منتدى الشعر الشعبي والنبطي ( شعراء الشبكة )قصائد نبطية شعراء قبيلة سبيع الغلباء و الخليج ، دواوين شعرية بالشعر الفصيح و العامي بأجمل الكلمات وأجزل الأبيات
نضحك وغزة تحت قصف الصواريخ = اتقول ما حنا من المسلمينا
وين الرجال الماجدين المطانيخ=عوق الخصوم ونجدة الخايفينا
الوضع ما يبغى شتايم وتوبيخ =يبغى فعولاً تردع المعتدينا
وحنا لنا في عالم الحرب تاريخ=ما يمّحي مهما تطول السنينا
كنّا ندوّخ جيش الاخصام تدويخ=ونروّض الباغين والطامعينا
واجدادنا كانوا جبالاً شواميخ=كانوا لبلدان العجم فاتحينا
واليوم صرنا كالدجاج المفاريخ=ونمورنا تنحر بوسط العرينا
وقلوبنا ماتت وصارت مفاضيخ=وتبلدت كل الاحاسيس فينا
ومنوخات اعزومنا اليوم تنويخ=ومبنجينا الغرب ومخدرينا
والصقر هد هد والغظنفر غدا ذيخ=واستوحش القنفذ وهاش الحصينا
والشهد مرمر واصبح الهيل بطيخ=وتحوّل الحنظل سفرجل وتينا
لا نستمع فتوى ولا وعظ من شيخ=ونداهن الكفار والملحدينا
ماني ملطخ سمعة القوم تلطيخ= لكن هذا واقع المسلمينا
شعر : جندب المالكي=
الكون في عيني غدا يبن موضي= اقل واصغر من جناح البعوضة
بسباب عضات الزمان العضوضي=الي على الاجواد كثرت عضوضه