه لـك واراويـك
ذاك الجمـال اللـي لعينـك يسـلّـي

ويوم رجعت لي شربكتني الشرابيـك
وحسيت الارض تدور وانـا بمحلـي

الخد كنه ياحياتي سيراميـك
والوجه شارع مثـل شـارع حولـي

الوجـه كنـه بيـت كلـه شبابيـك
من هالحفر في وجهها اللـي يعلّـي

كلـه سبـب مكياجـك الله يجازيـك
خليتني مخـدوع فـي شكـل خلـي

ونصيحتي لكل شاب من غير تشكيك
لا لا اتسـرع ثـم تنغـش مثـلـي

اللـي بـلا مكيـاج خلهـا حواليـك
واللـي تحـط مكيـاج خلهـا تولـي

منقول

[القريشي1000]

صح لسانك
مشكوررررر اخوي

اخوك/القريشي1000

[أبوعبدالله]

صح لسانك يا العود الازرق

[العود الازرق]

صح بدنك

ويا هلا فيك القريشي 1000

[العود الازرق]

حياك الله يابو عبدالله وصح بدنك

[رآعي الأوله]

مادام الدعوى شارع حولي

هذا مقابلها في سوق شرق


ههههههههههههههههههههههه


والله من الترهيم


قصيدة رائعة يعطيك العافية،،

[مشعاب]

خخخخخخخخخ


يا رجال حتى الزينات ما تستانس لين تصبغ


كله بسبايب قزاز ومحمود سعيد

[ابوراجح]

الله يستر علينا نخاف تصدفنا في العليا في الرياض أوشارع التحليه بجده لاكن مقبوله

[مشعاب]

المشاركة الأصلية كتبت بواسطة ابوراجح

الله يستر علينا نخاف تصدفنا في العليا في الرياض أوشارع التحليه بجده لاكن مقبوله

الله يغنيك بحلاله عن حرامه

ومن فضله عن من سواه

[مشاكس مؤدب]

العود الازرق حياك الله وقصيدة معبرة


المصيبة ان بعض الناس ينخدع بما يظهر من البنت مثل من بعض ما تبرزه من الجفون

والا لو تكشف وجهها تشوف السنون اللي تقول صف اول ابتدائي ماسك طابور على مقصف واحد طالع ايمين والثاني طالع ايسار

على قولة ياسر العظمة

والضحكة لو تضحك تحس ان فيه هزة ارضية حولك

ويقولون طبعا يقولون مو انا اللي اقول هم اللي يقولون

اذا بغيت تشوف جمال البنت الطبيعي شفها في اسوا حالاتها

ومتى اسوا حالاتها

اذا قامت من النوم على طول تشوفها فلن تكون اسوا حالا من هذا الوقت


والنظرة الشرعية تراها من رخص الاسلام لنا

يعني تبغي تقزقز وحده على شان تتزوجها لا حرج عليك

بس لها شروط ياليت احد يذكرنا بهالشروط لاني والله متكيسل اعدددها