[poet font="Simplified Arabic,4,darkred,bold,normal" bkcolor="transparent" bkimage="backgrounds/17.gif" border="double,10,gray" type=1 line=200% align=center use=ex length=0 char="" num="0,black" filter=""]
ياهل الجيكس اللي سمعنا وحيفه =بالله عليكم ريضـوا واركبونـي
واليا وصلتوا شف بالي وريفـه= وصلت جميلتكم وانـا حولونـي
بنت الرجال اهل القلوب النظيفـه = لعلهم عقـب الجفـا يرحمونـي
ربيع قلبـي يالنشامـا وصيفـه =اللي على شوفي شفوقٍ حنونـي
شقرا على كل الصبايـا منيفـه =ياليتهـم راحـو ولا وادعونـي
عنقا عنود الصيد بيضا صحيفـه =ماكل ضحاكـن عليهـا يمونـي
بيض الملاحظ والمذاهب شريفـه =وكا غرسة البستان لدن الغصوني
لاهيب مليانـه ولاهـي نحيفـه =مربوعة تضفي عليها القرونـي
من أول قلبـي جروحـه خفيفـه =واليوم من فرقاه تسهر عيونـي
في نجد كلـه مالقينـا وصيفـه =واليا اشتكيت من العنا سامحوني
يفـز قلبـي لاتـذكـر حليـفـه =بنت الرجال موسعيـن الطعونـي
ماتنحني لأهل النفوس الضعيفـه = بنت للرجال يدسمون الصحونـي
ناس يرون السيـوف الرهيفـه= واشهد بها لو كان مايسمعونـي
ماهمب مثل اهل الوجيه الكسيفه =اللي على دمث القدم يحسدونـي
من لامني يرمى بحـد القذيفـه =ومن ايده تكثر عليـه الديونـي
لاونها بالسـوم جبنـا اللطيفـه = والله لادفـع ماورايـه ودونـي
;) وســـــــلامتـــــــــكم ;)
[/poet]
غير متصل
