المعركه,لـ, محمد, جارالله, السهلي,

[ابن جعوان]

قصيدة باذخه يفجرها محمد جارالله السهلي
في هلا فبراير 2008 في سماء الكويت
قد نالت على رضى الجميع عنها
وليس مستغرب على الشاعر الكبير
محمد جارالله السهلي,

	الحرب لا صارت ما بين ( ملوك ) .. يرتاح القزم ..! = قدام أجي .. و أحط خشمه / تحت رجلـي .. و أفركـه بالمختصر .. و المسألة / قدر .. و مقامات .. و عزم = اللـي مـا هـو قـدّ ( الملـك ) .. مـا هـو بـقـدّ المعـركـه حـتـى الـرعـاع الـلـي معيشتـهـا عـلـى مـسـح الـجـزم = صــارت تـعـرف الفـرنـكـه .. وتـجـيـد فـــن الفـبـركـه ياهـيـه .. يـامـال العـمـى الـلـي يـخـزم عيـونـك خــزم = شفني عدل .. واسترجع الماضي معـي .. واستدركـه ركــزّ .. وفـكّـر .. فــي حـيـاة الأنبـيـاء أولــي الـعــزم = وأنـت تـعـرف فــرق النـفـوس المؤمـنـه و المشـركـه والـلـي خلـقـك بــلا ظـهـر .. بتـمـوت مـاقـيـل احـتــزَم = مواقفك وش هي ؟ بـلا ضعـف .. ونفـاق .. وجمركـه مـــا أنـــت بـولــد عـــمٍ قـفــا .. ولا ولـــد عـــمٍ لــــزم = سـلـعـه تـروجـهـا الصـحـافـه فـــي زمـــان الأمــركــه فغـصـبٍ عـلـيـك تـراعــي حـــدودك .. وفـيـهـا تـلـتـزم = ويلك لو اسمـع لـك نفَـس .. ويلـك لـو اشـوف حركَـهْ ياسـخـريـة الأقـــدار .. وشـلــون الـجـمـل حـــنّ ورزم = وهـــو عـلــى مـاقـيــل فــمــراح امـهـاتــه .. مـبـركــه لكّـن خذهـا مـن لسـان اللـي الـيـا راغــوا .. جــزم !! = خـذ الصحيـح .. وغيـره ذلــك صــد عـنـه .. واتـركـه ( الأمعـه ) فـي كـل حاجـه .. مــا انتـصـر ولا انـهـزَم = خــــارج حـسـابــات الـعـقــول الـواعـيــه والـمـدركــه والــرجـــل لاقّــفـــا شـبــابــه .. لا ذبـــــح ولا عـــــزم = مثـل المـرأه وأردا شـوي .. مافيـه خيـر ولا بركـه !! لأجــل كــذا .. خـلـك هـنـاك بـعـيـد .. وأرتـــح يـاقــزم = قـدام أجـي .. واحـط خشمـك تحـت رجلـي .. وافـركـه

اتمنى ان تحوز على رضاكم ايضا

تحياتي لكم جميعا

أخـوكـم

أبن جعوان

انشاء الله

[ابن مغتر]

السلام عليكم ورحمة الله وبركاته
الصراحه قصيده روعه ليست غريبه على محمدجارالله وش رايكم بلقب البركان يستاهله ولد جارالله ولاهنت يابن جعوان على ماتقدمه من جديد والله شهادتي فيك مجروحه

[ابن جعوان]

المشاركة الأصلية كتبت بواسطة ابن مغتر

السلام عليكم ورحمة الله وبركاته
الصراحه قصيده روعه ليست غريبه على محمدجارالله وش رايكم بلقب البركان يستاهله ولد جارالله ولاهنت يابن جعوان على ماتقدمه من جديد والله شهادتي فيك مجروحه

: أخي : ابن مغتر : بارك الله فيك :
يستاهل السهلي
لاشكر على واجب طال عمرك

شرفنا وجودك يالغالي
اشكر مرورك الكريم لاهنت